Hebreos 12:3 - Qheshwa Biblia DC

³ Yuyarikuychej Jesusmanta, pichus juchasapaspa chay chhika jasut'isqankuta ñak'arerqa ama llauchhuyaspa sayk'unaykichejpaj.

DIOSPA QHELQACHISQAN DEUTEROCANONICAL

³ Chayrayku Jesús imatachus ruwasqanpi yuyaychej. Paytaqa juchasapa runakuna chejnikorqanku chantá ñak'aricherqanku ima. Chaywanpis pay sinch'ita sayarqa. Qankunapis kikillantataj ruwaychej, ama sayk'unaykichejpaj, nitaj llawch'iyanaykichejpaj.

DIOSPA QHELQACHISQ

³ Chayrayku Jesús imatachus ruwasqanpi yuyaychej. Paytaqa juchasapa runakuna chejnikorqanku chantá ñak'aricherqanku ima. Chaywanpis pay sinch'ita sayarqa. Qankunapis kikillantataj ruwaychej, ama sayk'unaykichejpaj, nitaj llawch'iyanaykichejpaj.

Quechua South Bolivia: Dios Parlapawanchej

³ Payta reparaychej. Yuyaricuychejtaj imaynatachus juchasapas paypa contranpi may sinch'ita churacuskancuta. Payri tucuy cay imasta muchuspa Diospi confiacorka. Chayraycu payta sumajta reparaychej Diospi jap'icuypi ama sayc'unayquichejpaj nitaj llauchhuyanayquichejpaj.

Hebreos 12:3 Referans Kwoze

Gálatas 6:9

Ama sayk'unachu allin kajta ruwaspa; tiempompi oqharisun, sichus llank'ayninchejpi mana sayk'usunchu chayqa.

2 Corintios 4:16

Chayrayku mana llauch'iyaykuchu, astawanqa kay cuerpoyku mauk'ayashan, ukhuykupitaj espirituyku sapa p'unchay mosojyashan.

Apocalipsis 2:3

Pacienciawan ñak'arerqanki sutiyrayku mana sayk'uspa.

1 Corintios 15:58

Ajina ari, munasqa hermanosníy, sinch'ita sayaychej ama kuyurispa, wiñaspapuni Señorpa ruwaynimpi, yachaspa Señorpa sutimpi llank'asqaykichejqa, mana qhasipajchu kasqanta.

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

2 Corintios 4:1

Chayrayku kay llank'aypi churasqa kaspa, Diospa khuyakuyninta jap'isqaykurayku mana sayk'uyta llank'ayku.

San Juan 5:16

Chayrayku, judiosqa Jesusta qhatiykacharqanku wañuchinankupaj, chay imasta samarina p'unchaypi ruwasqanrayku.

1 Samuel 12:24

Qankunaqa Señorta manchachikuychej. Pay sapallanta yupaychaychej, cheqanta tukuy sonqowantaj, yuyarikuspa chay chhinka k'acha imasta qankunapaj Señor ruwasqanta.

Hebreos 12:5

Qonqapunkichejña Señorpa k'amisqasninmanta, imaynatachus wawasninwan jina qankunawan parlarqa, nispa: Churíy, Señor jasut'isojtin ama qhesachaychu, nitaj uj jinayaychu k'amisojtin.

San Lucas 14:1

Samakuna p'unchaypi Jesús mikhoj yaykorqa uj kamachej fariseojman, wakin fariseostaj wateqasharqanku.

Deuteronomio 20:3

Uyariychej israelitas; kunanqa enemigosniykichejwan maqanakamunkichej. Ama iskayrayankichejchu, ama manchachikunkichejchu, ama kharkatitinkichejchu, amataj mancharikunkichejchu; imaraykuchus Señor Diosniykichejqa qankunawan kashan. Pay qankunarayku enemigosniykichejwan maqanakonqa, atipanaykichejpajtaj yanapasonqachej.

2 Tesalonicenses 3:13

Qankunataj hermanos, ama sayk'uychejchu allin kajta ruwaspa.

