Hebreos 6:18 - Qheshwa Biblia DC

¹⁸ Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

DIOSPA QHELQACHISQAN DEUTEROCANONICAL

¹⁸ Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

DIOSPA QHELQACHISQ

¹⁸ Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

Quechua South Bolivia: Dios Parlapawanchej

¹⁸ Dios ni jayc'aj llullacuyta atinchu. Chayraycu sumaj niskanwan cheka juraskanwanpis churarka chay iscaynin wiñaypaj quiquillanpuni canancupaj. Ajinapitaj paypi suyaspapuni sumaj sonkochaskas canchej; imaraycuchus wañuymanta Diosman aykecorkanchejña wiñay causayta jap'icunanchejpaj.

Hebreos 6:18 Referans Kwoze

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

1 Samuel 15:29

Diosqa Israelpa kusiynin. Payqa mana llullakunchu, nitaj pesachikunchu. Mana payqa runachu pesachikunampaj.

2 Timoteo 2:13

Sichus manaña paypi creesunmanchu chayqa, Diosqa kikillampuni sayan, qosqaykichej nisqanta junt'anampaj, imaraykuchus pay kikinta mana qhesachakuyta atinchu.

Romanos 3:4

Chayqa mana jinachu; astawampis Diosqa cheqamin, tukuy imata ruwan cheqa kajman jina, tukuy runataj llulla, escribisqa kasqanman jina: Palabrasniynejta cheqan runapaj qhawasqa kanaykipaj; juzgasojtinkutaj atipanaykipaj.

Salmos 46:1

Diosninchejqa jark'akuwajninchej, kallpanchejtaj. Llakiykunapi mana allin kashajtinchej, usqhayta yanapawanchej.

1 Juan 1:10

Mana juchallikunchejchu nisunman chayqa, llullata jina Diosta qhawachinchej, palabrantaj mana noqanchejpichu kashan.

Josué 20:3

Sichus pipis mana yuyasqallamanta runata wañuchiman chayqa, chay llajtaman pakakoj ayqekuchun chay wañusqaj aswan qaylla kaj ayllun ama wañuchinampaj. Ajinamanta chay llajtapi pakakunaykichejpaj.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Hebreos 3:11

Chayrayku, anchata phiñakuspa jurarqani: Mana samakuyniyman yaykonqankuchu.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.

Romanos 3:25

Payta Dios churarqa wañuyninwan allinyachinampaj, fenejta yawarnimpi. Ajinapi pacienciawan cheqa kayninta rikucherqa, pampacharqataj tukuy ñaupaj juchasta.

Zacarías 9:12

Qankunapis, waj llajtamanta wijch'usqas, suyayniyojraj kajkuna chay pakakuna sumaj wasisniykichejman kutipuychej! Niykichejña bendicionesniyta qonasuykichejta may chhika ñak'arisqaykichejmanta uj jinatawanraj.

Isaías 64:7

Sutiykita oqharejqa mana pipis kanchu, rijch'arispa sutiykimanta yuyarikojpis manallataj kanchu. Chayrayku qanqa uyaykita noqaykumanta pakaykukunki, sajra ruwasqasniykupi qawejta qhawallawayku.

Isaías 56:4

Señorqa ajinata nin: Chay kapasqa runas samakuna p'unchayta waqaychanku chayqa; sichus munakuyniyta junt'anku chayqa; sichus tratoyta ruwankupuni chayqa,

Proverbios 4:13

Imatachus nisqayta sumajta jap'ikuy, ama saqeychu; chay nisqasniyman jina ruwan, chaymin kausayniykeqa.

Salmos 110:4

Señorqa uj juramentota ruwarqa, manataj nisqanta p'akenqachu. Qan wiñaypaj sacerdote kanki, Melquisedecpa t'aqanman jina.

1 Reyes 2:28

Chanta Joab uyarerqa kay imasta, imaraykuchus paypis Adoniasta qhatillarqataj; Absalontarí mana qhaterqachu, chayrayku Joabqa ayqekorqa Señorpa toldonman, chaypitaj altarpa wajrasninmanta jap'iykukorqa.

