Hebreos 12:15 - Qheshwa Biblia DC

¹⁵ Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

DIOSPA QHELQACHISQAN DEUTEROCANONICAL

¹⁵ Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.

DIOSPA QHELQACHISQ

¹⁵ Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.

Quechua South Bolivia: Dios Parlapawanchej

¹⁵ Sumajta khawacuychej pajtataj kancunamanta maykenpis Diospa c'acha yanapayninmanta pisichicushanman. Chaymantataj millay jaya yuyayniyojman tucunman. Pajtataj chay millay jaya yuyayka saphijina paypa sonkonmanta llojsimunman. Ajinapi waj ashqha runasman chimpaspataj yuyaynincuta chincachinman.

Hebreos 12:15 Referans Kwoze

Hebreos 3:12

Hermanos, ama qankunamanta pipis mana creej, sajra sonqoyoj kachunchu, kausaj Diosmanta ama t'aqasqa kanampaj.

Deuteronomio 29:18

Kunanqa qankuna ukhupi ama kachunchu Señor Diosninchejta qhesachaj qhari, chayri warmi, chayri familia, chayri ima ayllupis chay nacionespa dioskunasninkuta yupaychajqa. Ama qankuna ukhupi kachunchu sach'aman rijch'akojkuna saphinmantapacha jayaq'eyoj wañuchina venenoyoj ima.

Gálatas 5:4

Leypi cheqan kasqaykichejta yuyakuspaqa, Cristomanta karunchakunkichej, Diospa khuyakuyninmantataj karunchakunkichej.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

2 Juan 1:8

Qankuna kikin qhawakuychej, llank'asqaykichej ama qhasi kanampaj, astawanqa, junt'asqa pagota jap'inaykichejpaj.

1 Corintios 15:33

Ama ch'aukiyachikuychejchu. Sajra parlajkunawan puriy allin yachasqa ruwaykunata chinkachin.

2 Pedro 3:14

Chayrayku munasqa hermanosníy, chay imasta suyaspaqa, k'uchi k'uchilla mask'aychej Diospa ñaupaqempi tarisqa kayta mana juchayoj, sonqo tiyakuyniyojtaj.

Hebreos 4:1

Manchachikuna ari, Diospa samakuyninman yaykuna kashajtintaj, qankunamanta pillapis mana yaykunmanchu.

1 Corintios 5:6

Mana allinchu wapuykachanaykichejqa. Manachu yachankichej pisi levaduralla tukuy masata poqochisqanta?

Jeremías 2:21

Noqa qanta sumaj ajllasqa uvas sach'ata jina plantarqayki, chantapis sumaj ajllasqa mujuta jina. Kunantaj mana kaj sach'aman tukunki.

Proverbios 4:23

Tukuy ima waqaychasqa kajmanta astawan sonqoykita waqaychay; chaymantamin jamun kausayniykeqa.

Hebreos 4:11

Kallpachakuna ari jaqay samakuyman yaykunapaj; amataj pipis paykuna jina, chay mana kasukuy juchaman urmanampaj.

2 Corintios 13:5

Qankuna kikiykichej qhawarikuychej, yachanaykichejpaj fepi sinch'ichus kashankichej manachus chayta. Allinta qhawarikuychej. Manachu yachankichej Jesucristo qankunawan kasqanta? Manachayqa, qhesachasqas kankichej.

1 Corintios 10:12

Ajinaqa, pichus sinch'i sayasqanta yuyakojqa, allinta qhawakuchun ama urmanampaj.

1 Reyes 14:16

Señorqa Israelta saqerparenqa Jeroboampa juchasninrayku, Israelta juchallichisqanrayku ima.

Hebreos 6:11

Munayku ari, sapa ujniykichej chay kikin k'uchi kayta rikuchinaykichejta tukukuykama, cheqatapuni suyay junt'akunampaj.

Deuteronomio 32:32

Uvasninkoqa Sodomamanta, Gomorramantawan uvas jina. Chaykunaqa jaya k'allku wañuchikoj uvas.

Deuteronomio 4:9

Ajina ari, qankunaqa allinta qhawakuychej, ama qonqapuychejchu imatachus rikusqaykichejta. Amataj jayk'ajpis chayqa tukuy kausayniykichejpi umaykichejmanta karunchakuchunchu. Aswampis wawasniykichejman allchhisniykichejman ima chayta willaychej.

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

Efesios 5:3

Ama kachunchu qhenchachakuy, tukuy ch'ichi kay, chayrí munapayay ima. Chaykunataqa ama parlarillaychejpischu, imaynatachus Diospa ajllasqasnimpaj allin kan, ajinata.

Gálatas 2:13

Ajinaqa Pedroj puraj uya kayninta wakin judíos qhaterqanku. Bernabepis paykunaj puraj uya kayninkupi purisharqa.

1 Corintios 13:8

Munakoyqa mana jayk'ajpis tukukonqachu; chaywampis Diospa palabranta sut'inchayqa tukukaponqa, runakunaj parlayninkupis ch'inyaponqa, yachaykunapis tukukapullanqankutaj.

Éxodo 32:21

Aaronmantaj Moisesqa nerqa: Imanasorqankutaj kay runasri, kay chhika jatun juchata ruwachinaykipajri?

2 Pedro 3:11

Ajinata, tukuy ima nina larwaypi tukukunanta yachaspa, astawan Diosta yupaychaspa kaychej, allin kausaypitaj puriychej. Diospa p'unchayninta suyaspa. Usqhayta jamunanta munaspataj kausaychej. Chay p'unchaypeqa janaj pachakuna nina larwaypi tukukonqanku, tukuy imastaj chay nina larwaypi unuyanqanku.

2 Pedro 1:10

Chayrayku hermanos, wajyasqas ajllasqastaj kasqaykichejpi sumajta sayaychej. Chaykunata ruwaspa mana jayk'ajpis urmankichejchu.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Isaías 5:4

Imatawantaj ruwanay kanman karqa uvas sach'asniytari? Manachu allinta plantarqani? Noqaqa suyarqani uvasniy sumajta poqonanta. Imajtintaj k'allku uvasllata poqonri?

Josué 6:18

Qankunaqa llajtapi imaschus kashan chaykunata, ama pakankichejchu, ni llujchirillankichejpischu, chay tukuy imasqa chinkachisqas kananku tiyan, Señorman rikuchiku jina jaywasqa, manachus jinata ruwankichej chayqa, Israel jaraman maldicionta apamunkichej, mana allin kaylla pejtu kanqa.

San Lucas 22:32

Noqataj mañakuni feniyki ama pisiyanampaj. Qantaj noqaman kutirimuspa kallpachay wauqesniykita.

Tito 1:15

Llimphuspajqa tukuy ima llimphu; juchasapaspajqa, Diospi mana creejkunapaj, mana imapis llimphuchu, imaraykuchus yuyayninku, sonqonkupis juchawan ch'ichichasqas kanku.