San Juan 18:22

Chayta nisqantawan, Caifaspa soldadon Jesuspa uyampi laq'arqa: Ajinatachu jatun sacerdoteman kutichinki?, nispa.

San Juan 8:52

Judiostaj Jesusman nerqanku: Yachaykuña kunanqa supayniyoj kasqaykita. Abrahamqa wañorqa, jinallataj profetaspis; qantaj nishanki: Palabrayta waqaychajqa mana wiñaypaj wañonqachu, nispa.

Isaías 50:4

Señorqa yachayniyojkunaj yachayninta qowarqa, imaynamantachus sayk'usqasman parlanayta. Sapa paqarin uyarichiwan; ajinamanta yachachisqan jina sumajta uyarinaypaj.

Proverbios 24:10

Sichus qan llank'ana kashajtin qhellayanki chayqa, kallpayki astawan pisiyanqa.

San Juan 8:59

Chaypacha judíos, rumista oqharikorqanku Jesusta ch'anqanankupaj. Jesustaj paykunaj ñawisninkumanta pakakorqa; templomantataj llojsiporqa.

San Juan 8:13

Chantá, fariseos payman nerqanku: Qan kikiykimanta willakushanki, chay willakusqaykitaj mana cheqachu kashan.

San Juan 7:12

Chay runa ukhupitaj Jesusmanta parlasharqanku. Wakin nerqanku: May k'acha chay runaqa. Wakintaj nerqanku: Mana allinchu, imaraykuchus ashkha runasta ch'aukiyashan.

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

San Lucas 15:2

Chaynejta fariseosqa, leymanta yachachejkunawan thutuspa nisharqanku: Kay runaqa juchasapaswan tantakun, paykunawan khuskataj mikhun, nispa.

San Lucas 5:21

Chantá leymanta yachachejkuna, fariseoswan, paykuna ukhupi unanchaspa nisharqanku: Pitaj kay runa Diospa contranta parlajri? Manachu Dioslla juchastaqa pampachayta atin?, nispa.

San Lucas 2:34

Chantá Simeón paykunata bendicerqa. Wawaj maman Mariamantaj nerqa: Kay wawataqa Dios churan Israelpi ashkhas urmanankupaj jatarinankupajtaj. Señal churasqa payta ashkhas qhesachanankupaj.

San Mateo 22:15

Fariseostaj riytawan tantakuspa yachachinakorqanku, ima parlasqallampipis Jesusta ch'ataykunankupaj.

San Mateo 21:46

Chayrayku payta jap'iykuyta munarqanku; runasta manchachikuspataj, mana imanayta aterqankuchu; imaraykuchus runas Jesusqa profeta kasqanta yacharqanku.

San Mateo 21:23

Jesús temploman kutiykuspa yachachishajtintaj, kuraj sacerdotes, llajtapi kuraj runas ima, payman qayllaykuspa taporqanku: Ima atiywantaj kay imasta ruwankiri? Pitaj kay atiyta qosorqa?

San Mateo 12:24

Fariseostaj kayta uyarispa nerqanku: Kay runaqa mana paypa atiyninwanchu supaykunata qharqon; Beelzebú supaykunaj kurajnimpa atiyninwan qharqon.

San Mateo 11:19

Runaj Churin jamorqa. Payqa mikhoj ujyajtaj; qankunataj ninkichej: Kay runaqa anchata mikhun, vinotataj ujyan; impuesteroswan, juchasapaswan imataj kausakun. Diospa yachaynenqa ruwasqasnimpi rejsichikun.

San Juan 9:40

Paywan kasharqanku chay fariseosmanta, wakin chayta uyarispa nerqanku: Chantá noqaykupis ciegosllatajchu kayku?, nispa.

San Juan 10:20

Paykuna ukhupi ashkhas nerqanku: Kay runaqa supayniyoj, manataj paypichu kashan, imapajñá uyarishankichejri?, nispa.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.