Hebreos 3:1 - Qheshwa Biblia DC

¹ Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

DIOSPA QHELQACHISQAN DEUTEROCANONICAL

¹ Chayrayku Diospaj t'aqasqa wawqe panakuna, janaj pachapi tiyakunapaj wajyasqa kajkuna, Jesús pichus kasqanpi unanchaychej. Payqa Diospa kachan, jinataj Kuraj Kaj Sacerdote, noqanchejtaj paypi atinikunchej.

DIOSPA QHELQACHISQ

¹ Chayrayku Diospaj t'aqasqa wawqe panakuna, janaj pachapi tiyakunapaj wajyasqa kajkuna, Jesús pichus kasqanpi unanchaychej. Payqa Diospa kachan, jinataj Kuraj Kaj Sacerdote, noqanchejtaj paypi atinikunchej.

Quechua South Bolivia: Dios Parlapawanchej

¹ Diosman t'akaska hermanosníy, janaj pachapaj wajyaska-masicunay canquichej. Chayraycu niyquichej: Wajyaskas caskayquichej-manjina sumaj yuyaywan Jesusta reparaychej paypi jap'icuskayquichejta willacuspa. Payka Diospa cachamuskan kayllaycuchinawanchejpaj.

Hebreos 3:1 Referans Kwoze

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

Filipenses 3:14

Ñaupajman rishani chayanaman chayanaykama t'inkata jap'inaypaj, patamanta Dios wajyawarqa Cristo Jesuspi, chayman.

Hebreos 7:26

Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa.

Efesios 4:1

Noqa Señorninchejrayku presochasqa kani. Mañaykichej allinta purinaykichejta Diospa wajyasqasnin jina, ajllasqasnin jinataj.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Hebreos 2:17

Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

Hebreos 10:21

Diospa wasimpi jatun sacerdoteyoj kaspa, payman qayllaykunachej allin sonqo junt'asqawan, mana kuyurej fewan, sajra concienciamanta pichasqa sonqoswan, ch'uwa yakuwan mayllasqa jina ukhuswantaj.

Efesios 4:4

Tiyan uj cuerpolla, uj Espiritulla, imaynatachus uj suyayllaman wajyasorqachej, ajinata.

1 Tesalonicenses 2:12

Umachajtaj kayku, Diospa wawasnin jina purinaykichejta; payqa wajyasorqachej reinonman, k'anchayninmantaj.

1 Corintios 9:23

Chay tukuyta ruwani evangeliorayku, chayllawampis yanapakoj kanaypaj.

2 Timoteo 2:7

Kay nisqayta uyariy, Señortaj qosonqa yuyayta tukuy imata yachanaykipaj.

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

Romanos 15:8

Chayrayku niykichej, Cristoqa jamorqa leypa kamachinta ruwaj, Diospa cheqa kayninta rikuchinampaj; chantaqa tatasninchejman Dios qonan kasqanta sinch'ita sayachinampaj.

Hebreos 2:11

Llimphuchajqa llimphuchasqaswan uj kikinmanta kanku; chayrayku mana p'enqakunchu paykunata hermanos, niyta.

San Juan 20:21

Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.

Hageo 1:5

Noqa, Tukuy Atiyniyoj Señormin niykichej: Allinta reparakuychej purisqaykichejta.

Salmos 110:4

Señorqa uj juramentota ruwarqa, manataj nisqanta p'akenqachu. Qan wiñaypaj sacerdote kanki, Melquisedecpa t'aqanman jina.

Judas 1:1

Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman.

Hebreos 3:14

Cristowan chayaqeyoj kanchej; sichus creesqanchejta, qallariymanta tukukuykama sinch'ita jap'isunchej chayqa.

