Hageo 2:22 - Qheshwa Biblia DC

²² Mundopi atiykunata t'unaykusaj, tiyanasninkutataj urmarachisaj. Urmarachillasajtaj guerraman purina carrosta, chay carrospi purejkunatawan. Caballospis wañullanqankutaj lloq'ajkunasnintin, sapa uj wañonqa hermanompa espadanwan t'ojsisqa.

DIOSPA QHELQACHISQAN DEUTEROCANONICAL

²² Kay pachapi atiyniyojkunata phiriykusaj, kamachinanku tiyanakunatapis urmarachisaj. Urmarachillasajtaj carretakunata, chay carretakunapi purejkunatawan. Caballokuna, chaypi purejkunapis wañullanqankutaj, paykunapurataj espadawan wañuchinakonqanku.

DIOSPA QHELQACHISQ

²² Kay pachapi atiyniyojkunata phiriykusaj, kamachinanku tiyanakunatapis urmarachisaj. Urmarachillasajtaj carretakunata, chay carretakunapi purejkunatawan. Caballokuna, chaypi purejkunapis wañullanqankutaj, paykunapurataj espadawan wañuchinakonqanku.

Hageo 2:22 Referans Kwoze

Miqueas 5:10

Kayta Señor nillantaj: Jaqay p'unchaykunapeqa caballosniykita wañurachisaj, guerrapaj carrosniykitapis t'unarasaj.

Jueces 7:22

Chaykamataj chay kinsa pachajnintin israelitasqa chay pututusninkutaqa waqachishallarqankupuni, Señortaj madianitas purata maqanacherqa, llojsispataj ayqekorqanku Bet-sitakama, Zerera ñanninta rispa, Tabat qayllapi Abel-mehola tinkuykama.

San Mateo 24:7

Uj nación waj naciompa contranta oqharikonqa; uj reinopis waj reinoj contranta; jinallataj kanqa yarqhaykuna, onqoykuna, jallp'a kuyuykuna ima; kaynejpi, chaynejpi.

Zacarías 10:11

Egipto mar qochata pasanqanku, oladasnin kajtapis maqaspa ch'inyachisaj. Nilo mayutapis ukhusninkama ch'akichisaj, Asiriaj may runaykachasqantapis chinkachisaj, Egiptoj atiynintapis tukuchisaj.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Sofonías 3:8

Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

Miqueas 5:15

Phiñakuyniypi, vengakusaj mana kasuyta munawarqankuchu chay nacioneswan.

Ezequiel 39:20

Señorqa kay jinata nin: Jatun mikhunata wakichipusqaykichej caballospa aychanmanta, sinch'i runaspa aychanmanta, maqanakoj runaspa aychanmantawan sajsanaykichejkama mikhunaykichejpaj.

Salmos 46:9

Ch'ajwastaqa mundontimpi sayachin. Maqanakuna flechasta, lanzastapis p'akiran, carretastataj rupharachin.

Daniel (hebreo) 8:25

Ch'aukiyanapaj may churasqa kasqanrayku, ñaupajman renqa ch'aukiyaypi. Sonqompi may jatun kasqanta yuyakonqa. Sonqo tiyaypi kasqankuta creekoj runakunata ashkhata wañurachenqa. Kurajkunaj kurajnimpa contrampi sayaykonqa. Chay kuraj kajtaj, chay sajra reyta atipaspa chinkachenqa. Chaytataj ruwanqa mana runaj makinwanchu.

Salmos 76:6

Qan Señor, Jacobpa Diosnin, k'amejtiyki carretaspis, caballospis, kuyukuytapis mana atinkuchu.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Zacarías 14:3

Jinapis chay qhepantaqa Señor llojsimonqa chay nacionespa contrampi, imaynatachus chay ñaupa maqanaku p'unchaykunapi ruwarqa ajinata.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.

Miqueas 5:8

Chaypacha, Jacobpa ayllunmanta puchojkunaqa ashkha llajtaspa chaupimpi kanqa; imaynatachus uj león monte uywas chaupipi karin ajinata, chantá imaynatachus uj león ovejas chaupipi rikhurispa pasaj jina t'isaspa wañurachintaj ujtapis kausashajta saqespa ajinata.

Ezequiel 21:27

Tukuyta thuñisaj, thuñisqamantapis llimphu thuñisqatapuni saqesaj. Kaytaj ruwakonqa, justiciata ruwanampaj churaniña chay jamojtinraj.

