Habacuc 3:6 - Qheshwa Biblia DC

⁶ Jallp'aqa kharkatitin, Pay sayaykojtenqa, qhawajtimpis chay naciones kharkatitinku; chay ñaupa orqosnenqa urmaykunku; chay ñaupa orqospis pampachakunku; chaywampis, Diospa ñankunasnenqa wiñaypaj kanku.

DIOSPA QHELQACHISQAN DEUTEROCANONICAL

⁶ Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

DIOSPA QHELQACHISQ

⁶ Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

Habacuc 3:6 Referans Kwoze

Génesis 49:26

Qanta astawan tatayki bendicisonqa, tataypa bendiciwasqanmanta. Mana tukukuy atej orqoskama kanqa kay bendicionesqa, Josej uman patapi, pay ajllasqa karqa wauqesnin chaupimanta.

Nahúm 1:5

Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

Deuteronomio 33:15

Chay ñaupa orqosmanta sumajta poqojkunawan bendicisqa kachun, unay lomasmanta aswan sumaj poqoykunaswan.

Hechos 17:26

Paytaj, uj runallamanta tukuy laya runata miracherqa, tukuy jallp'api paykuna kausanankupaj. Chayta wakicherqa, ima p'unchaykunapichus, may jallp'apichus kausanankuta, ajinamanta runakuna Diosta mask'anankupaj. Ichapis mask'aykachasqankupi llankharispa Diosta tarinkuman. Cheqamanta Diosqa mana karupichu kashan sapa ujninchejmanta.

San Lucas 1:50

Diospa khuyakuynenqa miraymanta mirayman, payta manchachikojkunapaj.

Hebreos 13:8

Jesucristoqa kikillampuni qayna, kunan, wiñaypajpis.

San Mateo 24:35

Cielo, kay mundopis tukukaponqanku, palabrasniytaj mana jayk'ajpis tukukonqankuchu.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

Miqueas 5:8

Chaypacha, Jacobpa ayllunmanta puchojkunaqa ashkha llajtaspa chaupimpi kanqa; imaynatachus uj león monte uywas chaupipi karin ajinata, chantá imaynatachus uj león ovejas chaupipi rikhurispa pasaj jina t'isaspa wañurachintaj ujtapis kausashajta saqespa ajinata.

Isaías 51:8

Paykunaqa tukukonqanku thutaj thutasqan p'acha jina, khuruswan mikhusqa millma jina. Noqaj cheqanchayniyrí wiñaypaj kallanqapuni, salvacionniypis wiñay wiñaynintimpaj kanqa.

Isaías 51:6

Janaj pachata qhawariychej, pampatapis qhawariychej. Janaj pachaqa q'osñi jinalla chinkariponqa, jallp'apis p'acha jinalla thantarparikonqa. Chaypi tiyakojkunapis ch'uspis jina chinkarparenqanku. Noqaj salvacionniyrí wiñaypaj kanqa. Cheqanta ruwasqayqa mana jayk'ajpis chinkankachu.

Salmos 103:17

Diosníy, qan yachaq payta kasukojkunapaj, cheqanchaynintaj tukuy runa mitaspaj.

Salmos 90:2

Manaraj orqos ruwakushajtin, nitaj jallp'apis, mundopis kashajtin, ñaupajmantapachaña, wiñaykamapis, qan Dios kanki.

Salmos 68:16

Qankuna, alto orqos, imaraykutaj q'omerispa qhawankichej Diospa tiyakunan orqotarí? Cheqamanta Señorqa chaypi wiñaypaj kausakonqa.

Jueces 5:5

Señor, ñaupaqeykipeqa, Israelpa Diosnin, ñaupaqeykipeqa, qharkaterqanku orqokuna, Sinaipis qharkaterqa.

Josué 10:42

Ajinata Josueqa chay jallp'asta uj kutillapi jap'ikaporqa; imaraykuchus Israelpa Señor Diosnin paykunaman kutikuspa maqanakorqa.

Deuteronomio 32:8

Janaj pachapi kaj Diosqa nacionesman chayaqenkuta qoporqa. Tukuy runasta ch'eqeracherqa. Paykunamantaj jallp'asninkuta rak'erqa, mashkhachus Diospa wawasnin kasqankuman jina.

Éxodo 21:31

Kikillantataj ruwanqanku, kay leyman jina, sichus chay waka uj qhari wawata, chayri warmi wawata wajranman chayqa.

Éxodo 15:17

Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

Job 21:18

Mayk'ajtaj paykuna paja jina t'aqasqas kasqankuri, muyoj wayra jamuytawan apan jinari?

Salmos 35:5

Paykunata Señorpa angelnin wijch'uchun, wayraj apasqan ichhu jina.

Habacuc 1:12

Señor, manachu qanqa mana jayk'aj wañoj wiñay wiñaypaj kausaj Santo Diosniy kankiri? Waqaychaj Señorníy, qanmin caldeosman kallpata qorqanki justiciaykita ruwanankupaj.

Éxodo 15:14

Llajtasqa yachaspa kharkatitenqanku. Nanayqa tukuy filisteosta q'ewiykachachenqa.

Éxodo 15:15

Edompi tiyakoj capitanespis mayta llakikonqanku. Moabpi kamachejkuna manchachikuywan kharkatitenqanku. Canaampi tukuy tiyakojkuna manchachikuywan q'ewakonqanku.

Éxodo 19:18

Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta.

Job 9:5

Payqa phiñarikuspa orqosta kuyurichin, urmachintaj, nitaj pipis chayta reparanchu.

Salmos 97:5

Orqosqa wila wira jina unayanku Señorpa ñaupaqempeqa. Paymin dueño tukuy jallp'amanta.

Salmos 104:32

Señor qhawarejtin jallp'aqa kharkatin, llankharejtintaj orqosqa q'osñirinku.