Hebreos 12:2 - Qheshwa Biblia DC

² Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

DIOSPA QHELQACHISQAN DEUTEROCANONICAL

² Jesusllatapuni qhawaspa kanachej, imajtinchus paymin sonqonchejpi Diospi atinikunata rikhuricherqa, jinallataj pay astawan astawan Diospi atinikuyta amañakunanchejpaj kallpachawanchej. Jesusqa jatun kusiyta aswan qhepaman tarinanta yachasqanrayku cruzpi wañorqa, chay jina wañuna p'enqay kasqanta mana kasuta ruwaspa. Jinaytawantaj, Diospa kamachinan tiyanaj pañanman tiyaykukorqa.

DIOSPA QHELQACHISQ

² Jesusllatapuni qhawaspa kanachej, imajtinchus paymin sonqonchejpi Diospi atinikunata rikhuricherqa, jinallataj pay astawan astawan Diospi atinikuyta amañakunanchejpaj kallpachawanchej. Jesusqa jatun kusiyta aswan qhepaman tarinanta yachasqanrayku cruzpi wañorqa, chay jina wañuna p'enqay kasqanta mana kasuta ruwaspa. Jinaytawantaj, Diospa kamachinan tiyanaj pañanman tiyaykukorqa.

Quechua South Bolivia: Dios Parlapawanchej

² Jesustataj sumajta khawanachejpuni yuyayninchejwan. Payka mosoj causay kallariypi Diospi jap'icuyta yachachiwarkanchej. Chaywanpis sumaj wiñaskas cananchejcama sonkonchejpi yanapawasunchej. Payka yacharka sumaj cusiywan Dios payta jatunchananta. Chayraycu paypi confiacuspa cruzpi muchorka; p'enkay wañuytataj manapis canmanjinata khawarka. Cunanka Dioswan cusca camachinanpaj janaj pachapi jatunchaskamin.

Hebreos 12:2 Referans Kwoze

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Filipenses 1:6

Kay imasmanta yachaspataj, allin ruwayta qankunapi Dios qallarerqa. Payllataj tukuychanankama ruwallanqapuni Jesucristoj jamunan p'unchayninkama.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

San Juan 6:40

Tataypa munaynenqa kay: Pillapis Churita rikoj paypitaj creejqa, wiñay kausayniyoj kanqa; noqataj qhepa kaj p'unchaypi payta kausarichisaj.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.

Hechos 5:31

Diostaj atiyninwan Jesusta jatunman churarqa, kamachinampaj, salvanampajtaj. Diosqa munarqa Israel runakuna juchasninkuta saqespa Diosman kutirinankuta, juchasninku pampachasqa kanampaj.

San Lucas 24:26

Manachu Cristoqa chay tukuyta ñak'arinampuni karqa, manaraj janaj pachaman yaykushaspa?

Isaías 53:3

Runaqa payta qhesacharqanku, qhawarqanku. Payqa imaymana nanayta, ñak'ariyta, llakiyta ima yacharqa. Paymanta uyanchejta pakakorqanchej, payta qhesacharqanchej. Mana paytaqa kasuta ruwarqanchejchu.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Judas 1:21

Diospa munakuynimpi waqaychakuychej, Señor Jesucristoj khuyakuyninta suyaspa, wiñay kausayta jap'inaykichejpaj.

Hebreos 8:1

Kunanqa, tukuy nisqanchejmanta kaymin ñaupajqa: Chay jina kuraj sacerdote tiyapuwanchej payqa janaj pachapi jatun Diospa tiyanampa pañanman, tiyaykukorqa.

2 Timoteo 4:8

Chayrayku, noqapaj kaj pilloqa waqaychasqaña kashan. Chaytataj qowanqa Señor, cheqan kaj juez, jaqay p'unchaypi. Manataj noqallamanchu qowanqa, astawanqa jamunan p'unchayta munakuywan tukuy suyajkunamampis.

Filipenses 3:20

Llajtanchejqa janaj pachapi kashan, maymantachus suyashanchej. Salvadorninchej Señor Jesucristo jamunanta.

Marcos 14:36

Mañakuspataj Jesús nerqa: Abba Tatáy, tukuy ima qampajqa atikun, jark'away ari chay ñak'ariymanta; chaywampis ama noqaj munasqallayqa kachunchu; astawanqa, qampa munasqayki ruwasqa kachun.

Isaías 8:17

Señorllapi suyasaj, payqa Jacobpa mirayninmanta uyanta pakaykumpis. Payllapitaj atienekusaj.

Apocalipsis 2:8

Esmirna iglesiaj angelninman escribiy: Ñaupaj kaj, qhepa kajtaj, pichus wañusqa karqa, kausarerqataj, chaymin kayta nin:

Hebreos 13:13

Llojsina ari, jaramanta jawaman Jesusta taripaj, ñak'ariyninta apaspa.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

San Juan 13:3

Jesustaj yacharqa Dios Tatamanta jamusqanta, Diosmantaj kutipushasqanta. Yachallarqataj Dios tukuy atiyta payman qosqanta.

San Lucas 17:5

Apostolestaj Señorman nerqanku: Feniykuta yapariwayku.

Marcos 9:24

Kikimpachataj, ch'itej tatanqa qhaparispa nerqa: Creeni. Yanapaway ari, astawan creenaypaj.

