Hebreos 9:11 - Qheshwa Biblia DC

¹¹ Chantá, Cristo jamojtinña, aswan allin imas jamojkunamanta sacerdote kaspa, aswan kuraj, aswan sumaj santuarionejta, mana makiswan wakichisqanejtachu. Kay niyta munan, mana kay pachapi ruwasqa santuarionejtachu.

DIOSPA QHELQACHISQAN DEUTEROCANONICAL

¹¹ Chaywanpis Cristo jamunña, aswan allin imakunamanta Kuraj Kaj Sacerdote kananpaj. Maypichus pay imachus ruwananta junt'arqa, chay toldopis aswan sumajllataj. Chay toldoqa mana runaj ruwasqanchu, ajinaqa mana kay pachamantachu.

DIOSPA QHELQACHISQ

¹¹ Chaywanpis Cristo jamunña, aswan allin imakunamanta Kuraj Kaj Sacerdote kananpaj. Maypichus pay imachus ruwananta junt'arqa, chay toldopis aswan sumajllataj. Chay toldoqa mana runaj ruwasqanchu, ajinaqa mana kay pachamantachu.

Quechua South Bolivia: Dios Parlapawanchej

¹¹ Cunanrí aswan sumaj p'unchaycunapiña canchej. Diosman Kayllaycuchiwajninchej Cristoka yaycunña chay aswan sumaj caj cheka caj yupaychana-wasimanka. Chayri mana runaspa ruwaskanjinallachu nitaj cay ruwaska pachamantachu cashan.

Hebreos 9:11 Referans Kwoze

2 Corintios 5:1

Yachanchej kay jallp'api wasinchejqa, kay cuerponchej. Chaychus thuñikunman chayqa, tiyapuwanchej uj wasi Diospa ruwasqan janaj pachapi wiñaypaj, mana runaj makimpa ruwasqanchu.

Hebreos 10:1

Leyqa, jamoj imasmanta llanthullan kaspa, mana kay pachaj rijch'aynin kaspataj, mana atinchu chay kikin uywa wañuchisqasllatapuni sapa wata jaywaspa qayllaykojkunata allinchayta.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

Hebreos 2:17

Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

Hechos 7:48

Chaywampis patapi kaj Diosqa, mana runaj makisninwan ruwasqa wasipichu tiyakun, imaynatachus profetaspis nin: Janaj pachaqa tronoy, kay pachataj chakisniyta churanay. Ima laya wasitataj ruwapuwankichejri? Chayri, maynejpitaj samarikusajri?

2 Juan 1:7

Ashkha pantachej runas kay pachaman rikhurimunku. Paykunaqa ninku Jesucristo mana aychapichu kay pachaman jamusqanta. Kayta nejqa pantachej, anticristotaj.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

San Juan 4:25

Warmitaj nerqa: Yachani Cristo nisqa Mesías chayamunanta; paytaj chayamuspa tukuy imata willawasqayku.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

Salmos 40:7

Chayrayku nerqani: Kaypi kani, nispa, imaynatachus libropi nisqanman jina.

Hebreos 7:1

Kay Melquisedecqa, Salem llajtaj reynin, jatun Diospa sacerdoten karqa; pichus Abrahamta taripaj llojserqa, reyesta atipasqanmanta kutimushajtin, paytataj yanaparqa.

Isaías 59:20

Uj Salvador Sión llajtaman jamonqa, Jacobpa ayllunmanta Señorman kutirikojkunapaj, nispa nin Señorqa.

Hebreos 4:15

Uj kuraj sacerdote tiyapuwanchej, pichus onqoykunasninchejmanta khuyakuyta atiwanchej. Payqa tukuy imapi tentasqa karqa noqanchej jina; manataj payqa jayk'ajpis juchallikojchu.

Colosenses 2:11

Jinallataj paypi circuncidasqas kankichej, mana makiwan ruwasqawanchu. Qankuna aychaj juchanta wijch'orqankichejña, Cristopi circuncidachikuspa.

San Mateo 2:6

Qanrí Belén, Judaj jallp'ampi kaj, manamin aswan juch'uychu kanki Judaj llajtasnin ukhupi. Qanmanta llojsenqa uj kamachej, paytaj Israel aylluyta michenqa.

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Malaquías 3:1

Tukuy Atiyniyoj Señorqa nin: Willarajniyta kachamusaj, ñanta wakichipunawampaj. Mask'ashankichej chay Señorqa ujllata temploman yaykonqa. Chay munasqaykichej tratomanta willarajqa chayamushanña.

Jeremías 33:8

Llimphuchasaj noqaj contraypi tukuy juchallisqankumanta, llimphuchasaj tukuy juchasta ruwasqasninkumanta, contraypi oqharikusqankuta ima pampachasaj.

2 Corintios 4:18

Mana noqaykojqa qhawaykuchu imaschus rikukun chaykunataqa, astawanqa mana rikukojkunata qhawayku. Rikukojkunaqa mana unaypajchu, mana rikukojkunataj wiñaypaj.

Hebreos 12:27

Uj kutita nispaqa niyta munan, kuyukojkuna ruwasqa kasqankurayku qhechusqa kanankuta, mana kuyukojkunallaña sayanankupaj.

Hebreos 13:14

Kay jallp'apeqa mana sayaj llajtayojchu kanchej, astawanqa chay jamoj llajtata mask'ashanchej.