Hebreos 12:26 - Qheshwa Biblia DC

²⁶ Chaypacha paypa qhapariynenqa jallp'ata kuyuricherqa. Kunanqa willamullantaj: Uj kutitawan kuyuchisaj, mana jallp'allatachu, manachayqa janaj pachatawan.

DIOSPA QHELQACHISQAN DEUTEROCANONICAL

²⁶ Chaypacha Diospa parlasqan kay pachata kharkatiticherqa. Kunantajrí pay nillantaj: Uj kutitawan kharkatitichisaj, mana kay pachallatachu, manachayqa janaj pachatawan, nispa.

DIOSPA QHELQACHISQ

²⁶ Chaypacha Diospa parlasqan kay pachata kharkatiticherqa. Kunantajrí pay nillantaj: Uj kutitawan kharkatitichisaj, mana kay pachallatachu, manachayqa janaj pachatawan, nispa.

Quechua South Bolivia: Dios Parlapawanchej

²⁶ Jakay p'unchaypi Diospa parlaynenka cay pachata cuyucherka. Cunanrí willawanchej: “Uj cutitawanraj cuyuchisaj mana cay pachallatachu astawanpis janaj pachatawan cuyuchisaj”, nispa.

Hebreos 12:26 Referans Kwoze

Isaías 13:13

Chanta cielota kharkatichisaj. Jallp'apis kaynejman jaqaynejman kuyurenqa, chay p'unchaypi phiñakuyniy phatasqanrayku.

Éxodo 19:18

Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta.

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Isaías 2:19

Chanka jusk'usman sat'iykukonqanku, jallp'aj lajesninman lajrasninman ima, Señorpa may jina jatun kayninmanta, jatun kaynimpa lliphipiyninmantawan, jallp'a kharkatiychej jamojtin.

Hebreos 12:27

Uj kutita nispaqa niyta munan, kuyukojkuna ruwasqa kasqankurayku qhechusqa kanankuta, mana kuyukojkunallaña sayanankupaj.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

Hageo 2:22

Mundopi atiykunata t'unaykusaj, tiyanasninkutataj urmarachisaj. Urmarachillasajtaj guerraman purina carrosta, chay carrospi purejkunatawan. Caballospis wañullanqankutaj lloq'ajkunasnintin, sapa uj wañonqa hermanompa espadanwan t'ojsisqa.

Jueces 5:4

Señor maypachachus Seirmanta qan llojserqanki; Edompa camposmanta ripushajtiykitaj, jallp'a ikhakorqa, cielopis qharkaterqa; phuyuspis parankuta jich'amorqanku.

Isaías 66:22

Mosoj janaj pachata, mosoj kay pachatawan ruwasqayqa ñaupaqeypipuni kanqanku. Ajinata mirayniykichejqa unayta kanqanku, sutiykichejpis wiñaypaj mana chinkaj kanqanku.