1 Juan 5:10

Pichus Diospa Churimpi creejqa, Diospa willasqanta sonqompi jap'in. Diospi mana creejrí, Diosta llullata jina rikhurichin, Churinmanta Diospa willasqanta mana creesqanrayku.

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

Romanos 15:5

Pacienciata, sonqochakuytawan qoj Dios, uj yuyayllata qankunaman qochun Cristo Jesusman jina, tukuyniykichej uj sonqolla, uj simillataj Señorninchej Jesucristoj Tatan Diosta yupaychanaykichejpaj.

Hebreos 11:7

Creespa Noeqa Diosmanta yachachisqa karqa, chay manaraj rikukoj imasmanta; manchachikuywantaj arcata wakicherqa, familiampis salvasqa kanampaj; chay feraykutaj mundota juchacharqa, feraykullataj Diosmanta cheqan kajpaj qhawasqa karqa, chayaqeyojtaj rikhurerqa.

1 Tesalonicenses 1:10

Willallankutaj qankuna janaj pachamanta Diospa Churinta suyashasqaykichejta, pitachus Dios wañusqakunamanta kausarichimorqa. Chaytaj Jesús. Pay jamoj k'ajaj phiñakuymanta salvawarqanchej.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

San Lucas 2:25

Chaypacha tiyakorqa Jerusalempi, uj runa Simeón sutiyoj. Payqa k'acha karqa, Diostataj manchachikoj. Allin runa kaspa suyasharqa Israel sonqochasqa kananta. Santo Espiritupis paypi kasharqa.

San Mateo 24:35

Cielo, kay mundopis tukukaponqanku, palabrasniytaj mana jayk'ajpis tukukonqankuchu.

Isaías 27:5

Sichus jark'asunayta munanki chayqa, noqawan allinyakunachej. Arí, noqawan allinyakunachej.

Génesis 19:22

Jina kajtenqa usqhayta ayqekuy chay llajtaman, jaqayman chayanaykikama mana imatapis ruwasajrajchu. Chayrayku jaqay llajtaj sutenqa Zoar.

Hebreos 7:21

Cheqamanta chay waj sacerdotesqa mana juramentowanchu churasqas karqanku. Kayrí juramentowan churasqa karqa. Paymantaj nisqa karqa: Señor jurarqa, manataj jurasqanmanta kuyurerqachu. Qanqa wiñaypaj sacerdote kanki.

Hebreos 3:6

Cristoqa, Churi jina wasimpi churasqa; chay wasirí noqanchej kanchej, sitajchus tukukuykama creesunchej, suyaspa kusikuynintataj sinch'ita jap'isunchej, chayqa.

Colosenses 1:5

Janaj pachapi suyakuyniykichejqa qankunapaj waqaychasqa kashan. Chaymantaqa uyarerqankichejña evangelioj cheqa kaj palabrannejta.

Filipenses 2:1

Chayrayku, sichus Cristopi tiyan ima sonqochakuypis, Espíritoj ujchakuynimpis, tukuy sonqo munakuypis, ima khuyakuypis chayqa, kusikuywan sonqoyta junt'aykuchiychej; uj sonqolla kaspa uj kikin munakuywan, ujchakuspa uj yuyaylla kaspa imapipis.

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Proverbios 3:18

Yachayta jap'eyqa kausaymin, kusikuyniyojmin chayta jap'ejkunaqa.

Salmos 62:8

Ayllúy, paypipuni suyakuy. Parlaychej tukuy sonqo mañakuspa. Diosmin jark'awajninchejqa.

Romanos 5:5

Suyakoyqa mana p'enqachikunchu, imaraykuchus Diospa munakuynenqa sonqonchejpi churasqa kashan, Santo Espiritunejta, mayqentachus Dios qowarqanchej.

Hebreos 6:17

Chayrayku, Diosqa, imatachus qonan kasqanta chayaqeyojkunaman, aswan allinta rikuchinampaj, munaynintataj manapuni kuyuchinanta, juramentowan chaupincharqa.

Hebreos 7:19

Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.