Hebreos 9:12 - Qheshwa Biblia DC

¹² Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.

DIOSPA QHELQACHISQAN DEUTEROCANONICAL

¹² Chantá Cristoqa manallataj chivokunaj nitaj torillokunaj yawarnin aparisqachu yaykorqa. Manachayqa pay kikinpa yawarnin aparisqa Diosllapaj T'aqasqa Cheqaman uj kutillata yaykorqa. Ajinamanta Cristo wiñaypaj juchaj atiyninmanta kacharichiwarqanchej.

DIOSPA QHELQACHISQ

¹² Chantá Cristoqa manallataj chivokunaj nitaj torillokunaj yawarnin aparisqachu yaykorqa. Manachayqa pay kikinpa yawarnin aparisqa Diosllapaj T'aqasqa Cheqaman uj kutillata yaykorqa. Ajinamanta Cristo wiñaypaj juchaj atiyninmanta kacharichiwarqanchej.

Quechua South Bolivia: Dios Parlapawanchej

¹² Chaywanpis payka Diospa ñaupakenman yaycorka mana uywa yawarwanchu. Manachayrí paypa quiquin yawarninta jich'arka. Uj cutillatataj yaycorka juchamanta wiñaypaj cacharichinawanchejpaj.

Hebreos 9:12 Referans Kwoze

Hebreos 10:4

Torospa, chivospa yawarninkoqa, mana juchasta qhechuyta atinchu.

Hebreos 9:15

Ajinamanta, payqa mosoj tratomanta allinyachej, wañuyninta churasqanraykutaj, ñaupaj trato urapi juchas kajkunata pampachan; wajyasqastaj Dios qosaj nisqanta chayaqepaj wiñaypaj jap'inku.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

Hebreos 10:19

Chayrayku, hermanos, Jesuspa yawarninrayku aswan llimphuchasqa santuarioman tukuy sonqo yaykuyta atinchej.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

Hebreos 7:27

Payqa mana chay waj kuraj sacerdotes jinachu. Paykunaqa sapa p'unchay ñaupajtaraj uywa wañuchisqasta jaywananku tiyan juchasninkurayku, qhepantataj aylloj juchasninrayku. Kayta Cristoqa uj kutillata wiñaypaj ruwarqa, pay kikin wañuyman qokuspa.

Levítico 9:15

Aaronqa Señorman jaywamullarqataj israelitaspa rikuchikusninta. Juchankumanta apamusqanku rikuchiku chivota Aaronqa jap'erqa, ñak'aspataj Señorman jaywarqa juchasmanta, imaynatachus ñaupaj rikuchikuta jaywarqa ajinata.

Hebreos 9:13

Sichus chivospa, torospa yawarnin, waka uñaj ushphantajchus millay runakunaman ch'ajchusqa kaspa llimphuchan, aycha ch'uwachasqa kanampaj chayqa; may jinatawanrajchus Cristoj yawarnin, pichus wiñay Espiritunejta Diosman mana juchayoj qokuspa, concienciaykichejta llimphuchanqa, kausaj Diospa munayninta ruwanaykichejpaj.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

1 Tesalonicenses 1:10

Willallankutaj qankuna janaj pachamanta Diospa Churinta suyashasqaykichejta, pitachus Dios wañusqakunamanta kausarichimorqa. Chaytaj Jesús. Pay jamoj k'ajaj phiñakuymanta salvawarqanchej.

Zacarías 3:9

Noqa churani Josuéj ñaupaqenman qanchis ladosniyoj uj rumita, noqa kikiytaj chayman qelqaykusaj. Chaymanta uj p'unchayllapi kay runaspa juchasninta pichasaj.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Colosenses 1:14

Paypi kacharisqas kanchej, juchasninchejtaj pampachasqas kanku.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Marcos 3:29

Santo Espíritoj contranta rimajpatarí, mana jayk'ajpis juchan pampachasqachu kanqa; astawanqa wiñaypaj juchachasqa kanqa.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 9:7

Iskay kajmanrí, jatun sacerdotella uj kutita sapa wata yawarwan yaykoj, mana yawarwanqa mana. Chaytataj paypa juchasninrayku, runaspa juchasninraykutaj jaywaj.

Levítico 4:3

Sichus aceitewan jawisqa sacerdote juchallikun, runastawan juchallichin chayqa, pay Señorman apamuchun uj torillota sumajnin kajta mana iman imanasqata, chay juchampa cuentanmanta rikuchiku kanampaj.

Levítico 16:15

Chaymantataj chay chivota ñak'anqa israelitaspa juchankumanta rikuchikuta Señorman jaywanampaj. Chay chivoj yawarnintataj veloj wasannejman apanqa. Chay ukhupitaj kirpanaj patanta ñaupajnintawan ch'ajchonqa, imaynatachus torilloj yawarninwan ruwarqa ajinata.

Hebreos 9:19

Maypachachus Moisés tukuy llajtaman tukuy kamachiykunata leerqa, chaypacha uña wakaspa yawarninta, chivospa yawarnintapis jap'ispa, yakuwan, puka millmawan, hisopowantaj ch'ajchorqa, kikin librota, tukuynin runasmanwan.

Hebreos 13:12

Chayrayku Jesuspis, llajtamanta jawapi ñak'arerqa, runata kikin yawarninwan llimphuchanampaj.