Hebreos 1:14 - Qheshwa Biblia DC

¹⁴ Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?

DIOSPA QHELQACHISQAN DEUTEROCANONICAL

¹⁴ Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

DIOSPA QHELQACHISQ

¹⁴ Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Quechua South Bolivia: Dios Parlapawanchej

¹⁴ Angeleska tucuynincu espirituslla cancu, Diospa camachisnillan. Paycunaka wiñay causayta jap'ejcunata yanapanancupaj cachamuskas cancu.

Hebreos 1:14 Referans Kwoze

Salmos 34:7

Señorpa angelnin jark'an, salvantaj tukuy payta yupaychajkunata.

San Mateo 18:10

Ama mayqenta, kay juch'uykunamanta qhesachankichejchu. Noqaqa niykichej, paykunaj angelesninkoqa qhawashankupuni janaj pachapi kaj Tataypa uyanta. [

Daniel (hebreo) 6:22

Diosniymin angelninta kachamorqa, paytaj leonespa siminkuta wisq'aykurarqa, mana imananawankupaj, imaraykuchus Dios yachan mana ima juchayoj runa kasqayta, yachallantaj mana ima sajratapis ruwasqayta contraykitaqa, reyníy.

Hechos 27:23

Tuta rikhuriwarqa Diospa angelnin. Chay Diospata kani, paytataj yupaychashani.

Hechos 5:19

Chay tutataj Señorpa ujnin angelnin cárcel punkuta kicharpayarqa, apostolesta jawaman orqhospataj, paykunaman nerqa: Riychej temploman, chaypitaj runasman willaychej tukuy kay kausay palabrasmanta.

Hechos 12:7

Chayllaman Señorpa angelnin rikhurimorqa, chay ukhumantaj k'anchay junt'aykorqa. Angeltaj Pedrota wajtanninmanta kuyurichispa rijch'aricherqa, nerqataj: Usqhayta jatariy, nispa. Chay kikimpi cadenas makisninmanta urmararqa.

San Lucas 1:19

Angeltaj kuticherqa: Noqa Gabriel kani, Diospa kamachimpi; pay kachamuwan willasunaypaj kay sumaj noticiasta.

San Mateo 1:20

Kay imapi José yuyashajtintaj, Señorpa angelnin payman rikhurerqa mosqoypi, nerqataj: José, Davidpa ayllunmanta kaj, ama manchachikuychu, María warmiykita jap'ikapullay; imaraykuchus paypi kaj wawaqa Santo Espiritumantamin.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

San Lucas 16:22

Chantá wajcha runaqa wañuporqa; angelestaj pusarqanku maypichus Abraham kasharqa chayman. Qhapaj runapis wañupullarqataj, paytataj p'ampamorqanku.

Hechos 12:23

Chay kikimpitaj Señorpa angelnin Herodesta nanaykucherqa, Diosta mana jatunchasqanmanta. Khuruspa mikhusqantaj wañorqa.

San Lucas 2:9

Jinallapi Señorpa angelnin rikhurerqa, k'anchaynintaj paykunata muyuykorqa, anchatataj mancharikorqanku.

San Lucas 2:13

Jinallaman rikhurimorqanku angelpa qayllanman, ashkha ángeles Diosta yupaychaspa, nispataj: Gloria kachun Diosman janaj pachapi, kay pachapitaj sonqo tiyaykuy Diospa munakuynimpi kajkunapaj!

Salmos 104:4

Wayras kachasniyki kanku. Ninaj qallusnin qanta kasusunku.

San Mateo 2:13

Yachaysapa runas ripusqankumanta, Señorpa angelnin Joseman rikhurerqa mosqoypi, nerqataj: Jatarikuy, wawata mamantawan pusarikuspa, ayqey Egipto jallp'aman. Chaypitaj qhepakunki noqa ujtawan willasunaykama. Herodesqa wawata mask'anqa wañuchinampaj.

