Hebreos 9:15 - Qheshwa Biblia DC

¹⁵ Ajinamanta, payqa mosoj tratomanta allinyachej, wañuyninta churasqanraykutaj, ñaupaj trato urapi juchas kajkunata pampachan; wajyasqastaj Dios qosaj nisqanta chayaqepaj wiñaypaj jap'inku.

DIOSPA QHELQACHISQAN DEUTEROCANONICAL

¹⁵ Chayrayku Jesucristonejta runakuna Dioswan mosoj tratoman yaykunchej, wajyasqa kajkuna wiñay kawsayta chayaqeta jina jap'inanchejpaj, mayqentachus Dios qonanta nerqa, chayta. Cristo wañorqa runakunata ñawpa tratopi juchallisqankumanta kacharichinanpaj.

DIOSPA QHELQACHISQ

¹⁵ Chayrayku Jesucristonejta runakuna Dioswan mosoj tratoman yaykunchej, wajyasqa kajkuna wiñay kawsayta chayaqeta jina jap'inanchejpaj, mayqentachus Dios qonanta nerqa, chayta. Cristo wañorqa runakunata ñawpa tratopi juchallisqankumanta kacharichinanpaj.

Quechua South Bolivia: Dios Parlapawanchej

¹⁵ Cristoka may sumaj jaywananwan Diospa mosoj tratonta atiyniyojta nokanchejpaj ruwarka. Dios niskanta mana junt'ayta aterkachu ñaupa tratonpi runaska juchallicuskancuraycu. Cristorí wañorka runasta tucuy juchamanta cacharichinanpaj. Cunanka Cristoj wañuyninraycu tucuy wajyaskacunaman Dios sumaj niskanta junt'an wiñay causayniyoj canancupaj.

Hebreos 9:15 Referans Kwoze

Romanos 8:30

Pikunatachus qallariypi ajllarqa chaykunatapis wajyallarqataj. Chay wajyasqastataj cheqan runaspaj rejserqa, ajinata rejsispataj paykunaman janaj pacha k'anchayta qorqa.

Romanos 8:28

Yachanchej, Diosta munakojkunataqa tukuy ima allimpaj yanapasqanta, paypa munayninman jina wajyasqasta.

Hebreos 9:12

Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.

Hebreos 10:36

Llakiypi sinch'i sonqopuni kanaykichej tiyan, Diospa munayninta ruwaspataj, Diospa qosqayki nisqasninta jap'inaykichejpaj.

1 Timoteo 2:5

Uj k'ata Dios tiyan, jinallataj Dioswan runakunata allinyachejpis uj k'atalla, chaytaj Jesucristo runa.

Hebreos 12:24

Astawanqa qayllaykunkichej Jesusman mosoj tratopi allinyachejman, chay ch'ajchusqa yawarmantaj. Chayqa Abelpa yawarninmanta nisqaqa, aswan allintaraj parlan.

Hebreos 7:22

Chayrayku, Jesusqa astawan allin tratomanta garante churasqa karqa.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Romanos 5:6

Pisi kallpayojllaraj kashajtinchej, maychus tiempompi Cristo wañorqa juchasapasrayku.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

Hebreos 6:13

Diosqa qosqayki nishajtin Abrahamman, mana jatun sutirayku jurayta atispa, pay kikin sutimpi jurarqa, nerqataj: Cheqamanta yanapaywan junt'achisqayki, mirachisqaykitaj ashkhata.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

Hebreos 2:14

Wawasqa uj yawarllamanta, uj aychallamanta kanku; ajinallatataj Cristopis, chaykunallamantataj kaspa, wañuynejta, wañuypa atiyninta jap'ejta atipanampaj, niyta munan, supayta.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Hebreos 8:13

Mosoj trato nispa, Diosqa mauk'ayachinña ñaupaj kajta. Unayniyojqa mauk'ayapun, chinkariynintaj qayllapiña kashan.

