Hebreos 10:27 - Qheshwa Biblia DC

²⁷ Uj jinamantaqa, mancharina juicio suyayllaña, ninaj k'ajaynintaj enemigosta q'olaykonqa.

DIOSPA QHELQACHISQAN DEUTEROCANONICAL

²⁷ Manachayqa mancharina jatun juiciollataña suyana kashan, chaypitaj sinch'i nina lawray Diospa awqankunata ruphaykonqa.

DIOSPA QHELQACHISQ

²⁷ Manachayqa mancharina jatun juiciollataña suyana kashan, chaypitaj sinch'i nina lawray Diospa awqankunata ruphaykonqa.

Quechua South Bolivia: Dios Parlapawanchej

²⁷ Manachayrí juchallicojka juchachayta manchachicuywan causanka, yachaspa Dios c'ajaj phiñacuyninpi churanacojcunanta tucuchinanta.

Hebreos 10:27 Referans Kwoze

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Sofonías 1:18

Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.

San Mateo 13:50

K'ajaj hornomantaj wijch'uykonqanku. Chaypitaj manchay waqay, kiru k'arukuytaj kanqa.

San Mateo 8:29

Qhaparerqankutaj: Diospa Churin, ima ruwanayki tiyan noqaykuwan? Noqaykuta ñak'arichejchu jamuwayku, manaraj ñak'arinayku kashajtin?

Nahúm 1:2

Señorqa, celosakuyta vengakuytataj yachaj Diosmin; Payman sayaykojkunamanta vengakunmin, enemigosnimpajpis phiñakullantaj.

Santiago 5:3

Qoriykichej, qolqeykichejpis qorwariyasqas kashanku. Chay qorwariyasqastaj qankunaj contraykichejpi kashan, ninawan jinataj ruphaykonqa tukuy aychaykichejta. Qhapaj kayniykichejta tantarqankichej qhepa p'unchaykunapaj.

Hebreos 12:29

Diosninchejqa q'olaj ninaj larwaynin.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

San Mateo 3:12

Jorcapis makimpiña kashan, trigota erapi llimphuchanampaj. Chaymantataj trigota pirwaman waqaychanqa, pajantataj mana jayk'aj thasnukoj ninaman kanaykonqa.

San Mateo 3:10

Ñapis hachaqa, sach'aspa saphinman churasqaña kashan. Tukuy mana allinta poqoj sach'ataj k'utusqa kanqa, ninamantaj kanasqa.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Sofonías 3:8

Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

Joel 2:30

Janaj pachapi jatuchej t'ukunasta rikhuchisaj. Jallp'apitaj rikhuchisaj yawarta, ninata, q'osñi jina phuyustawan.

Oseas 10:8

Juchasapaspa lanti wasinku t'unasqas kanqanku, maypichus Israel ayllu juchallej chaykuna. Chay altaresninku pataspitaj qhepus khishkaspis wiñanqanku, runastaj orqosta nenqanku: Pakaykuwayku!, nispa; chhankastataj nenqanku: Pataykuman urmaykuwayku!, nispa.

Ezequiel 38:19

Noqa parlani k'ajaj phiñakuyniypi juraspa kay imas kananta: Chay jamoj p'unchaykunapi Israel jallp'api jallp'a kharkatitiy kanqa.

Ezequiel 36:5

Chayrayku, Atiyniyoj Señorqa kay jinata nin: Waj llajtaspa contrantaqa nina jina k'ajashaj phiñakuyniypi parlani, astawanqa tukuynin Edom llajtaj contranta. Paykunaqa tukuy sonqonkumanta kusikuspa jallp'ayta jap'ikaporqanku, manchay qhesachaywantaj camposnimpi kaj imasta suwakaporqanku.

Jeremías 4:4

Judamanta, Jerusalenmantapis runas circuncidakuychej, rejsiwankichejtaj Señorniykichejpaj jina. Tratomanta señalta sonqoykichejman churaychej, pajtataj millay ruwasqasniykichejrayku phiñakuyniy nina jina k'ajarinman, jap'iykukojtintaj ni pi thasnuyta atishanmanchu.

Isaías 33:14

Juchasapasqa Siompi mayta kharkatiterqanku, puraj uyastapis t'ukuylla jap'erqa. Pitaj noqanchejmanta kay jina nina ukhupi kausanmanri, pitaj kay jinata wiñaypaj nina k'ajaj ukhupi tiyakunmanri?

Salmos 21:9

K'ajashaj hornoman jina churaykunki, justiciata ruwanaykipaj rikhurimunki chaypacha. Chaypacha Señorta sinch'i phiñakuynimpi, q'olaykuchenqa, ninawantaj chinkachenqa.

Deuteronomio 32:43

Naciones kusikuychej Diospa ayllunwan. Diosqa aynita kutichenqa kamachisninta wañuchisqankumanta. Enemigosninman aynita kutichenqa. Payqa jallp'anta, aylluntawan llimphuchanqa.

Números 16:35

Chantapis Señorqa ninata apachimorqa, pikunachus Dioswan parlana toldopi inciensota jaywasharqanku chaykunata iskay pachaj phishqa chunkayoj runasta ruphaykorqa.

San Lucas 23:30

Chaypachamá runasqa orqosta niyta qallarenqanku: Pataykuman urmaykamuwayku; lomastataj: P'ampaykuwayku, nispa.

San Lucas 21:26

Runakuna uj jinayanqanku manchariywan, imachus kay mundopi kasqanmanta, imaraykuchus janaj pacha atiykuna chaypacha kharkatirenqanku.

San Lucas 19:27

Jinallatataj, jaqay contrariosniy mana rey kanayta munajkunata, kayman pusamuychej, noqaj ñaupaqeypitaj wañurachiychej.

San Lucas 16:24

Chantá qhaparerqa: Tatáy Abraham, khuyariway ari. Lazarota kacharimuway dedo puntallantapis yakupi joq'ocharispa qalluyta thasnurinawampaj; ancha nina k'ajaypi ñak'arishani.

1 Samuel 2:25

Uj runa wajpaj contrampi juchallin chayqa, Señorpa payman kutikuyta atin. Señorpa contrampi juchallejtintaj, pitaj paymanta jark'akonqari? Chaywampis paykunaqa mana kasorqankuchu tatankoj nisqasnintaqa, imaraykuchus Señorqa nisqaña wañunankuta.

San Juan 5:29

Allinta ruwajkunaqa, kausanankupaj jatarimonqanku; sajrata ruwajkunataj, juchachasqa kanankupaj kausarimonqanku.