Tito 3:7

Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

Apocalipsis 5:6

Rikullarqanitaj tronoj chaupimpi, tawa animalespa chaupimpi, kurajkunaj chaupimpiwan Corderota, ñak'asqata jina sayashajta. Chay Corderoqa karqa qanchis wajrayoj, qanchis ñawisniyojtaj. Chaykunaqa Diospa qanchis espiritusnin kanku, tukuy mundoman kachamusqas.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

Judas 1:14

Chay runakunamantaqa Enoc, Adanmantapacha qanchis kaj karqa, kay jinata nerqa: Qhawaychej, Señorqa waranqa waranqa ajllasqasninwan jamushan, tukuyninkuta juzgaj, juchachajtaj Diosta mana yupaychajkunata, sajra ruwasqasninkuwan juchallisqankurayku. Juchachallanqataj tukuy jatuchaj phiña palabraswan paypaj rimasqankumanta. Kaykunaqa juchasapas kanku, mana Diosniyoj runas.

Hebreos 6:17

Chayrayku, Diosqa, imatachus qonan kasqanta chayaqeyojkunaman, aswan allinta rikuchinampaj, munaynintataj manapuni kuyuchinanta, juramentowan chaupincharqa.

2 Tesalonicenses 1:7

Qankunamantaj, pikunachus llakisqas kashankichej chaykunaman, noqaykumanwan khuska samarikuyta qosonqachej; janaj pachamanta Señor Jesús atiynimpi, angelesninwan rikhurimojtin.

Filipenses 2:25

Kachamunaypuni karqa hermano Epafroditota. Payqa yanapawajniy, noqawan khuskataj maqanakupi ima kaj. Payta qankuna kachamuwarqankichej yanapanawampaj tukuy pisichikuyniypi.

2 Corintios 9:12

Kay yanapata hermanosman qospaqa, mana pisisqallantachu yanapan. Astawanqa paykuna may chhikata Diosman graciasta qonku.

Romanos 15:27

Kay ruwasqankoqa gentilesman allin rijch'arqa; imaraykuchus creejkuna judiosman manu karqanku. Gentileschus Espirituman jina paykunamanta jap'erqanku chayqa, gentilespis ajinallatataj, kay pachapi kapuyninkuwan, creejkuna judiosta yanapananku tiyan.

Romanos 15:16

Jesucristoj kamachin kaspa, Diospa evangelionta gentilesman willanaypaj, paykuna sumaj rikuchiku jina, llimphuchasqas Santo Espiritunejta kanankupaj.

Romanos 13:6

Chayrayku impuestotapis qoshankichej, imaraykuchus paykunaqa Diospa kamachisnin kanku, kay tukuy imasta ruwaspallapuni.

Hechos 13:2

Uj p'unchay ayunaspa Señorta yupaychashajtinku, Santo Espíritu paykunaman nerqa: Bernabeta, Saulotawan t'aqapuwaychej, imapajchus ajllarqani chayta ruwanankupaj.

Hechos 11:22

Kay tukuy imas Jerusalén iglesiapi yachakorqa. Chayrayku Bernabeta kacharqanku Antioquiakama.

San Lucas 1:23

Mit'an templopi junt'akojtintaj kutiporqa wasinman.

San Mateo 24:31

Angelesnintataj kachamonqa, cornetata sinch'ita waqachispa, tukuy ajllasqasninta tantanankupaj, mundoj tawantin cheqamanta, uj cantonmanta, ujnin cantonkama.

San Mateo 13:41

Runaj Churin kachamonqa angelesninta, orqhonampaj reinonmanta, juchaman misk'achej tukuy runasta juchasapastawan. Nina hornomantaj enqhaykonqanku; chaypitaj manchay waqay, kiru k'arukuytaj kanqa.

Job 1:6

Uj pacha Diospa wawasnin Señorpa ñaupaqenman qayllakoj jamusqanku; chaypachallataj paykunawan khuska Supay jamullasqataj.

