Hebreos 2:17 - Qheshwa Biblia DC

¹⁷ Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

DIOSPA QHELQACHISQAN DEUTEROCANONICAL

¹⁷ Chayta ruwananpajtaj payqa tukuy imapi wawqenkuna jina kananpuni karqa, ajinamanta kunan Diospa ñawpaqenpi khuyakuyniyoj kuraj kaj sacerdotenchej kananpaj. Jinataj cruzpi wañuspa kawsayninta jaywarqa runakunaj juchanku pampachasqa kananpaj.

DIOSPA QHELQACHISQ

¹⁷ Chayta ruwananpajtaj payqa tukuy imapi wawqenkuna jina kananpuni karqa, ajinamanta kunan Diospa ñawpaqenpi khuyakuyniyoj kuraj kaj sacerdotenchej kananpaj. Jinataj cruzpi wañuspa kawsayninta jaywarqa runakunaj juchanku pampachasqa kananpaj.

Quechua South Bolivia: Dios Parlapawanchej

¹⁷ Yanapajnincu cananpaj hermanosninman quiquinchacunan carka Diosman atiyniyoj Kayllaycuchej cananpaj. Ajinapi juchanchejta khechunawanchejpaj wañorka. Cunanka Diospa ñaupakenpitaj mañapushawanchejpuni qhuyacuyninwan.

Hebreos 2:17 Referans Kwoze

Hebreos 4:14

Chayrayku, kuraj sacerdoteyoj kaspa, pichus janaj pachaman yaykorqa; Jesús, Diospa Churimpi creesqanchejpi allinta sayananchej tiyan.

Hebreos 2:14

Wawasqa uj yawarllamanta, uj aychallamanta kanku; ajinallatataj Cristopis, chaykunallamantataj kaspa, wañuynejta, wañuypa atiyninta jap'ejta atipanampaj, niyta munan, supayta.

Hebreos 7:26

Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

Hebreos 2:11

Llimphuchajqa llimphuchasqaswan uj kikinmanta kanku; chayrayku mana p'enqakunchu paykunata hermanos, niyta.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Hebreos 3:5

Moisesqa, cheqamanta junt'aj karqa Diospa wasimpi kamachi jina, willanampaj imachus nisqa kanan karqa chaymanta.

Colosenses 1:21

Qankunapis jinallataj ñaupajta karqankichej, karunchasqas yuyayniykichejpi, Diospa enemigosnin, sajra imasta ruwaspa. Kunantaj Dioswan allinyasqasña kankichej.

Hebreos 7:28

Leyqa kuraj sacerdotesta churan pisi kallpayoj runasta. Diospa palabrantaj, juramentowan leymanta qhepataña, Churinta wiñaypaj sumaj allinchasqata churarqa.

Efesios 2:16

Cristo cruzpi wañuyninwan iskaynin ayllusta, ujllaman tukuchispa, Dioswan allinyacherqa, chejninakuyninkuta chinkachispa.

Romanos 15:17

Ajinaqa tiyapuwan ari, Cristo Jesuspi imamantachus kusikunay, Diospa kamachiynimpi.

Levítico 8:15

Chaymantataj Moisesqa chay waka uñata ñak'arqa, pisi yawarta jap'ispataj maki dedonwan altarpa cantosnimpi wajras jina ruwasqa karqanku chaykunata jawerqa tukuy muyuynintinta t'aqasqa kanampaj. Chaymanta puchoj yawarwantaj altarpa muyuyninta jich'arqa. Ajinamanta altarqa t'aqasqa karqa, allinyakuytataj tarinankupaj.

Hebreos 3:2

Payqa tukuy imapi junt'arqa churajnimpaj; imaynatachus Moisespis junt'arqa tukuy imata Diospa wasimpi.

Ezequiel 45:20

Kikillantataj ruwanki chay killamanta qanchis p'unchaynimpi, pichus mana reparaspa, chayri ch'aukiyasqa kaspa juchallikojpaj. Ajinata Diosta yupaychana wasitaqa llimphuchanki.

Ezequiel 45:17

Kay tukuy kamachejpa ruwanasnenqa kay imas kanqanku: Uywasta qonan tiyan ñak'aspa jaywanampaj, poqojkunamanta atikojta, vinota, killa rikhuriypi, samakuna p'unchaykunapi. Israel llajtapi tukuy qochukupaj ima. Jinallataj juchamanta jaywana kajtapis, poqoj imasmanta, ofrendata, uywasta wañuchispa ninapi ruphachispa jaywanasta, allinyakuna jaywanasta, Israelpa juchasnin pampachasqa kanampaj.

Ezequiel 45:15

Sapa iskay pachaj ovejasmantaqa, uj sumaj ovejata, Israelpi sumachej pastosninmanta t'aqankichej. Kaytaj kanqa granosmanta ofrendaspaj. Ruphachispa jaywanapaj, allinyakuy ofrendasta jaywanapaj ima, juchasmantapis jaywanapajwan kanqa. Chayta noqa Señor kamachini.

