Hebreos 7:11 - Qheshwa Biblia DC

¹¹ Sichus ari, levítico sacerdociorayku sumaj kay, kanman karqa chayqa; imapajñataj waj sacerdote, Melquisedecpa t'aqanman jina jatarinman karqari, manataj Aarompa t'aqanman jina kajtinri?

DIOSPA QHELQACHISQAN DEUTEROCANONICAL

¹¹ Diosqa kamachisqankunata israelitakunaman qorqa, yuyaspa Leví ayllumanta sacerdotekuna israelitakunata yanapanankuta nisqanta junt'anankupaj. Sichus Leví ayllumanta sacerdotekunanejta runakuna Diospa tukuy mañasqanta junt'ayta atinkuman karqa chayqa, waj sacerdote rikhurimunan manaña necesariochu kanman karqa. Chayrayku chay sacerdote mana Aaronpa t'aqanmantachu kanan karqa, manachayqa Melquisedecpa t'aqanmanta.

DIOSPA QHELQACHISQ

¹¹ Diosqa kamachisqankunata israelitakunaman qorqa, yuyaspa Leví ayllumanta sacerdotekuna israelitakunata yanapanankuta nisqanta junt'anankupaj. Sichus Leví ayllumanta sacerdotekunanejta runakuna Diospa tukuy mañasqanta junt'ayta atinkuman karqa chayqa, waj sacerdote rikhurimunan manaña necesariochu kanman karqa. Chayrayku chay sacerdote mana Aaronpa t'aqanmantachu kanan karqa, manachayqa Melquisedecpa t'aqanmanta.

Quechua South Bolivia: Dios Parlapawanchej

¹¹ Israelcunata Dios camacherka Levimanta miraylla yupaychana-wasipi ruwanayojcuna canancuta. Chaymanjina Aaronpis ñaupaj curajnincu carka. Diospa sumaj yuyaskanta runasman junt'anancupaj churaskas carkancu. Astawanrí paycunaka mana aterkancuchu tucuyta junt'ayta. Chayraycu Diosman kayllaycuchej waj laya Melquisedecjina churaska canan carka. Payka Cristomin.

Hebreos 7:11 Referans Kwoze

Hebreos 8:7

Ñaupa kaj tratochus allin kanman karqa chayqa, mana waj tratotajchu churakunman karqa.

Gálatas 2:21

Diospa khuyakuynintaqa mana qhesachanichu. Sichus leynejta mana juchayoj rikhuriykuman chayqa, qhasi mana kajpaj Cristoqa wañorqa.

Hebreos 7:21

Cheqamanta chay waj sacerdotesqa mana juramentowanchu churasqas karqanku. Kayrí juramentowan churasqa karqa. Paymantaj nisqa karqa: Señor jurarqa, manataj jurasqanmanta kuyurerqachu. Qanqa wiñaypaj sacerdote kanki.

Hebreos 7:15

Kaytaj astawan sut'inchakun, Melquisedecpa rijch'ayninman jinachus, waj sacerdote jatarin chayqa.

Hebreos 5:6

Wajnejpipis nillantaj: Qan wiñaypaj sacerdote kanki, Melquisedecpa t'aqanman jina.

Gálatas 4:9

Kunanqa Diosta rejsishaspa, chayrí Diospa rejsisqasnin kaspa, imaraykutaj ujtawan mana kallpayoj, wajcha yachachiykunaman kutiripuyta munankichej kamachisnin jina?

Hebreos 6:20

Chay veloman, noqanchejrayku ñaupaykuspa yaykorqa, wiñaypaj kuraj sacerdote churasqa kaspa, Melquisedecpa t'aqanman jina.

Hebreos 5:10

Diostaj kuraj sacerdoteta payta suticharqa, Melquisedecpa t'aqanman jina.

Gálatas 4:3

Ajinallataj noqaykupis wawas kashaspaqa kamachis karqayku, kay mundoj kamachisqasninta kasuspa.

Hebreos 7:10

Tatampa ukhullampiraj kasharqa, maypachachus Melquisedec taripaj llojserqa Abrahamta, chaypacha.

Hebreos 7:12

Sacerdocio tijrakojtenqa, leypis tijrakunallantaj tiyan.

Hebreos 7:13

Chayrayku, jaqay pimantachus runas kayta ninku chayqa, waj ayllumanta karqa; chay ayllumantarí, mana pipis altarman jaywaj yaykorqachu.

Hebreos 9:6

Kay imas chay jina wakichisqas kajtinkutaj, ñaupaj kajman sacerdotes yaykullaj kanku, culto ruwaykunata junt'anankupaj.