Habacuc 3:2 - Qheshwa Biblia DC

² Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

DIOSPA QHELQACHISQAN DEUTEROCANONICAL

² Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

DIOSPA QHELQACHISQ

² Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Habacuc 3:2 Referans Kwoze

Salmos 85:6

Manachu watejmanta kausayta qowasqayku, aylluyki qanrayku kusikunampaj?

Lamentaciones 3:32

Llakichejtimpis, khuyakun, may chhikan khuyakuynin kasqanrayku.

Habacuc 3:16

Kay tukuy imasta uyarispa manchachikorqani. Parlasqaypipis simiy kharkatiterqa; chakisniypis mana sayayta aterqachu chantá tukuy ukhuynintin llauchhuyaporqa. Chaywampis alliywan suyallasaj, maypachachus Dios chay ñak'arichiwajninchejpa soldadosninta ñak'ariyman churanqa chay p'unchayta.

Filipenses 1:6

Kay imasmanta yachaspataj, allin ruwayta qankunapi Dios qallarerqa. Payllataj tukuychanankama ruwallanqapuni Jesucristoj jamunan p'unchayninkama.

Jeremías 10:24

Jasut'iwayku, yachachiwayku, cheqan kasqaykiman jina. Señor, amataj phiñakuywanchu, manachayqa wañuchiwaykumanchari.

Isaías 63:15

Qanqa janaj pachamanta qhawarimuy, k'acha tiyakunaykimanta allinta qhawariy. Qanllata munakusunankuta munasqaykeqa maytaj kunanri? Chay atiyniyki, sonqoykipis manañachu t'impurin, khuyakuykunasniykipis manañachu noqapaj tiyan? Manañachu sonqoykimanta khuyakoyqa llojsimuyta atin?

Isaías 54:8

Uj pisita phiñakuspa qanmanta uyayta pakarqani; chaywampis wiñaypaj munakuyniywan qantaqa khuyarqayki. Ajinata salvajniyki Señorqa nisunki.

Salmos 119:120

Qanta manchachikuspa tukuy ukhuy kharkatitin, kamachisqasniykitataj munakuywan kasuni.

San Juan 10:10

Suwaqa jamun suwanallampaj, wañuchinampaj, chinkachinampajtaj. Noqarí jamuni kausayniyoj kanankupaj, aswan junt'a kausayniyoj kanankupajtaj.

Salmos 44:1

Diosníy, ningrisniykuwan uyariyku, tatasniyoj siminkumanta, unay watas paykuna kausashajtinku ruwasqasniykimanta.

Zacarías 1:12

Señorpa angelnin nerqa: Tukuy Atiyniyoj Señor, qanchis chunka watastaña phiñasqa kanki Jerusalempaj, Judá llajtaspajpis. Mayk'ajkamataj paykunamanta mana khuyakunkichuri?, nispa.

Jeremías 29:10

Noqa Señor nini: Qanchis chunka watas Babiloniapi junt'akojtinkama, qankunaman kutisqatañataj ruwasaj. Qankunata kay cheqaman kutichimunay karqa chayta junt'asaj.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Salmos 38:1

Señor ama phiñasqa kaspa k'amiwaychu, nitaj jasut'iwaychu phiñakuyniykipi.

Esdras 9:8

Jinallataj kunanqa Señor Diosniyku, khuyakuyniykiman jina ruwakun uj puchoj llajta masiyku kacharisqa kananta, qampaj t'aqasqa jallp'api wasita ruwakunaykupaj. Qanqa mosoj k'anchayta rikuchiwarqayku, uj pisi kusisqa kausayta qoshawayku jap'isqa kausanayku chaupipi.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

Romanos 10:16

Manataj tukuychu kasorqanku evangeliotaqa; chayrayku Isaías nin: Señor, pitaj creerqa willasqaykutari?, nispa.

Daniel (hebreo) 9:2

Ñaupaj kaj watata rey kashajtin, noqa Daniel, Diospa palabranta leekusharqani profeta Jeremiaspa librompi, qanchis chunka watas junt'akuna kasqanta Jerusalén urmanampaj, profeta Jeremiasman Señorpa nisqanman jina.

Isaías 53:1

Mana pipis creenchu kay willasqaykutaqa; manallataj pipis Señorpa atiynintaqa repararqachu.

Salmos 78:38

Diostaj paykunamanta khuyakoj, sajra kayninkuta pampachaj paykunata mana tukuchispa; ashkha kuti ithiricherqa phiñakuyninta, manataj phiñakuywan atipachikorqachu.

Hebreos 11:7

Creespa Noeqa Diosmanta yachachisqa karqa, chay manaraj rikukoj imasmanta; manchachikuywantaj arcata wakicherqa, familiampis salvasqa kanampaj; chay feraykutaj mundota juchacharqa, feraykullataj Diosmanta cheqan kajpaj qhawasqa karqa, chayaqeyojtaj rikhurerqa.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

Hebreos 12:21

Chay jina mancharinapaj karqa chay rikukusqanqa! Kikin Moisespis nerqa: Ancha mancharisqa, kharkatitispataj kashani, nispa.

Job 42:5

Kunankama, uyarispalla qantaqa rejserqayki, kunanqa kikin ñawisniywan rikuyki.

Salmos 71:20

Ashkha llakiykunasta, mana allin kajtawan rikuchiwanki chaypis, watejmanta kausachillawankitaj. Jallp'a ukhumantataj aysarqowanki.

Jeremías 10:7

Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

Jeremías 46:28

Noqa Señor nini: Ama manchachikuychu kamachiy Jacobpa ayllun, imaraykuchus noqa qanwan kashani. Maykunamanchus ch'eqeracherqayki chay tukuy nacionesta phirisaj. Jinapis qantaqa mana chinkachisqaykichu, manachayqa k'amisqayki imaynatachus juchallikusqaykiman jina, chaywampis mana saqesqaykichu mana jasut'ita qospaqa.

Habacuc 3:1

Kayqa, profeta Habacucpa Diosmanta mañakuynin.

Salmos 25:6

Yuyarikuy, Señor, k'acha kayniykimanta, khuyakuyniykimantawan, imaraykuchus wiñaypaj kanku.