Hebreos 13:5 - Qheshwa Biblia DC

⁵ Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

DIOSPA QHELQACHISQAN DEUTEROCANONICAL

⁵ Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

DIOSPA QHELQACHISQ

⁵ Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Quechua South Bolivia: Dios Parlapawanchej

⁵ Causayniyquichejpi ama cachunchu kolketa munapayayka, manachayrí capususkallayquichejwan cacuychej. Chekatapuni quiquin Dios niwarkanchej: “Ni jayc'aj sakeskayquichu, kanwanpunitaj casaj”, nispa.

Hebreos 13:5 Referans Kwoze

Deuteronomio 31:8

Señorqa ñaupaqeykita renqa, qanwantaj kanqa. Payqa qhawasonqapuni, manataj saqerpayasonqachejchu. Qanqa ama manchachikuychu, nitaj kharkatitiychu.

Josué 1:5

Tukuy kausayniykipi mana pipis atipasonqachu. Noqa qanwan kasaj, imaynatachus Moiseswan karqani ajinata, manataj ni jayk'ajpis sapaykita saqesqaykichu.

Deuteronomio 31:6

Qankunaqa sumajta kallpachakuychej, sinch'itataj sayaychej. Qankunaqa ama manchachikunkichejchu chay runaswan tinkuytawan. Señor Diosniykichejqa qankunawan kashan. Payqa qhawasonqachejpuni, manataj saqerpayasonqachejchu.

1 Samuel 12:22

Señorqa sutinta jatunchanarayku mana saqesonqachejchu imaraykuchus payqa munan qankunaqa ayllumpuni kanaykichejta.

Isaías 41:17

Wajcha runas, mana imayoj kajkunaqa yakuta mask'anku, manataj tarinkuchu. Yaku ch'akiywan siminkupis pharallaña kashan. Noqa Señortaj paykunata uyarisaj. Noqa Israelpa Diosnin, paykunataqa mana saqerpayasajchu.

1 Crónicas 28:20

Chaypacha Davidqa Salomonman nerqa: Kallpachakuy, sinch'itataj sayay, llank'aj pachataj churakuy. Ama iskayrayaychu, nitaj manchachikuychu, Señor Diosneyqa qanwampuni kanqa. Payqa mana saqesonqachu, nitaj qonqarparisonqachu, Señorpa yupaychana wasimpi tukuy ruwanasta tukuyaykikama.

Salmos 37:25

Noqa wayna karqani; kunantaj machuña, ni jayk'apis k'acha runataqa wijch'usqata rikorqanichu, nitaj wawasnintapis khuyayta mañakojtaqa.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

San Mateo 6:25

Chayrayku niykichej: Ama phutikuychejchu kausayniykichejmanta, mikhunaykichejmanta, ujyanaykichejmanta ima; nillataj phutikuychejchu imawanchus p'achallikunaykichejmantapis. Manachu kausayniykichejqa astawanraj mikhunamanta; cuerpoykichejpis astawanraj p'achamantaqa?

Salmos 37:28

Señorqa cheqan kajta munakun, manataj qonqapunchu paypi yuyaj runamanta, sajra runatataj tukuchin, manataj saqenchu wawasniyoj kanankuta.

San Mateo 6:34

Ama phutikuychejchu ari, q'aya p'unchaymanta; imaraykuchus, q'aya p'unchayqa, pay kikinmanta llakiyniyoj. Sapa p'unchaypata tiyan llakiynin.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

San Lucas 3:14

Chantá wakin soldadospis tapullarqankutaj: Noqaykurí imanasqaykutaj?, nispa. Paytaj kuticherqa; Ama pimantapis ni imanta qhechuychejchu, nitaj pitapis qhasimanta tumpaychejchu. Pagollaykichejwan allin kakuychej.

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Salmos 119:36

Sonqoyta aysaway kamachisqasniykita mask'anaypaj; ch'ichi qhapajyaykunata amaña munapayanaypaj.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Salmos 10:3

Sajra runaqa imaynatachus munasqanmanta alabakun. Munapayajqa maldicin, Señortaj qhesachan.

