Hebreos 11:7 - Qheshwa Biblia DC

⁷ Creespa Noeqa Diosmanta yachachisqa karqa, chay manaraj rikukoj imasmanta; manchachikuywantaj arcata wakicherqa, familiampis salvasqa kanampaj; chay feraykutaj mundota juchacharqa, feraykullataj Diosmanta cheqan kajpaj qhawasqa karqa, chayaqeyojtaj rikhurerqa.

DIOSPA QHELQACHISQAN DEUTEROCANONICAL

⁷ Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

DIOSPA QHELQACHISQ

⁷ Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

Quechua South Bolivia: Dios Parlapawanchej

⁷ Diospi jap'icuskanraycu Noeka Diospa sut'inchaskanta creerka. Manaraj ricuska imasmanta sut'inchaskanmanjinataj barco arcata waquicherka ayllunpaj. Chay arcaman yaycuspa Noella ayllunwan yacupi wañuymanta libraska carka. Ajinapi Noeka ricucherka cay pacha runas juchachaska caskancuta. Paytataj Dioska chekanpaj khawarka paypi jap'icuskanraycu.

Hebreos 11:7 Referans Kwoze

1 Pedro 3:20

Chaykunataj ñaupa p'unchaykunapi, mana kasukoj karqanku. Noéj p'unchaynimpi, Diosqa jatun pacienciawan paykunata suyarqa arca ruwakushajtin. Chaypachataj pisi runas yakumanta salvasqas karqanku, tukuyninkutaj pusajlla karqanku.

Ezequiel 14:14

Kay kinsa runaschus chay llajtapi kashankuman Noé, Daniel, Job ima chayqa, paykunalla kinsantinku salvasqas kankuman cheqa runas kasqankurayku. Noqa Señormin chayta nini.

Romanos 4:13

Diosqa mana leyraykuchu Abrahamman nerqa, mirayninmampis kay mundota chayaqepaj qonanta; astawanqa Diospi Abrahampa feninrayku.

San Lucas 17:26

Imaynatachus Noejpa tiempompi karqa, ajinallataj Runaj Churimpa jamuynimpipis kanqa.

Filipenses 3:9

Paywan kayta munani manaña leyman jinachu kausanaypaj, astawanqa Cristopi creespa. Chaytaj Diospa cheqan kayninmanta feman jina; chayrayku Cristota astawan rejsinaypaj kausarimuynimpi, ferayku payman rijch'akunaypaj wañuynimpi, suyashanitaj imaynamantapis kausarimuyta wañusqakunamanta.

Gálatas 5:5

Noqaykoqa Espiritunejta, fenejtataj suyayku, Dios mana juchayojta jina rikhurichinawaykuta.

Ezequiel 14:20

Chaypitajchus Noé, Daniel, Job ima tiyakushankuman chaypis, mana salvayta atinkumanchu, qhari wawasninta, nitaj warmi wawasnintapis. Paykunalla cheqa runas kasqankurayku salvakunkuman. Noqa Señormin kausayniyrayku jurani.

Hebreos 5:7

Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa.

Romanos 3:22

Diosqa cheqan kayninta rikuchenqa fenejta Jesucristopi, tukuy paypi creejkunapaj. Paykunaqa uj rejlla kanku.

Romanos 1:17

Evangeliopeqa Diospa justician fenejta rikuchikun, fepajtaj; imaynachus escribisqa kasqanman jina: Cheqan runaqa fenejta kausanqa.

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Proverbios 27:12

Yuyayniyojqa reparan imachus mana allin kajta, pakakuntaj; mana yuyayniyojrí chimpaykullan, chantá ñak'arintaj.

Génesis 7:23

Noella kausarqa, pikunachus arcapi karqanku chaykunallawan khuska. Chay ujkunaqa tukuyninku chinkaporqanku: Runas, uywas, p'isqos, qhatatakoj animales ima.

2 Pedro 3:6

Chayrayku ñaupa mundopi runasqa, yakupi chinkasqas wañorqanku.

