Hebreos 12:23 - Qheshwa Biblia DC

²³ Ajinallatataj qayllaykunkichej ñaupa creejkunaj tantakunanku wasiman. Paykunaj sutisninkoqa janaj pachapi escribisqa kashanku; ajinallatataj, Diosman tukuypa juezninman, ajllasqa espiritusmanwan, pikunachus allinchasqas kanku, chaykunaman.

DIOSPA QHELQACHISQAN DEUTEROCANONICAL

²³ Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.

DIOSPA QHELQACHISQ

²³ Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.

Quechua South Bolivia: Dios Parlapawanchej

²³ Chaypitaj sutisniyquichej kelkaskas cancu Diospa wawasnin caskayquichejraycu. Chay janaj pachamantaj tantacunayquichejpaj rishanquichej. Tucuyta chekanchaj Diosman kayllaycucunquichej. Janaj pachapi caj Sionman yaycuspañaka chekan runaspa espiritusnincu Dioswan cuscaña cashancu.

Hebreos 12:23 Referans Kwoze

Santiago 1:18

Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.

Hebreos 11:40

Diosqa aswan allin imasta noqanchejpaj wakichisharqa; mana noqanchejwan khuskarí, paykunapis mana allinchasqa kayta aterqankuchu.

San Lucas 10:20

Chaywampis, ama kusikuychejchu supaykuna kasusojtiykichej, astawanqa kusikuychej janaj pachapi sutiykichej escribisqa kasqanmanta.

Apocalipsis 14:4

Kaykunaqa warmiswan mana ch'ichichakorqankuchu; imaraykuchus warmita mana rejserqankuchu. Kaykunaqa Corderota qhatinku maymanchus rishan chayman. Kaykunaqa runa ukhumanta rantisqas kanku, ñaupaj poqoy jina Diospaj, Corderopaj ima.

Éxodo 4:22

Qanqa ninki faraonman: Señorqa, ajinata nin: Israelqa noqaj kuraj wawaymin.

Génesis 18:25

Señor, tukuchinaykeqa mana allinchu kanman, mana juchayojta juchasapastawan khuska, iskayninkupis juchallatapuni ruwankuman jina. Ama chayta ruwaychu ari. Qan kanki kay mundontinta cheqanchaj, chayrayku, manachu cheqan kajtapuni ruwanayki tiyan?

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Salmos 94:2

Wapuchakojkunaj contrampi oqharikuy, ruwasqankuman jinataj kutichiy. Qanmin kay pachata cheqanchajqa kanki.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.

Salmos 96:13

Kusikuchunku Señorpa ñaupaqempi, imaraykuchus pay jamushan. Pay jamushan ari kay jallp'ata kamachej. Kay pachapi tukuy runasta kamachenqa cheqan kajwan, cheqa kajwantaj.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

Hebreos 11:4

Creespa Abelpis aswan allin uywa wañuchisqata Diosman qorqa Cainmanta nisqaqa. Chaywantaj Dios rejsichej allin kasqanta. Diospis Abel rikuchikusta jaywasqanrayku, allinta paymanta willarqa; feninraykutaj wañusqapis chayta parlashallanrajpuni.

1 Timoteo 3:5

Ajinaqa, pichus wasimpi mana allinta kamachiyta yachanchu chayqa, imaynatataj Diospa iglesianta qhawanqari?

Filipenses 4:3

Jinallatataj qantapis mañakuyki, llank'aj masi, kamachiykitaj yanapanaykita chay hermanasta, imaraykuchus paykunaqa noqawan mayta kallpachakorqanku evangeliota willaspa. Clementepis, chay ujkunapis llank'aysiwarqanku. Paykunaj sutinkoqa kausay libropiña escribisqa.

Efesios 1:22

Dios tukuy imata Cristoj chakisnin uraman churarqa, tukuy imapi iglesiapi uma kanampaj.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

San Juan 5:27

Juzganampajpis atiyta qollarqataj, Runaj Churin kasqanrayku.

