Hebreos 8:10 - Qheshwa Biblia DC

¹⁰ Ajinamanta, kay tratota Israel aylluwan ruwasaj, jaqay p'unchaykunaj qhepanta, Señor nin: Yuyayninkuman kamachisqasniyta churasaj, sonqosninkupitaj escribisaj. Paykunaj Diosninku kasaj, paykunataj noqaj aylluy kanqanku.

DIOSPA QHELQACHISQAN DEUTEROCANONICAL

¹⁰ Chayrayku chay p'unchay, kay jina mosoj tratota Israel aylluwan ruwasaj, nispa Tata Dios nin: Yuyayninkuman kamachisqayta churasaj, sonqonkupitaj nisqayta qhelqasaj. Noqa Diosninku kasaj, paykunataj noqaj aylluy kanqanku.

DIOSPA QHELQACHISQ

¹⁰ Chayrayku chay p'unchay, kay jina mosoj tratota Israel aylluwan ruwasaj, nispa Tata Dios nin: Yuyayninkuman kamachisqayta churasaj, sonqonkupitaj nisqayta qhelqasaj. Noqa Diosninku kasaj, paykunataj noqaj aylluy kanqanku.

Quechua South Bolivia: Dios Parlapawanchej

¹⁰ Chay jamoj p'unchaycunapi Israel ayllupaj mosoj tratoyka caymin: Yuyaynincupi camachiskasniyta churasaj entiendenancupaj. Sonkoncupitaj camachiskasniyta kelkasaj casuyta munanancupaj. Diosnincutaj casaj, paycunari runasniy cankancu.

Hebreos 8:10 Referans Kwoze

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

2 Corintios 3:3

Arí, sut'i kashan qankuna Cristoj cartan kasqaykichej, jaywasqa qankunaman noqaykunejta; mana tintawanchu, astawanqa kausaj Diospa Espiritunwan, mana llusk'a rumi tablapichu, astawanqa aycha sonqos tablapi.

Deuteronomio 30:6

Señor Diosniykichejqa llimphuchanqa sonqoykichejta, mirayniykichejpa sonqosninkutapis, payta munakunaykichejpaj tukuy sonqoykichejwan, tukuy almaykichejwampis, ajinamanta kausanaykichejpaj.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Romanos 11:27

Kay kanqa paykunawan tratoyqa, maypachachus juchasninkuta paykunamanta qhechusaj chaypacha.

Santiago 1:21

Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

1 Pedro 1:23

Qankunaqa watejmanta nacisqas kankichej, mana ismoj mujumantachu; manachayqa mana ismojmanta, Diospa palabrannejta. Chaytaj kausan wiñaynintimpaj.

Zacarías 8:8

Apamusajtaj paykunata Jerusalenman chaypi tiyakunankupaj. Chaypacha paykuna aylluy kanqanku, noqataj Diosninku kasaj, cheqa kaypi llimphu kaypitaj.

Santiago 1:18

Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.

Ezequiel 37:27

Paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Jeremías 32:40

Paykunawan uj tratota wiñaypaj ruwasaj: Paykunaman nisaj, manaña jayk'ajpis saqenayta, allinwan rikuyta, yupaychawayta munaywantaj sonqonkuman junt'achisaj ama noqamanta t'aqakunankupaj.

Jeremías 32:38

Paykuna aylluy kawanqanku, noqataj Diosninku kasaj.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Éxodo 34:27

Señorqa Moisesman nerqa: Kay palabrasta escribiy, imaraykuchus chayman jina tratota qanwan ruwani, jinallataj israelitaswampis.

Ezequiel 39:22

Chay p'unchaymantapacha ñaupajman Israel aylloqa noqa Señor Diosnin kasqayta yachanqa.

TAKIYKUNA 2:16

Noqaj munasqayqa noqajta, noqapis papata kani. Payqa ovejasninta rosa t'ikas ukhupi michin.

Éxodo 24:4

Chaymanta Moisesqa Señorpa tukuy palabrasninta qelqarqa. Tutamanta jatarispataj uj altarta orqo k'uchupi chunka iskayniyoj rumiswan ruwarqa, chay rumistaj Israel ayllusman jina karqa.

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Jeremías 31:1

Señorqa nillantaj: Chay p'unchaypeqa tukuy Israel aylluspa Diosninku kasaj, paykunataj aylluy kanqanku, nispa.

Oseas 2:23

Aylluyta tarpuykusaj jallp'aman noqa sapallaypaj, khuyakusaj Lo-ruhamanta, Lo-amitataj: Qanmin aylloyqa kanki, nispa. Paytaj niwanqa: Qanmin Diosneyqa kanki!, nispa.

Éxodo 24:7

Jinaspataj chay trato ruwasqan libro qelqasqanta runasman leerqa. Chaypachataj runasqa nerqanku: Noqaykoqa Señorpa palabrasninta, kamachisqasninta ima ruwasqayku, nispa.

Éxodo 34:1

Señorqa Moisesman nillarqataj: Uj p'alta rumita palqayojta ruwallaytaj ñaupajta jina; mayqenkunatachus choqaspa t'unaykorqanki chay kikinta, chayman kunampis ñaupajta escriberqani chay kikin palabrasta ch'eqospa escribinaypaj.

1 Corintios 6:16

Chayrí, manachu yachankichej pichus qhencha warmiwan tantakojqa, paywan uj cuerpolla kasqanta? Escribisqa nishan: Iskayninku uj aychalla kanqanku, nispa.