Hageo 1:13 - Qheshwa Biblia DC

¹³ Chaypachataj Señorpa kachasqan Hageoqa, paykunaman parlarqa Diospa sutimpi kay jinata: Señorqa nin: Noqa kaspa cheqamanta niykichej: Noqa qankunawan kashani.

DIOSPA QHELQACHISQAN DEUTEROCANONICAL

¹³ Chantá Tata Diospa kachan Hageo paykunaman Diospa sutinpi kay jinata parlarqa: Tata Dios nisunkichej: Noqa qankunawan kashani, nispa.

DIOSPA QHELQACHISQ

¹³ Chantá Tata Diospa kachan Hageo paykunaman Diospa sutinpi kay jinata parlarqa: Tata Dios nisunkichej: Noqa qankunawan kashani, nispa.

Hageo 1:13 Referans Kwoze

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Malaquías 3:1

Tukuy Atiyniyoj Señorqa nin: Willarajniyta kachamusaj, ñanta wakichipunawampaj. Mask'ashankichej chay Señorqa ujllata temploman yaykonqa. Chay munasqaykichej tratomanta willarajqa chayamushanña.

Hageo 2:4

Kallpachakuy, Zorobabel! Jinallataj, qampis kuraj sacerdote Josué, kallpachakuy! Tukuy runakuna, qankunapis kallpachakullaychejtaj. Llank'aychej, noqa qankunawan kashani. Noqa, Tukuy Atiyniyoj Señorqa cheqamanta niykichej.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

2 Timoteo 4:17

Chaywampis, Señor noqawan karqa, kallpachawarqataj evangeliota allinta willanaypaj, tukuy mana judiostaj uyarinankupaj. Ajinamanta Señorqa leompa siminmanta kacharichiwarqa.

San Mateo 18:20

Maypichá iskay, chayrí kinsa, noqaj sutiypi tantakunku chayqa, chaypi paykunaj chaupinkupi kani.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

Malaquías 2:7

Sacerdotesqa runasman yachachinanku tiyan noqata rejsinawankuta; tukuy runastaj sacerdotesman rinanku, sumaj yachachiyta yachaqanankupaj, imaraykuchus sacerdotes kanku Tukuy Atiyniyoj Señorpa kachasqasnin.

Jeremías 30:11

Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

Jeremías 20:11

Señor, qan noqawan kashanki, uj mana atipay atina ch'ajwapi maqanakoj jina. Pichus qhatiykachawajkunaqa urmanqanku, manataj atipayta atiwanqankuchu; atipachikuspa p'enqaypi rikhurenqanku, mana qonqay atinapaj jina, wiñaypaj mana allimpaj qhawasqas kanqanku.

Jeremías 15:20

Noqa kay ayllupaj bronce perqata jina churasqayki. Maqanakusonqanku chaypis, mana atipasonqankuchu, imaraykuchus noqa qanwan salvasunaypaj kashani, kacharichisunaypajtaj. Noqa Señor chayta niyki, noqa kacharichisqayki sajra runaspa atiyninmanta, nispa.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

2 Crónicas 32:8

Payqa runaspa kallpallanwan kashan, noqanchejwantaj Señor Diosninchej kashan maqanakunasninchejpi yanapanawanchejpaj. Rey Ezequiaspa parlasqasninta uyarispataj ayllumanta runasqa may kallpachasqas karqanku.

2 Crónicas 20:17

Kay kutipeqa manamin qankunachu maqanakunkichej. Chaynejpi allinta sayakuychej, kakullaychej mana kuyukuspa, rikunkichejtaj imaynatachus Señor qankunata librasusqaykichejta. Jerusalempi, jinataj Judapi tiyakojkuna runas ama manchachikuychejchu, nitaj kharkaychejchu, q'ayapacha riychej paykunawan maqanakoj, Señorqa qankunawan kashan.

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.

2 Timoteo 4:22

Señortaj qanwan kachun. Jinallataj Diospa khuyakuynimpis qankunawan kachun.

2 Corintios 5:20

Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa.

Isaías 42:19

Pitaj ciegori, manachu kamachiy? Pitaj kachasqay runa jina joq'arari? Mana pipis ajllakusqay jina ciegoqa kanchu, nitaj kachasqay Señorpa kamachin jinapis.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

Jueces 2:1

Señorpa angelnin rerqa Gilgalmanta Boquinman, israelitasmantaj nerqa: Noqa Egiptomanta orqhomorqaykichej qankunata, ñaupa tatasniykichejman qosqaykichej nerqani chay jallp'akama pusamorqaykichej, chaypacha paykunaman nerqani: Mana jayk'ajpis qankunawan tratoyta p'akisajchu, sichus qankuna chay llajtayojkunawan waj tratota mana ruwankichejchu chayqa, manachayqa altaresninkuta phirinkichej nerqani. Qankunataj mana kasuwarqankichejchu. Imaraykutaj jinata ruwarqankichejrí?

1 Crónicas 28:20

Chaypacha Davidqa Salomonman nerqa: Kallpachakuy, sinch'itataj sayay, llank'aj pachataj churakuy. Ama iskayrayaychu, nitaj manchachikuychu, Señor Diosneyqa qanwampuni kanqa. Payqa mana saqesonqachu, nitaj qonqarparisonqachu, Señorpa yupaychana wasimpi tukuy ruwanasta tukuyaykikama.