Hebreos 3:6 - Qheshwa Biblia DC

⁶ Cristoqa, Churi jina wasimpi churasqa; chay wasirí noqanchej kanchej, sitajchus tukukuykama creesunchej, suyaspa kusikuynintataj sinch'ita jap'isunchej, chayqa.

DIOSPA QHELQACHISQAN DEUTEROCANONICAL

⁶ Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

DIOSPA QHELQACHISQ

⁶ Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

Quechua South Bolivia: Dios Parlapawanchej

⁶ Cunanka quiquin Wawan Cristota wasinpi Dios churan. Wawanri munayninta junt'anpuni. Ajinapi Wawanka wasinpi runasninta munacuywan camachiwanchej. Nokanchejtaj Diospi jap'icuskanchejraycu paypa sumaj niskanpi confiacuskanchejta sut'ita willacunanchej tiyan. Ajinata causacuspalla Diospa wasin canchej.

Hebreos 3:6 Referans Kwoze

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

1 Corintios 3:16

Manachu yachankichej Diospa templon kasqaykichejta, Diospa Espirituntaj qankunapi kashasqanta?

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

Hebreos 10:35

Ama ari, Diospi suyakuyniykichejta chinkachiychejchu, imaraykuchus chayqa may jatun t'inkayojmin.

Hebreos 6:11

Munayku ari, sapa ujniykichej chay kikin k'uchi kayta rikuchinaykichejta tukukuykama, cheqatapuni suyay junt'akunampaj.

1 Corintios 6:19

Manachu yachankichej cuerpoykichejqa Santo Espíritoj templon kasqanta? Payqa qankunapi kashan. Payta Dios qosunkichej, manataj qankunajtachu kankichej.

Hebreos 10:23

Suyayninchejpa yachachiyninta sinch'ita jap'ina, mana iskayrayaspa, Diosqa junt'anmin qonan kasqanta.

Hebreos 4:11

Kallpachakuna ari jaqay samakuyman yaykunapaj; amataj pipis paykuna jina, chay mana kasukuy juchaman urmanampaj.

Hebreos 3:14

Cristowan chayaqeyoj kanchej; sichus creesqanchejta, qallariymanta tukukuykama sinch'ita jap'isunchej chayqa.

Apocalipsis 3:11

Usqhayta jamusaj. Chay kapususqanta allinta jap'iy, ama pipis pilluykita qhechusunampaj.

Hebreos 4:14

Chayrayku, kuraj sacerdoteyoj kaspa, pichus janaj pachaman yaykorqa; Jesús, Diospa Churimpi creesqanchejpi allinta sayananchej tiyan.

Hebreos 1:2

Kay qhepa p'unchaykunapitaj Churinnejta parlamuwarqanchej; paytataj churarqa tukuy imamanta chayaqeyoj kanampaj; paynejtataj tukuy mundontinta ruwarqa.

1 Timoteo 3:15

Sichus qhepakusajraj chayqa, yachay imaynatachus Diospa wasimpi allinta kausakunaykita. Chaytaj kausashaj Diospa iglesian, cheqa kajta waqaychaj, sayachejtaj.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

San Mateo 10:22

Noqarayku tukuy runas chejnisonqachej. Pichus tukukuykama, sumajta sayanqa, chay salvasqa kanqa.

1 Tesalonicenses 5:16

Kusisqallapuni kakuychej.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

San Mateo 24:13

Pichus tukukuykama sinch'ita sayanqa, chaymá salvasqa kanqa.

Apocalipsis 2:25

Chaywampis, imatachus kapusunkichej chaytaqa jap'illaychej jamunaykama.

Apocalipsis 2:18

Tiatira iglesiaj angelninman escribiy: Kayta nin Diospa Churin, pejpatachus ñawisnin nina larwaj jina, pejpatachus chakisnimpis llusk'achasqa lliphipej bronceman rijch'akun, chay:

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

Romanos 5:2

Paynejta yaykuyta atinchej chay salvacionman creesqanchejrayku, chaypitaj sinch'ita sayanchej, kusikunchejtaj, Diospa janaj pacha k'anchayninta suyaspa.

Salmos 2:12

Churita jatunchaychej ama phiñakunampaj, amataj ñampi chinkanaykichejpaj, pajtataj ñampi chinkachisqas kawajchej. Payqa kaymanta jinalla phiñakun. Payqa munakuyninta mask'ajkunaqa kusikuyniyojmin.

1 Pedro 1:8

Jesucristotaqa munakunkichej mana rikuspalla; kunanqa mana rikuspalla paypi creenkichej, kusikunkichejtaj mana niy atina kusiywan, janaj pacha jatun k'anchaywan ima.

Gálatas 6:9

Ama sayk'unachu allin kajta ruwaspa; tiempompi oqharisun, sichus llank'ayninchejpi mana sayk'usunchu chayqa.

Romanos 11:22

Qhawariy ari, Diospa k'acha kayninta, phiña kaynintawan; urmajkunapaj phiñakuyninta rikucherqa, qampajtaj khuyakuyninta. Sichus qan chay khuyakuypi mana allintachu sayanki chayqa, qampis k'utusqallataj kanki.

San Mateo 16:18

Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu.

Romanos 12:12

Kusiywan kakuychej suyaypi, llakiypi llamp'u sonqowan, Diosmanta mañakuspapuni.

Gálatas 6:10

Chayrayku sapa kuti atisqanchejman jina tukuypaj allinta ruwana, astawanqa fepi hermanosninchejpaj.

Efesios 3:12

Diosman qayllanapuni tukuy sonqo Cristopi creespa.

Hebreos 4:16

Mana manchachikuspa ari, yanapaynimpaj tiyakunanman qayllaykuna, khuyakuyninta jap'inanchejpaj, yanapayninta tarinanchejpajtaj maychus tiempompi.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

Hebreos 7:19

Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.

Hebreos 10:19

Chayrayku, hermanos, Jesuspa yawarninrayku aswan llimphuchasqa santuarioman tukuy sonqo yaykuyta atinchej.

Hebreos 10:21

Diospa wasimpi jatun sacerdoteyoj kaspa, payman qayllaykunachej allin sonqo junt'asqawan, mana kuyurej fewan, sajra concienciamanta pichasqa sonqoswan, ch'uwa yakuwan mayllasqa jina ukhuswantaj.

Hebreos 11:1

Creeyqa suyakusqasninchejpa sinch'i sayaynin, mana rikusqanchejpata rikuchiynin.

1 Pedro 4:17

P'unchay chayamunña. Juiciotaj Diospa wasinmanta qallarikunan tiyan. Juiciochus noqanchejmanta qallarikonqa chayqa, Diospa evangelionta mana kasojkuna, imapitaj tukukonqankuri?

Apocalipsis 2:26

Atipajmanqa, ruwasqasniyta tukukunankama waqaychajman ima, atiyta qosaj nacionesta kamachinampaj.

Ezequiel 46:10

Kamachejqa runaswan khuska yaykonqa, paykunawan khuskallataj llojsenqa.