Isaías 1:3

Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

1 Timoteo 6:2

Creej patronesniyoj kajkunaqa, paykunata ama qhesachachunkuchu hermanos kasqankurayku. Astawanqa allinta patronespa kamachisqankuta ruwachunku, creejkuna kasqankurayku, imaraykuchus kapuyninmanta yanapata jap'ejkunaqa, munasqa hermanos kanku. Kayta yachachiy, yuyaychaytaj:

2 Tesalonicenses 2:14

Chaypaj wajyasorqachej evangelioykunejta, Señorninchej Jesucristoj janaj pacha k'anchayninta tarinaykichejpaj.

2 Tesalonicenses 1:11

Chayrayku, mañakuykupuni Diosninchej allimpaj jap'isunaykichejta, wajyayninman jina; junt'anantataj tukuy k'acha munayninta, creespa ruwasqaykichejtapis paypa atiyninwan.

1 Tesalonicenses 5:27

Señorpa sutimpi kamachiykichej kay cartata leenaykichejta tukuy hermanosman.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

Colosenses 1:22

Cristoqa aycha cuerpoyoj kashaspa, wañuyninnejta Diosman qayllachisonqachej, llimphusta, mana juchayojta, mana k'aminatataj.

Colosenses 1:12

Jatun kusiywantaj Dios Tataman graciasta qonkichej. Payqa wakichisorqachej chayaqeta jap'inaykichejpaj, Diospa ajllasqasninwan janaj pacha k'anchaypi.

2 Corintios 1:7

Qankunapi suyayniykoqa sinch'i; yachaspa ñak'arej masisniyku kasqaykichejta, llakiypi, ajinallataj sonqochakuypipis.

1 Corintios 1:2

Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.

Romanos 15:27

Kay ruwasqankoqa gentilesman allin rijch'arqa; imaraykuchus creejkuna judiosman manu karqanku. Gentileschus Espirituman jina paykunamanta jap'erqanku chayqa, gentilespis ajinallatataj, kay pachapi kapuyninkuwan, creejkuna judiosta yanapananku tiyan.

Romanos 11:17

Wakin judiosqa, olivo sach'aj ramasnin jina p'akirasqas karqanku. Qanqa monte olivo kashaspa, chay p'akirasqa palqasman t'inkisqa karqanki. Chaynejta cheqa olivoj saphinmanta, qhapaj kausayninmantawan kausayta paykunawan khuska ch'onqanaykipaj.

Romanos 9:24

Chaykunata wajyallarqataj, niyta munani: Noqanchejta, chantá mana judiosllamantachu, manachayqa gentilesmantapis wajyallarqataj.

San Juan 20:27

Kikimpacha Tomasman nerqa: Dedoykita kayman churay, makisniytataj qhawariy, makiykita apamuy, churaykuytaj ukhuyman; amataj iskayrayaychu, astawanqa creey.

Hageo 2:15

Kunanmanta ñaupajmanqa kay imaspi yuyaychej, manaraj templo ruwayta qallarishajtiykichej, imaynataj karqankichej? Pillapis iskay chunka carga granosta oqhariyta munajqa, chunkallata oqharerqa. Pitajchus maypichus vino ruwana chayman rispa, phishqa chunka yuruspi vinota junt'arachinampaj, iskay chunka yurusllapi junt'achiyta aterqa.

Ezequiel 18:28

Allinta qhawarikuspa tukuy sajra ruwasqasninmanta t'aqakun chayqa, cheqamanta kausanqa, manataj wañonqachu.

Ezequiel 12:3

Chayrayku, qan runa, tukuy imata wakichikuy, ch'innejman rikunankuta llojsinaykipaj. Tukuypa rikunanta chaupi p'unchayta wasiykimanta llojsispa waj cheqaman ripuy. Ichapis ajinamanta mana kasukoj runas kasqankuta reparakonqanku.

Isaías 41:20

Chayta ruwasaj tukuy runas rikunankupaj, allinta reparaspa umachakunankupaj, noqa Señor, atiyniywan kay imasta ruwasqayta, noqa Israelpa Santo Diosnin kay imasta rikhurichisqayta.