1 Pedro 3:7

Kikillantataj qosaspis, warmisniykichejwan allin yachaywan kausakuychej. Paykunata allimpaj qhawaychej, p'akikoj vasota jina. Paykunaqa qankunawan khuska wiñay kausay chayaqeta jap'enqanku. Ajinamanta, Diosmanta mañakusqaykichejpis mana jark'asqachu kanqa.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

Hebreos 10:11

Ajinamanta tukuy sacerdotesqa sapa p'unchay jaywanku imatachus ruwanankuta. Sapa kutitaj chay kikin uywa wañuchisqallatapuni qospa, manataj chaykunaqa jayk'ajpis juchasta qhechuyta atinkuchu.

Hebreos 8:6

Chay jawa, kunanqa Jesuspata aswan sumaj ruwanan tiyapun; imaraykuchus payqa allinyachej, aswan sumaj tratomanta, aswan sumachaj Diospa qosqayki nisqasnimpi churasqa.

Hebreos 6:12

Ama qhellas kaychejchu, astawanqa paykunamanta yachakuychej; pikunachus fewan, pacienciawantaj, Diospa qonasninta chayaqepaj jap'erqanku.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

Filipenses 2:17

Yawarniy jich'asqa kanman chayqa ofrendasniykichej pataman, feniykichejpa patanmampis chayqa, chaymanta kusikuni jatun kusiywan tukuyniykichejwan khuska.

Efesios 3:6

Gentilkunaqa, chay kikin chayaqellatataj jap'enqanku judioswan ujllaña kaspa. Diospa qosqayki nisqantapis Cristo Jesuspi jap'illanqankutaj evangelionejta.

Gálatas 3:29

Sichus qankuna Cristojta kankichej chayqa, cheqamanta Abrahampa miraynin kankichej, chayaqetataj jap'inkichej Diospa qosaj nisqanman jina.

Gálatas 3:9

Ajinaqa feniyoj kajkuna creej Abrahamwan bendicisqas kanku.

Gálatas 3:7

Chayrayku yachaychej, cheqamanta pikunachus feniyoj kanku, Abrahampa wawasnin kanku.

Romanos 8:17

Paypa wawasnin kanchej chayqa, chayaqeyoj kanchej. Diosmanta chayaqeyojña kaspataj, Cristowan khuska chayaketa jap'isunchej. Imaynatachus Cristowan khuska ñak'arinchej chayqa, paywan khuskallataj janaj pacha k'anchaypi wiñaypaj kasunchej.

Hechos 16:26

Ujllata jallp'a sinch'ita kuyurerqa. Carcelpa cimientosnintataj thalarerqa, kikimpachataj punkus kicharikorqanku. Tukuy presosmantataj cadenas phaskakorqanku.

1 Reyes 22:19

Micaiasqa nillarqataj: Señorpa palabranta uyariy ari: Noqaqa Señorta rikorqani tronompi tiyasqata, janaj pachamanta tukuynin angelestataj paywan khuska kashajta, paña makinnejpi lloq'e makinnejpipis.

Génesis 32:24

Chaypitaj Jacobqa sapallan qhepakorqa. Jinallaman uj qhari rikhurimorqa, chaytaj Jacobwan maqanakorqa sut'iyamunankama.

San Mateo 4:11

Chantá supay saqeporqa Jesusta, angelestaj jamuspa mikhuyta jaywarqanku.

Marcos 10:17

Jesús, ñanman llojsishajtinña, uj runa usqhayllata jamorqa; Jesuspa ñaupaqenman qonqoriykukuspataj, payta taporqa: K'acha maestro, imata ruwaspataj wiñay kausayta tariyman?

Romanos 11:14

Ichachus ajinapi kallpachayman yawarniymanta kajkunata, paykunapis salvakuyta munanankupaj, paykunamanta wakillantapis salvanaypaj.

1 Corintios 1:21

Diospa yachayninman jina, kay mundoqa Diosta mana rejserqachu, runaj yachayninrayku. Chayrayku Diosmanqa allin rijch'arqa, paypi creejkunata salvayta chay locoyasqa yachachiynejta.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.