Éxodo 2:21

Jinamanta Moisesqa chay Reuelwan tiyakaporqa; qhepamantaj Reuelqa ujnin ususin Seforatawan Moisesta casaracherqa.

Efesios 5:3

Ama kachunchu qhenchachakuy, tukuy ch'ichi kay, chayrí munapayay ima. Chaykunataqa ama parlarillaychejpischu, imaynatachus Diospa ajllasqasnimpaj allin kan, ajinata.

1 Corintios 5:11

Chay cartapeqa nimorqaykichej ama tantakunaykichejta ni mayqenwan, hermano sutiyoj kashaspa qhenchachakojwan, mich'akojwan, chayri lanti yupaychajwan, runa masimpaj sajrata rimajwan, chayri machaykojwan, suwakojwan; chay jina runawanqa ama mikhullaychejpischu.

San Lucas 8:14

Khishkas ukhuman urmajtaj, Diospa palabranta uyarejkunawan ninakun; paykunaqa kay pacha imaswan, qhapaj kaykunaswan, aychankoj munayninwan ima atipachikunku; chayraykutaj poqoyta mana apankuchu.

Éxodo 20:17

Ama munapayankichu runa masiykej wasinta; ama munapayankichu runa masiykej warminta, ni qhari kamachinta, ni warmi kamachinta, ni wakanta, ni burronta, nitaj ni iman kajta.

Judas 1:11

Ay paykunamanta! Caimpa ñanninta purerqanku, qolqerayku Balaampa pantasqanman urmarqanku, Coréj oqharikusqampitaj wañorqanku.

Romanos 1:29

Paykunaqa junt'asqas karqanku mana cheqan ruwaykunawan, [qhenchachakuywan,] sajra kaywan, munapayaywan, qhawaraywan, runa wañuchiywan, phiñanakuywan, ch'aukiyaywan, sajra yuyaykunawan ima.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

Génesis 31:5

Chayajtinkutaj nerqa: Noqa reparakuni, tataykichejqa manaña ñaupajta jinachu qhawawasqanta; chaywampis tataypa Diosnenqa noqawampuni kashan.

Deuteronomio 4:31

Payqa may khuyakuyniyoj. Manataj qhesachasonqachejchu, nitaj chinkachisonqachejchu, nitaj qonqaponqachu ñaupa tatasniykichejwan juraspa tratota ruwasqanmanta.

1 Samuel 10:7

Kay imas qhatirisojtenqa, imachus allin rijch'asonqa chayta ruway, Diostaj yanapasonqa.

1 Reyes 6:13

Israelitaspa chaupimpitaj tiyakusaj, manataj Israel aylluytaqa saqerpayasajchu.

1 Reyes 8:57

Señor Diosninchejqa noqanchejwampuni kachun, imaynatachus tatasninchejwan karqa ajinata, amataj saqerpariwasunchu, nitaj qhesachawasunchu.

Proverbios 23:4

Amam anchata kallpakuychu qhapajyanaykimanta, chayllamanta llakikunaykita saqey.

Isaías 42:16

Ciegosta pusasaj mana rikusqanku ñanta, mana rikusqanku chaki ñankunasninta purichisaj. Ñaupaqenkupi laqhayayta k'anchayman tukuchisaj. Mana puriy atina kajtapis pampaman tukuchisaj. Kay imasta noqaqa ruwasaj, mana saqeraspa.

San Mateo 6:19

Ama kay mundopeqa qhapajyayta munaychejchu; kay mundopeqa thuta k'utun, tukuy imapis qorwariyapun, suwaspis perqasta jusk'uspa suwanku.

2 Corintios 4:9

Qhatiykachasqas kayku, manataj saqerparisqaschu. Urmachisqas kayku, manataj chinkachisqaschu; cuerpoykupi tukuynejta apaspapuni Jesuspa wañuyninta, noqaykoj cuerpollaykupitaj Jesuspa kausaynin rikuchisqa kanampaj.

Génesis 30:31

Labanqa taporqa: Mashkhatapunitaj pagapunayta munankiri?, nispa. Jacobtaj nerqa: Ama imatapis pagawaychu qan munanki chayqa, ovejasniykita qhawapullasqaykipuni.