Isaías 60:12

Chayrayku mayqen nacionchá, chayri ima llajtachá qanta mana kasuyta munanqachu chayqa, chinkachisqa, ch'inyachisqataj kanqa.

Isaías 19:2

Chaypacha egipciospurata maqanachisaj, sapa ujninkuta wauqesninkutawankama, sapa ujta runa masintawan, uj llajtata waj llajtatawan, uj nacionta waj naciontawan.

Isaías 9:19

Tukuy Atiyniyoj Señorpa phiñakuynenqa jallp'ata manchayta kharkatichin, runasqa nina enqhampaj llant'a jina kanku. Runaqa, runa masinta mana khuyanchu, sapa ujtaj mikhunakunku.

2 Crónicas 20:22

Chay rato kusiywan takiykunasta takiyta qallarishajtinkutaj, Señorqa pantachinakuyta apachimorqa, amonitasman, moabitasman, Seir orqopi kajkunamanwan Judá aylluman maqanakoj jamusharqanku chaykunaman. Paykuna-puralla tukuchinakorqanku.

1 Samuel 14:16

Benjamín jallp'api Gabaa llajtapi Saulpa qhawaj soldadosnin kasharqanku chaykunaqa rikorqanku filisteos uj ladomanta uj ladoman juyñaykachashajta.

Éxodo 15:19

Mar qochaman yaykorqanku faraompa carrosnin, caballospi rejkuna soldadosnin, Señortaj mar yakuwan ujllata p'ampaykuchin. Israelitasrí chakipi pasarqanku mar qochata, ch'aki jallp'atapis rishankuman jina.

Éxodo 14:28

Yakoqa tinkuykushaspa tukuyninkuta p'ampaykorqa carrosta, caballospi rejkunata, faraompa tukuynin caballosninta, pikunachus israelitaspa qhepanta yaykorqanku chaykunata. Chaykunamanta mana ujpis kausashaj puchorqankuchu.

Éxodo 14:17

Noqataj egipciospa sonqosninta rumiyachisaj, qhepaykichejta qhatimunasuykichejpaj. Chaypitaj noqa atiyniyta rikuchisaj faraompa soldadosnimpi, carrosnimpi, caballosnimpi, maqanakoj soldadosnimpi ima.

Éxodo 15:4

Mar qochaman Señorqa wijch'uykun faraompa carrosninta, soldadosnintawan. Faraompa ajllasqa capitanesnin puka mar qochapi chinkanku.

2 Crónicas 20:23

Chaypacha amonitasqa, moabitaswan ima Seir orqomanta kajkunata maqaj llojserqanku, tukuyninkutataj wañuracherqanku. Chanta paykuna purataj wañuchinakorqanku.

Ezequiel 26:16

Mar qocha canto jallp'aspi kamachejkunaqa, tukuyninku tiyanankumanta uraykonqanku. Pata p'achasninkuta orqhokonqanku, k'acha awakipasqa p'achasninkutataj lluch'ukonqanku. Sinch'i manchariywantaj pampapi tiyarikonqanku chay jinata rikuspa, sapa rato kharkatispa qanmanta t'ukonqanku.

Ezequiel 38:21

Tukuynin alto lomasnimpi Gogpa contranta wañurachejkunata wajyasaj nin Señorqa. Paykunapura wauqepura wañunachikonqanku.

Amós 2:15

Flechata jap'ej kajpis mana sayanqachu, mana librakonqankuchu ligero chakiyojkunapis, nitaj caballopi ayqej kajpis.

Miqueas 7:16

Waj nacionmanta kajkunapis rikullachunkutaj atiyniyoj kashaspapis p'enqaypi rikhurinankupaj! Opas, jinataj joq'aras qhepakuchunku!

Zacarías 10:5

Soldados jina kankichej, imaynatachus maqanaku kajtin tukuy ñankunaspi t'uruta sarunku, ajinata ruwankichej. Maqanakunkichej imaraykuchus Señor qankunawan kanqa jinamanta caballospi purejkunapis p'enqachisqas kanqanku.

2 Crónicas 15:6

Nacioneswan llajtaswanqa ujkuna ujkunata tukuchinakorqanku, Señor paykunataqa tukuy llakiykunaswan manchachisqanrayku.

Miqueas 5:9

Ajinatamin qan Señor, phinkiykunki wañurachinkitaj tukuy qampa contraykipi kajkunataqa.

Zacarías 12:9

Jaqay p'unchaypeqa, mayqen naciompis Jerusalenta maqaj yaykojtaqa tukuyninta tukuchisaj.