Tito 3:7

Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

2 Timoteo 2:10

Chayrayku, tukuy imata aguantani Diospa ajllasqasninta munakusqayrayku, paykunapis salvacionta kusiywan wiñaypaj tarinankupaj Cristo Jesuspi.

San Juan 10:28

Noqa paykunaman wiñay kausayta qoni; manataj jayk'ajpis chinkanqankuchu, makisniymantapis mana pipis qhechuwanqachu.

San Mateo 19:29

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

1 Juan 2:25

Kaymá chay wiñay kausayqa, mayqentachus kikin Jesucristo nerqa qonawanchejta.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Hebreos 11:13

Creespa tukuyninku wañuporqanku, chay Diospa qonan kasqanta manaraj jap'ishaspa; astawanqa karullamanta chay imasta qhawaspa, creespa, napaykuspataj; ajinamanta, kay pachapi purej runas jina, mana llajtayoj kasqankuta rejsicherqanku.

2 Tesalonicenses 2:14

Chaypaj wajyasorqachej evangelioykunejta, Señorninchej Jesucristoj janaj pacha k'anchayninta tarinaykichejpaj.

Romanos 6:23

Juchaj pagonqa wañuymin, Diospa regalonrí wiñay kausay, Cristo Jesús Señorninchejpi.

Hebreos 9:16

Maypichari testamento ruwasqa kajtenqa, testamentota ruwajqa wañunanraj tiyan.

2 Corintios 3:6

Kikin Diosllataj, uj mosoj tratomanta yachachejkunata churawarqayku, mana escribisqaman jinachu, astawanqa Espirituman jina. Leyman jina escribisqarí wañuchin, Espiritutaj kausarichin.

Romanos 9:24

Chaykunata wajyallarqataj, niyta munani: Noqanchejta, chantá mana judiosllamantachu, manachayqa gentilesmantapis wajyallarqataj.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

Romanos 5:8

Chay tukuywampis Dios munakuyninta rikuchiwanchej, juchasapasllaraj kashajtinchej, Cristoqa wañorqaña noqanchejrayku.

San Lucas 18:18

Uj kamachej runataj Jesusta taporqa: K'acha Maestro, imatataj ruwasaj wiñay kausayniyoj kanaypaj?, nispa.

Marcos 10:17

Jesús, ñanman llojsishajtinña, uj runa usqhayllata jamorqa; Jesuspa ñaupaqenman qonqoriykukuspataj, payta taporqa: K'acha maestro, imata ruwaspataj wiñay kausayta tariyman?

San Mateo 25:36

P'achamanta usushajtiy, p'achallichiwarqankichej; onqosqa kashajtiy, watukuwarqankichej; carcelpi kashajtiypis, jamuwarqankichej.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Salmos 37:18

Mana juchayoj kausajkunata Señorqa waqaychan. Paykunaj chayaqenkoqa wiñaypaj kanqa.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

San Mateo 22:3

Kamachisninta kacharqa, jatun mikhuyman wajyasqasta pusamojta, paykunataj mana jamuyta munarqankuchu.

San Lucas 22:20

Jinallatataj, cenaytawankama copata oqharispa nerqa: Kay copaqa yawarniypi mosoj tratomin, qankunarayku jich'asqa kanqa.

Hechos 20:32

Kunantaj Diosman saqeykichej, sonqochaj palabranman ima. Payqa atiyniyoj kallpachanampaj, chayaqeykichejta pis qonampaj tukuy ajllasqasman ima.

Gálatas 3:20

Allinyachejqa mana uj runajllatachu; Diosrí uj sapallan.

Hebreos 6:15

Abrahamqa, chay jina unayta pacienciawan suyakuspa, Diospa qonanta tarerqa.

Hebreos 10:34

Presosta khuyarqankichej, kapuyniykichejta suwajtinkupis kusiywan aparqankichej, yachaspa qankunapaj aswan sumaj chayaqe kasqanta janaj pachapi, mana jayk'aj tukukuyniyoj.