Isaías 11:5

Justiciawan ñañu wasanta chumpiykukonqa, cheqan sonqo kayninwan chumpiykukonqa.

2 Crónicas 29:24

Chaymantataj sacerdotesqa chay uywasta wañucherqanku, yawarninta jap'ispataj altar pataman ch'ajchumorqanku juchasmanta jaywanata jina, tukuy Israelpa juchasninmanta perdonta tarinapaj. Imaraykuchus rey kamachisqa tukuy Israel ayllurayku jaywanankuta chay q'olachinapaj kajta, chay jucharayku kajtapis.

Levítico 6:30

Mana mikhuyta atenqankuchu ni mayqen uywata juchaj cuentanmanta rikuchiku jina jaywasqa kajtin. Mayqen yawarchus apasqa kanqa Dioswan tinkukuna toldo ukhuman juchas pampachasqa kanampaj. Kay rikuchikusqa ninapi ruphachisqas kananku tiyan.

Levítico 14:18

Chaymantataj makimpi puchoj aceitewan sacerdoteqa jawenqa llimphuchakoj runaj umanta. Ajinamanta sacerdoteqa chay rikuchikuwan Señormanta perdonta tarenqa juchachakoj runapaj.

Levítico 16:16

Ajinamanta maypichus Diospa tiyakunanqa llimphuchasqa kanqa israelitaspa millay imasninkumanta, machu machu kayninkuwan juchasninkuwan ima ch'ichichasqa kasqanmanta. Kikillantataj ruwanqa Dioswan tinkukuna toldotapis; chay kashan israelitaspa chaupinkupi, tukuy millay kayninkoj chaupimpi ima.

Números 15:25

Chaymantaqa sacerdote chay uywata Señorman jaywanqa tukuynin israelitaspa cuentanmanta, juchasninkumanta perdonasqas kanankupaj. Noqataj paykuna mana yachaspalla juchallisqonkumanta perdonasaj, imaraykuchus paykuna rikuchikusninkuta apamuwanku juchasninkoj cuentanmanta ruphachisqa kanampaj.

Hebreos 2:16

Cheqatapuni, Diosqa mana angelestachu yanaparqa; astawanqa, Abrahampa mirayninta yanaparqa.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

Hebreos 4:15

Uj kuraj sacerdote tiyapuwanchej, pichus onqoykunasninchejmanta khuyakuyta atiwanchej. Payqa tukuy imapi tentasqa karqa noqanchej jina; manataj payqa jayk'ajpis juchallikojchu.

Hebreos 5:1

Sapa kuraj sacerdoteqa, runakuna ukhumanta ajllasqa, runakunaj allinnimpajtaj churasqa Diospa imasnimpi. Payqa rikuchikuta jaywan, uywa wañuchisqastapis juchasrayku.

Hebreos 5:2

Mana yachajkunata, pantasqa kajkunatapis atin khuyakuyta, paypis pisi kallpawan p'achallisqa kasqanrayku.

Hebreos 5:5

Ajinata Cristopis, mana pay kikinmantachu allin sutita jap'erqa kuraj sacerdote kanampaj. Kikin Diospuni payman nerqa: Qan Churiy kanki. Kunan p'unchay yumarqayki, nispa.

Hebreos 5:10

Diostaj kuraj sacerdoteta payta suticharqa, Melquisedecpa t'aqanman jina.

Hebreos 6:20

Chay veloman, noqanchejrayku ñaupaykuspa yaykorqa, wiñaypaj kuraj sacerdote churasqa kaspa, Melquisedecpa t'aqanman jina.

Hebreos 8:1

Kunanqa, tukuy nisqanchejmanta kaymin ñaupajqa: Chay jina kuraj sacerdote tiyapuwanchej payqa janaj pachapi jatun Diospa tiyanampa pañanman, tiyaykukorqa.

Hebreos 8:3

Tukuy kuraj sacerdoteqa rikuchikusta, uywa wañuchisqastawan jaywanampaj churasqa. Chayrayku paypis ima jaywanayojpuni kanan tiyan.

Hebreos 9:11

Chantá, Cristo jamojtinña, aswan allin imas jamojkunamanta sacerdote kaspa, aswan kuraj, aswan sumaj santuarionejta, mana makiswan wakichisqanejtachu. Kay niyta munan, mana kay pachapi ruwasqa santuarionejtachu.

Hebreos 10:21

Diospa wasimpi jatun sacerdoteyoj kaspa, payman qayllaykunachej allin sonqo junt'asqawan, mana kuyurej fewan, sajra concienciamanta pichasqa sonqoswan, ch'uwa yakuwan mayllasqa jina ukhuswantaj.