Hebreos 12:3

Yuyarikuychej Jesusmanta, pichus juchasapaspa chay chhika jasut'isqankuta ñak'arerqa ama llauchhuyaspa sayk'unaykichejpaj.

Efesios 2:16

Cristo cruzpi wañuyninwan iskaynin ayllusta, ujllaman tukuchispa, Dioswan allinyacherqa, chejninakuyninkuta chinkachispa.

Hechos 5:41

Apostolestaj juntamanta llojsispa, may kusisqas riporqanku, paykunata Jesuspa sutinrayku ñak'arichisqankumanta.

San Juan 12:32

Noqachus jallp'amanta oqharisqa kasaj chayqa, chaypacha tukuy runata noqaman pusamusaj.

Salmos 138:8

Señorqa noqapaj ruwasaj nisqanta junt'anqa. Señor, khuyakuyniykeqa wiñaypajmin, qallarisqaykitaqa ama jinapi saqerpariychu!

1 Pedro 1:11

Chantá allinta qhawarqanku pichus, mayk'ajtajchus kananta. Paykunapi kaj, Cristoj Espirituntaj, ñaupajmantapacha willarqa Cristoj ñak'arinasninmanta, jatuchaj yupaychanas qhepankuta jamunanmanta ima.

Hebreos 10:14

Payqa uj sapan rikuchikullawan ajllasqasta wiñaypaj allincharqa.

San Juan 12:24

Cheqamanta, cheqamanta niykichej: Uj trigo mujuchus jallp'aman urmaspa mana wañunman chayqa, sapallan kanman; wañun chayrí, ashkha poqoyta apan.

San Juan 8:56

Ñaupa tataykichej Abrahamqa kusikorqa p'unchayniyta rikuyta munaspa, rikuspataj mayta kusikorqa.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

San Lucas 23:11

Herodestaj soldadosninwan khuska payta qhesacharqa, asipayayta munaspataj uj reyta jina sumaj p'achaswan p'achallicherqanku. Chaymantataj kachaporqa Pilatoman.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

San Mateo 16:21

Chaypachamanta, Jesús yachachisqasninman willayta qallarerqa Jerusalenman rinampuni kasqanta, chaypitaj kurajkuna, leymanta yachachejkuna, kuraj sacerdotes ima, anchatapuni ñak'arichinankuta, wañuchinankuta ima; kinsa p'unchaymantataj kausarimunanta.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.

Apocalipsis 1:11

Nerqataj: Imatachus rikusqaykita uj libropi Escribiy, Asiapi kaj chay qanchis iglesiasmantaj apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima.

Hebreos 7:19

Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.

Hebreos 1:13

Chantá, mayqen angelmantaj jayk'ajpis nerqa: Pañayman tiyaykukuy, chejnisojkunatataj chakisniyki uraman churanaykama, nispa?

Hechos 2:36

Chayrayku tukuy Israel runakuna, cheqamanta yachachunku, kay Jesusta pitachus cruzpi chakatarqankichej, payta Dios churarqa Señor kanampaj, Cristotaj.

Marcos 9:12

Jesustaj paykunaman kuticherqa: Cheqamanta, Eliasqa ñaupajta jamuspa, tukuy imata maychus kasqanman churanqa. Manachu Escriturapi nishan Runaj Churin mayta ñak'arinanta, qhesachasqataj kananta?

Salmos 110:1

Señorqa señorniyman nerqa: Pañaynejpi tiyakuy, enemigosniykita chakisniyki uraman churanaykama.

Apocalipsis 1:8

Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

Hebreos 11:36

Wakinkuna asipayachikorqanku jasut'ichikorqan kutaj; astawanqa carcelespi watasqas wisq'achikorqanku.

Hebreos 10:33

Qankunaqa, ñaraj k'amisqas, llakisqas runaj asipayanan; ñaraj qankuna jina ñak'arejkunawampis ujchasqas karqankichej.

Marcos 16:19

Señortaj apostolesninman parlaytawan janaj pachaman oqharisqa karqa; chaypitaj Diospa pañanman tiyaykukorqa.

Hechos 3:15

Ajinata qankunaqa wañucherqankichej kausayta qojta. Diostaj paytaqa wañusqamanta kausarichimorqa, noqaykutaj chay rikusqaykuta willayku.

1 Corintios 1:18

Cristoj cruzninmanta parlayqa, uj locoyasqa runaj parlasqanwan ninakun; noqanchej salvasqa kajkunapajtaj Diospa atiynin.

1 Corintios 1:23

Noqaykutaj willayku Cristo chakatasqa kasqanmanta. Judiospajtaj kay willaykunaqa uj misk'ay jina, gentilespajtaj locoyasqa yachachiykuna jina karqa.

Santiago 2:1

Hermanosníy, feniykichej janaj pachapi kaj Señorninchej Jesucristopi kachun; ama runasta imaynachus kasqankuta qhawaspalla.

Números 21:9

Moisesqa broncemanta katarita ruwaspa wiphala k'aspi puntaman warkhorqa. Pipis chay katarita qhawarispa khanichikusqanmanta thañikapoj.

Marcos 15:28

Ajinamanta, Escriturapi paymanta nisqan junt'akorqa: Payqa juchasapaswan yupasqa karqa.]