Isaías 5:12

Qankunaqa jatuchaj mikhuykunata wakirichinkichej, chaypitaj tocarinkichej arpasta, guitarrasta, cajasta, qenastawan. Qankunaqa ashkha vinota ujyarinkichej, manañataj qhawarinkichejchu Señorpa ruwanasninta, nitaj makisninwan ruwasqasnintapis.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

1 Juan 1:3

Imatachus rikusqaykuta, chay uyarisqaykuta ima, qankunaman willamuyku; qankunapis uj sonqolla noqaykuwan kanaykichejpaj, imaynatachus noqaykupis ujlla kayku Dios Tatawan Jesucristo Churinwampis.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

1 Pedro 5:1

Qankuna ukhupi kurajkuna kajkunamanta mañakuni, noqapis paykuna jina kurajllataj kaspa; Cristoj ñak'arisqasninta rikorqani, ajinallatataj chayaqeyoj kani, paypa k'anchaynin rikuchikojtin.

1 Pedro 3:5

Ñaupa p'unchaykunapeqa, Diospi suyayniyoj ajllasqa warmis, chay imaswan k'achanchakorqanku, qosasninkuta kasuspa.

Hebreos 9:11

Chantá, Cristo jamojtinña, aswan allin imas jamojkunamanta sacerdote kaspa, aswan kuraj, aswan sumaj santuarionejta, mana makiswan wakichisqanejtachu. Kay niyta munan, mana kay pachapi ruwasqa santuarionejtachu.

Hebreos 6:20

Chay veloman, noqanchejrayku ñaupaykuspa yaykorqa, wiñaypaj kuraj sacerdote churasqa kaspa, Melquisedecpa t'aqanman jina.

Efesios 3:6

Gentilkunaqa, chay kikin chayaqellatataj jap'enqanku judioswan ujllaña kaspa. Diospa qosqayki nisqantapis Cristo Jesuspi jap'illanqankutaj evangelionejta.

1 Corintios 10:17

Ujlla t'anta kajtin, noqanchejtaj ashkhas kaspa uj cuerpolla kanchej, imaraykuchus tukuyninchej uj t'antallamanta mikhunchej.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

Hechos 1:15

Chay p'unchaykunallapitaj creejkuna tantakorqanku tukuyninkupi, pachaj iskay chunkayoj jina. Sayaykuspataj Pedro paykunaman nerqa: Hermanosníy, escribisqapi nisqan junt'akunampuni karqa, imatachus Santo Espíritu Davidpa siminnejta Judasmanta nerqa. Chay Judasqa runasta pusarqa Jesusta jap'inankupaj.

2 Corintios 9:13

Kay yanapata rikuspa Diosta yupaychanqanku, Cristoj evangelionta kasusqaykichejmanta, chay qolqeta tukuy sonqo qosqaykichejmanta ima, paykunapaj, tukuypajpis.

Hebreos 3:12

Hermanos, ama qankunamanta pipis mana creej, sajra sonqoyoj kachunchu, kausaj Diosmanta ama t'aqasqa kanampaj.

Hebreos 7:28

Leyqa kuraj sacerdotesta churan pisi kallpayoj runasta. Diospa palabrantaj, juramentowan leymanta qhepataña, Churinta wiñaypaj sumaj allinchasqata churarqa.

Hebreos 9:15

Ajinamanta, payqa mosoj tratomanta allinyachej, wañuyninta churasqanraykutaj, ñaupaj trato urapi juchas kajkunata pampachan; wajyasqastaj Dios qosaj nisqanta chayaqepaj wiñaypaj jap'inku.

Hebreos 10:19

Chayrayku, hermanos, Jesuspa yawarninrayku aswan llimphuchasqa santuarioman tukuy sonqo yaykuyta atinchej.

Hebreos 10:23

Suyayninchejpa yachachiyninta sinch'ita jap'ina, mana iskayrayaspa, Diosqa junt'anmin qonan kasqanta.

Hebreos 13:22

Kunanqa, mañakuykichej hermanos, kay sonqochana palabrata allinta jap'inaykichejta, pisita qankunaman escribimusqayrayku.