Habacuc 2:7 - Qheshwa Biblia DC

⁷ Qonqaymanta jinalla chayamonqanku qanman chay manusojkuna manusninkuta mat'isojkunapis, q'arallatataj saqerpayasonqanku.

DIOSPA QHELQACHISQAN DEUTEROCANONICAL

⁷ Chaywanpis qonqaymanta jinalla manusojkuna chayamonqanku, ñak'arichisojkunataj rijch'arispa, q'arallata saqerpayasonqanku.

DIOSPA QHELQACHISQ

⁷ Chaywanpis qonqaymanta jinalla manusojkuna chayamonqanku, ñak'arichisojkunataj rijch'arispa, q'arallata saqerpayasonqanku.

Habacuc 2:7 Referans Kwoze

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

Jeremías 51:57

Tukuy Atiyniyoj Señor reyqa nillantaj: Babiloniamanta kurajkunasninta machaykuchisaj, yachayniyoj runasninta, palaciopi kamachejkunasninta, paywan llank'ajkunasninta, chantá soldadosnintapis. Wiñay puñuyman urmanqanku, chaymantarí mana rijch'arimonqankuñachu.

Jeremías 51:11

Señorqa Babiloniata tukuchiyta munan, Media nacionmanta reykunastapis ajinallatataj yuyachin. Chaymin Señorpa aynita kutichiynenqa, yupaychana wasinta imatachus ruwasqankuman jina. Wach'inasniykichejta wakichikuychej. Allinta jap'iychej jark'achikunaykichejta.

Jeremías 8:17

Señorta parlallantaj: Qankunaj contraykichejpi wañuchej katarista wach'inasuykichejpaj apachimusaj, chaykunatarí mana yatirispis imanayta atenqankuchu.

Isaías 47:11

Mana, allin llakiypuni qanman jamusonqa. Chaytataj mana yachankichu maymantachus rikhurimusqanta. Mana allin kay chayamusonqa. Chaytataj mana imanayta atinkichu. Mana yuyashajtillayki chay tukuy ima ñak'ariykuna urmaykamusonqa.

Isaías 46:11

Inti llojsimunanmantapacha aycha mikhoj p'isqosta wajyani; karu jallp'amantapacha uj runatapis wajyani pipichus yuyasqayta. Imatachus nisqayta noqaqa chayachimunay tiyan. Imatachus yuyasqaytapis ruwanaypuni tiyan.

Isaías 41:25

Patanejpi uj runata rikhurichini, payqa inti llojsimuymanta jamuspa sutiyta oqharin; kamachejkunataqa t'uruta jina saronqa, imaynatachus manka ruwajqa t'uruta sarun, ajinata.

Eclesiastés 10:8

Uj runa jallp'api jusk'uta allajqa, chayllamantaj urmaykun. Perqasta urmachejtaqa, katari khanenqa.

Isaías 11:13

Efraín aylloj chejnikuynenqa tukukonqa, Judá aylloj enemigosnimpis chinkachisqas kanqanku. Efraín aylloqa manaña Judá aylluta chejnenqachu, nitaj Judá ayllupis Efraín aylluta llakichenqachu.