Hebreos 13:4 - Qheshwa Biblia DC

⁴ Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

DIOSPA QHELQACHISQAN DEUTEROCANONICAL

⁴ Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

DIOSPA QHELQACHISQ

⁴ Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

Quechua South Bolivia: Dios Parlapawanchej

⁴ Sumajpajpuni khawaychej casaraska causayta. Casaraska cajcunaka tucuy imapi purajmanta cheka munanacuywan tiyacuchuncu. Yachanchej millay causaypi purejcunata khenchacunatawan Diosmin juchachanka.

Hebreos 13:4 Referans Kwoze

Génesis 2:24

Chayrayku qhareqa tatanta mamantawan saqenqa, warminwantaj ujchakonqa, iskayninkutaj uj runa jinalla kanqanku.

Gálatas 5:19

Sut'i kanku aychaj ruwasqasnenqa: Qhenchachakuy, ch'ichichakuy, millay puriy, lantita yupaychay, layqa kay, chejninakuy, maqanakuy, tumpanakuy, phiñanakuy, churanakuy, phiñanakuspa t'aqanakuy, waj yachachiykunata kasuy, chhoqonakuy, [runa wañuchiy,] machaykuna, qhochukuspi puriykuna, kayman rijch'akojkunapi ima. Chaykunata niykichej ama ruwanaykichejta, imaraykuchus ñaupajta nerqaykichejña. Kaykunata ruwajkunaqa Diospa chayaqenta mana jap'enqankuchu.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

1 Corintios 5:13

Jawapi kajkunataqa Dioslla juzganqa. Chay juchallikojtataj qankuna ukhumanta qharqoychej.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

1 Timoteo 3:12

Diaconosqa uj warmiyojlla kachunku. Wawasninkuta allinta kamachichunku, wasimpi kajkunatawan.

1 Timoteo 3:4

Wasimpi allinta kamachichun, wawasninwan kasuchikuchun, tukuy imapitaj allin qhawasqa kachun.

1 Corintios 7:38

Chayrayku, pitajchus ususinta casarachin chayqa, allinta ruwan. Chantá, pitajchus mana casarachinmanchu chayri, astawan allinta ruwan.

Génesis 2:21

Señor Diostaj runata misk'ejta puñurpayacherqa, chaykamataj ujnin wajtanninta orqhorqa, jinaspataj aychallanwantaj k'askaykuchiporqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Tito 1:6

Kurajqa mana imamanta k'amina kanan tiyan, uj warmiyojlla. Wawasnintaj creejkuna kananku tiyan, manataj sajra kausaymanta ch'atanas, nitaj mana kasukojkuna.

1 Timoteo 5:14

Munani ari, sipas viudasqa casaranankuta, wawasninkuta uywanankuta, wasinkutapis allinta qhawanankuta, enemigos ama sajrata qhawanankupaj.

1 Timoteo 4:3

Kaykunaqa casarajta jark'anku, Diospa churasqan mikhunatapis kamachinku ama mikhunata. Chaykunataqa Dios churarqa, creejkuna, cheqa kajta rejsejkuna ima Diosman graciasta qospa mikhunankupaj.

2 Corintios 5:10

Tukuyninchej, Cristoj cuenta mañanampi rikhurinanchej tiyan, sapa uj jap'inanchejpaj ruwasqanchejman jina, allin kajta, chayri mana allin kajtapis.

1 Corintios 9:5

Ajinallataj, manachu noqapis atiyman creej warmita pusakuyta, imaynatachus waj apostolespis, Señorpa wauqesnin, Pedropis pusakunku ajinata?

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

1 Timoteo 3:2

Payqa mana k'amina kanan tiyan, uj k'ata warmiyoj, mikhuypi ujyaypitaj allin yuyayniyoj, allimpaj qhawasqa, respetoyoj, wasinman wajyakoj, yachachinampajtaj allin wakichisqa.

Isaías 8:3

Chay qhapata warmiy profetisawan puñorqani, paytaj onqoj rikhurispa uj wawata nacechikorqa. Chaypachataj Señorqa niwarqa: Wawaykitaqa Maher-salal-hasbazta sutichay.

2 Reyes 22:14

Chanta sacerdote Hilciasqa rerqa, Ahicamwan, Acborwan, Safanwan, Amasiaswan ima, profetisa Huldata watukoj. Payqa Salumpa warmin karqa; Saluntaj Ticvaj wawan karqa, Harhaspa allchhintaj. Harhasqa Diospa wasimpi p'achasta jallch'anampaj churasqa karqa. Huldaqa Jerusalempi tiyakorqa, mosoj wasis tiyan chaynejpi, payman qayllaspataj parlarqanku.

Hebreos 12:16

Ama pipis sajrata purichunchu, Diosta mana kasoj Esaú jina, pichus uj mikhunaraykulla kuraj kayninta chhalarqa.

Levítico 18:20

Ama runa masiykej warminwan puñuykapunkichu, ajinamanta qanqa mana llimphupajchu qhawasqa kanki.

Deuteronomio 22:22

Sichus uj qhareqa casada warmiwan puñushaspa taripachikunman chayqa, iskayninku wañuchisqas kanqanku. Ajinamanta Israel ukhupi chay jina millay juchata chinkachinkichej.

1 Corintios 6:18

Ayqeychej qhenchachakuymanta. Pillapis waj ima juchata ruwanman chayqa, cuerponmanta jawapi kashan. Pichus qhenchachakojqa cuerpompa contrampi juchallikun.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

Levítico 15:18

Sichus uj qhari uj warmiwan puñunman mujuntaj llojsinman chayqa, iskayninku yakuwan mayllakunanku tiyan. Ch'isiyanankamataj iskayninku mana llimphupajchu qhawasqa kanqanku.

Job 31:12

Chayqa nina jap'ikuspa imatapis q'olarparin jina kanman, imay kajtapis tukuyninta tukuchipuwanman.