Salmos 98:9

Señorpa ñaupaqempi. Payqa jamushan kay pachata kamachej. Pay kamachenqa kay pachapi llajtasta, cheqan kaywan mana pantaspa.

Colosenses 1:24

Kunanqa kusisqa kani, qankunarayku ñak'ariypi rikukuspa. Kay jinamanta aychaypi junt'ashani imachus pisisqanta Cristoj ñak'ariyninman cuerponrayku, chaytaj iglesia.

Colosenses 1:12

Jatun kusiywantaj Dios Tataman graciasta qonkichej. Payqa wakichisorqachej chayaqeta jap'inaykichejpaj, Diospa ajllasqasninwan janaj pacha k'anchaypi.

2 Corintios 5:8

Chaywampis, astawan kallpachakunchej. Astawanqa munasunman kay cuerpomanta t'aqakuyta, Señorwantaj kausamuyta.

1 Corintios 15:54

Maypachachus kay ismoj cuerpo p'achallikunman mana ismojwan, kay wañuytaj p'achallikunman mana jayk'aj wañojwan chayqa, chaypacha junt'akonqa escribisqaman jina: Wañuytaqa Cristoj atipaynin upiykun.

1 Corintios 13:12

Kunanqa rikunchej espejopi jina chharpullata; qhepamantaj uyapura rikunakusunchej maychus kajta. Kunanqa wakillantaraj rejsini, qhepamantaj allinta rejsisaj, imaynatachus Dios noqata rejsiwan ajinata.

Jeremías 31:9

Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

Eclesiastés 12:7

Chaypacha, ñut'u jallp'aqa, jallp'allamantaj tukonqa ñaupajta karqa ajinaman, runaman qosqan almataj Diosllaman kutiponqa.

Salmos 111:1

Yupaychasqa kachun Señorqa. Tukuy sonqoywan Diosta yupaychasaj. K'acha runaspa tantakuyninkupi, tukuy ayllumpa ñaupaqempi.

Salmos 89:27

Noqataj ruwasaj pay kuraj wawa kananta, tukuy reyespa patampa kanqa.

Salmos 89:7

Qanqa Diosmin kanki, manchachikunataj, cielopi kausajkunawan muyurisqa.

Salmos 69:28

Kausay libromanta chinkachiy. Ama cheqan sonqo kajkunatawanqa qelqaykuychu.

Deuteronomio 21:17

Chaytapuni qhawanan tiyan kuraj wawanta jina. Tukuy kapuyninmantataj payman iskay t'aqata qonan tiyan. Paypuni ñaupaj kaj yumasqa wawan kasqanrayku, kuraj kaj chayaqeta jap'inan tiyan.

Éxodo 13:2

Noqaman qoway tukuy ñaupajta Israel ukhupi nacejkunata: Runaspa kuraj kaj wawasninta, jinallataj uywasninkoj phiwi uñasninta. Chaykunaqa noqajta kanku.

Éxodo 32:32

Noqa mañakuyki paykunaj juchankuta pampachanaykita, mana chay juchankuta pampachanki chayqa, kunampacha libroykipi escribisqayki sutiyta orqhopuway.

1 Corintios 15:49

Imaynatachus rijch'akunchej jallp'amanta ruwasqa runaman, kikillantataj rijch'akusunchej janaj pacha runaman.

Hebreos 2:12

Ajinallatataj nin: Hermanosniyman sutiykita willasaj, iglesia chaupipitaj takispa yupaychasqayki.

Apocalipsis 6:9

Phishqa kaj sellota kicharejtintaj, altar urapi almasta rikorqani, pikunachus wañorqanku Diospa palabranrayku, payta rejsichisqankuraykutaj.

Apocalipsis 6:11

Yuraj p'achasta sapa ujninkuman qorqanku, nerqankutaj uj pisitawan samarinankuta, kamachi masisninku, hermanosninku ima junt'amunankukama. Paykunapis wañuchisqasllataj kananku tiyan.