2 Pedro 2:5

Ñaupa runaspa juchasnintachus manallataj pampacharqachu chayqa, waqaycharqa Noeta, cheqan kajta willajta, waj qanchis runastawan. Diosta mana yupaychaj runaspajtaj, jatun parata apachimorqa.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

Hebreos 11:1

Creeyqa suyakusqasninchejpa sinch'i sayaynin, mana rikusqanchejpata rikuchiynin.

Romanos 10:6

Fenejta cheqan kajrí, ajinata nin: Ama sonqoykipi ninkichu: Pitaj janaj pachaman wicharenqarí? Kay niyta munan Cristota Kay pachaman uraykuchimunapaj.

Romanos 4:11

Circuncisiontaqa jap'erqa uj señalta jina, Diospa cheqan kayninta sellota jinalla fenejta, manaraj circuncidasqa kashaspa; mana circuncidasqa creejkunaj tatanku kanampaj, paykunamampis Diospa cheqan kaynin fenejta qosqa kanampaj.

San Mateo 24:38

Chay tiempopi, manaraj jatun para chayamushajtin, runasqa mikhusharqanku, ujyasharqanku, casarasharqanku, ususisninkutapis casarachisharqanku, arcaman Noé yaykunankama.

San Mateo 24:25

Chaytaqa ñaupajmantaña nerqaykichej.

Génesis 19:14

Lottaj usqhayta rerqa ususisninwan casarananku karqa chay qharisman willaj, nerqataj: Jatariychej usqhayta, kaymanta ayqeychej, kay llajtataqa Señor chinkachenqa kasqa! Tolqasnintaj chayta mana creespa mana kasorqankuchu, chansiyakusqanta yuyaspa.

Génesis 7:5

Noetaj Señorpa tukuy kamachisqanta ruwarqa.

Génesis 6:9

Kay jina karqa Noepa kausaynin: Noeqa cheqan karqa, sumaj runataj chay tiempo runa mita ukhupi, Diosta kasuspapuni. Ajinaqa pay k'atalla Diospa munasqanta ruwarqa.

Romanos 9:30

Chantá ima nisuntajri? Gentilesqa cheqan kajta mana mask'aspalla tarerqanku. Chayqa niyta munan cheqan kajqa fenejta tarikun.

Proverbios 22:3

Yuyayniyojqa imachus sajra kajta rikun, manataj chimpanchu; mana yuyayniyojrí sajraman chimpaykun, chantaqa ñak'arin.

San Mateo 24:15

Maypachachus rikojtiykichej millay ch'inyachejta Diospa templompi, chay millay ch'inyachejmanta profeta Daniel parlasqanman jina. Pillapis kayta leejqa, entiendechun.

Génesis 6:22

Ajinata Noeqa ruwarqa, Dios imaynatachus payman nisqanman jina.

Ezequiel 33:5

Pututu waqajta uyarishaspa mana kasusqanrayku, paypuni juchayoj kanqa. Sichus kasukunman karqa chayqa, mana wañunmanchu karqa.

San Mateo 2:12

Mosqoypitaj Dios paykunaman willarqa ama Herodesman kutinankuta. Chayrayku waj ñannejta llajtankuman kutiporqanku.

Hebreos 8:5

Paykunaqa uj rijch'aylla, llanthu jinalla kanku janaj pacha imasmanta. Chayrayku Dios nerqa Moisesman, tabernaculota wakichinan kashajtin: Orqopi rikucherqayki chay rijch'ayman jina tukuy imata ruway, nispa.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

2 Reyes 4:5

Warmitaj ripuytawan wawasninwan punkuta wisq'aykakamorqanku. Chaypitaj wawasnin yurusta jaywarqanku, paytaj aceiteta jich'aj.

Job 35:8

Juchasniykeqa qan jina runasman mana allintachu ruwan, allin imasta ruwasqaykipis runasllaman allin ruwan.