Hebreos 7:25 - Qheshwa Biblia DC

²⁵ Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

DIOSPA QHELQACHISQAN DEUTEROCANONICAL

²⁵ Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

DIOSPA QHELQACHISQ

²⁵ Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Quechua South Bolivia: Dios Parlapawanchej

²⁵ Paynejta Diosman kayllaycucojcunapaj janaj pachapi Diosmanta mañapuspa wiñaypaj causan. Chayraycu tucuy atiyniyoj cashan paycunata juchamanta cacharichinanpaj wiñaypaj mosoj causayniyoj canancupaj.

Hebreos 7:25 Referans Kwoze

Romanos 8:34

Pitaj juchachanmanri? Chaypajqa Cristo wañorqaña, wañusqasmantapis kausarimorqa; kunantaj Diospa pañampi kashan noqanchejpaj mañaspa.

1 Timoteo 2:5

Uj k'ata Dios tiyan, jinallataj Dioswan runakunata allinyachejpis uj k'atalla, chaytaj Jesucristo runa.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

Efesios 2:18

Paynejta judiospis, mana judiospis uj Espiritunejta Dios Tataman yaykusunchej.

Romanos 5:2

Paynejta yaykuyta atinchej chay salvacionman creesqanchejrayku, chaypitaj sinch'ita sayanchej, kusikunchejtaj, Diospa janaj pacha k'anchayninta suyaspa.

Hebreos 11:6

Mana creespaqa, mana atinchejchu Diospa sonqonta kusichiyta; imaraykuchus Diosman qayllaykojqa, creenan tiyan Dios kasqanta, payta mask'ajkunamantaj t'inkachej kasqanta.

Efesios 3:20

Diosqa tukuy imata ruwayta atin, mañakusqanchejmantapis aswan ashkhataraj, jinallataj yuyaychakusqanchejmantapis noqanchejpi atiynin kasqanman jina.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Hebreos 9:24

Cristoqa, mana yaykorqachu runaj makinwan ruwasqa santuarioman. Chayqa cheqa kajpa rijch'aynillan karqa. Payqa kikin janaj pachamampuni yaykorqa; Diospa ñaupaqenman qayllaykuspa noqanchejpa allinninchejrayku.

Hebreos 7:19

Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.

Isaías 59:16

Chaypacha Señorqa repararqa mana uj runallapis allin kasqanta, chaypitaj t'ukorqa mana uj runallapis allinyachej kasqanmanta. Kikin makinwan salvayta qallarerqa, cheqan kaynintaj sumajta sayacherqa.

San Juan 14:13

Imatachus Dios Tatamanta sutiypi mañakunkichej, chayta noqa ruwasaj, Dios Tata Churinnejta jatunchasqa kanampaj.

Daniel (hebreo) 6:20

Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

Daniel (hebreo) 3:17

Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

Job 23:3

Allin kanman yachanay maypichus Dios kasqanta, noqataj riyman maypichus Pay tiyakun chaykama!

Hebreos 5:7

Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa.

Isaías 53:12

Chayrayku atiyniyojkunamanwan khuska chayaqenta qopusaj. Chaymanta payqa atipajkunaj t'inkanta jap'ikaponqa, pay kikin wañuyman jaywakusqanrayku. Payqa juchasapaswan khuska yupasqa karqa, tukuypa juchasninta apaspa, Diosmantataj chay juchasapaspaj mañapuspa.

Hebreos 13:15

Chayrayku, Jesucristonejta Diosman yupaychay rikuchikuta jaywanapuni. Kay niyta munan, simispa yupaychaynin, maypachachus Jesucristoj sutinta oqharinku, chaypacha.

Isaías 63:1

Pitaj kay puka p'achayoj Edonmanta, Bosramanta jamushanri? Pitaj kayri, atiyniyoj jina puka p'achata churakojri? Noqa kani, cheqan kajta willaspa atiywan salvanaypaj.

Hebreos 7:16

Payqa mana aychaj kamachisqanman jina churasqachu; astawanqa, mana tukukoj kausaypa atiyninman jina.

Hebreos 2:18

Imaynatachus pay kikin tentasqa kaspa ñak'arerqa, ajinallatataj atiyniyoj tentasqa kajkunatapis yanapanampaj.

Filipenses 3:21

Paytaj kay k'umuykukusqa cuerponchejta waj jinaman tukuchenqa, kikin paypa lliphipej cuerponman jina. Chay kikin atiyllawantaj tukuy imasta kamachiynimpa uranman churanqa.

San Juan 14:16

Noqataj Dios Tatamanta mañasaj, paytaj waj sonqochajta kachamonqa, wiñaypaj qankunawan kanampaj; cheqa Espirituta, mayqentachus mundo mana jap'iyta atinchu, imaraykuchus payta mana rikunchu nitaj rejsinchu. Qankunataj payta rejsinkichejña, imaraykuchus qankunawan kashan, qankunallapitaj kanqa.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Isaías 45:24

Cheqamanta Señorllapi kashan cheqanchayqa, kallpapis. Payllaman tukuypis jamonqanku, pikunachus contranta ruwarqanku chaykunapis may p'enqaypi rikhurenqanku.

2 Timoteo 1:12

Chayrayku ñak'arishani kay tukuy imaspi. Chaymantaqa mana p'enqakunichu, imaraykuchus allinta yachani pipichus creesqayta, atiyniyojtaj kasqanta waqaychanampaj chay imatachus qowasqanta jamoj p'unchaykama.

Daniel (hebreo) 3:29

Kunanqa noqa kamachini, pillapis kay waynakunaj Diosninkoj contrampi sajrata parlanqa chayqa, wañuchispa ukhuntaqa khuchuraspa choqarasqa kachun, wasintaj phirisqa kachun. Mayqen nacionmantapis kachun, chayri mayqen parlayniyojpis kachun, imaraykuchus mana waj dios kanchu chay jinata salvajqa.

Hebreos 7:24

Kayrí, wiñaypaj sayasqanrayku sacerdote kaynenqa mana tukukuyta atinchu.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Efesios 3:12

Diosman qayllanapuni tukuy sonqo Cristopi creespa.

Hebreos 7:8

Cheqamanta, kaypi diezmota jap'ejkunaqa, wañoj runas kanku. Jaqaypirí yachakun diezmota jap'ej Melquisedecqa, kausashallasqantapuni.

Job 22:17

Diosman nerqanku: Jatariy noqaykumanta, imatataj ruwasqa Tukuy Atiyniyoj noqaykupaj?, nispa.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

1 Corintios 1:21

Diospa yachayninman jina, kay mundoqa Diosta mana rejserqachu, runaj yachayninrayku. Chayrayku Diosmanqa allin rijch'arqa, paypi creejkunata salvayta chay locoyasqa yachachiynejta.

Hebreos 2:9

Jinallatataj Jesusta rikunchej qhapaj k'anchaywan, allin sutiwantaj pillusqata wañuynin jawa ñak'arisqanrayku. Payqa uj pisi tiempolla juch'uychasqa karqa angelesmanta nisqaqa; chaywampis Diospa khuyakuyninrayku Jesusqa tukuypaj wañuyta munarqa.