Habacuc 1:6 - Qheshwa Biblia DC

⁶ Caldeosta guerrapi maqanakunankupajpacha, paykuna sajra runas kanku. Kay pachata uj ladomanta uj ladoman correykachasqallankupuni kanku, wajpaj jallp'asninta dueñochakuspa.

DIOSPA QHELQACHISQAN DEUTEROCANONICAL

⁶ Noqaqa caldeokunata maqanakuman yaykunapaj jina wakichisaj. Paykuna may sajra rumi sonqo kanku, mana khuyakuyniyojtaj. Jinataj kay pachata uj ladomanta uj ladoman purispa, wajkunaj jallp'ankuta qhechunankupaj jinalla kashanku.

DIOSPA QHELQACHISQ

⁶ Noqaqa caldeokunata maqanakuman yaykunapaj jina wakichisaj. Paykuna may sajra rumi sonqo kanku, mana khuyakuyniyojtaj. Jinataj kay pachata uj ladomanta uj ladoman purispa, wajkunaj jallp'ankuta qhechunankupaj jinalla kashanku.

Habacuc 1:6 Referans Kwoze

2 Reyes 24:2

Chanta Señorqa Joacimpa contrampi ashkha soldadosta kachamorqa, caldeosta, siriosta, moabitasta, amonitastawan. Chaykunata kachamorqa Judata chinkachinankupaj, imaynatachus Señorpa palabran kamachisnin profetasninnejta nisqa kasqanman jina.

Jeremías 5:15

Señorqa nillantaj: Israel, contraykipi karumantapacha waj llajtayojkunata pusamusaj, chay llajtayojkunaqa manchay sinch'i runas kanku, may unay runastaj kanku. Qanqa parlayninkuta mana rejsinkichu, nitaj chay nisqasninkuta yachankichu.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Isaías 23:13

Caldeospa jallp'ankuta qhawariy. Kay llajtaqa mana karqachu. Chay llajtataqa Asirios sayacherqanku ch'innejpi tiyakojkunapaj. Paykuna perqasninta perqarqanku; chaymantaqa palaciosninta ruwarqanku, Chaymantaqa paykunallataj thuñispa urmacherqanku.

Jeremías 4:8

Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

Jeremías 4:6

Banderata Sión cheqanejman sayachiychej. Mask'aychej paykunata, amataj sayakuychejchu! Wichay ladomantaqa jatun ñak'ariyta, wañuchinakuytawan apamusaj.

2 Crónicas 36:17

Chaypacha Señorqa Caldeospa reyninta puririchimorqa paykunaj contrankupi, wayna runasninkutataj kikin Diosta yupaychananku wasi ukhupi cuchillowan wañucherqanku, manataj khuyarqachu wayna runasta, nitaj sipas warmistapis, nitaj unay watasniyojkunatapis, nitaj machu runastapis, nitaj allin achachistapis. Señorqa tukuyninkuta paypa makisninman jaywaykorqa.

2 Crónicas 36:6

Babiloniaj reynin Nabucodonosortaj, Joacimpa contrampi jamorqa. Broncemanta watanaswan ch'ipaykukuytawantaj Babiloniaman aparqa.

Jeremías 4:11

Chay p'unchay chayamojtenqa, Jerusalén llajtamanta parlakonqa: Ch'in pampanejmanta q'oñi wayra phukumushan kay aylluynejman. Kayqa mana trigota wayrachinapaj jina allin wayrachu.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

Jeremías 13:20

Ñawisniykichejta oqhariychej, qhawariychejtaj imaynatachus wichaynejmanta jamushasqanta. Maypitaj kashan jap'ichikorqayki chay t'aqari, umaykita oqharichishasorqa chayri?

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

Ezequiel 16:40

Ashkha runas contraykipi oqharikonqanku. Rumiswan ch'anqasuspa, cuchillosninkuwan ima t'ojsisuspataj wañuchisonqanku.

Ezequiel 21:31

Phiñakuyniyta pataykiman urmachimusaj, phiñakuyniyta manchay larwashaj ninaman rijch'akojta pataykiman urmachimusaj. Sajra runaspa makinman t'unaykusunampaj jap'ichisqayki.

Ezequiel 31:12

Waj llajtasniyoj sajra runas payta k'utonqanku, wijch'urpayanqankutaj. Ramasnintaj p'akirasqamanta tukuy lomaspi, vallespi, wayq'ospi, chay jallp'apeqa tukuynejpi wijch'usqas kanqanku. Tukuy llajtastaj llanthumpi tiyakojkunaqa saqerpayaspa riponqanku.

2 Reyes 24:1

Joacimpa p'unchaykunasnimpitaj Babiloniamanta rey Nabucodonosor maqanakoj llojsimorqa, Joacimtaj chay reypata kinsa watata kamachin karqa. Jina kashaspataj paypa contrampi oqharikorqa.

Joel 2:3

Nina jinamin kanku, tukuy imata ruphaykunku. manaraj pasashaspa nina q'olaykunku. Pasaykusqankumantapis q'olashallankupuni. Jallp'aqa, manaraj chay p'unchay chayamushajtenqa, Edén huerto jina karqa. Pasasqanmantawantaj ch'in pampaman rijch'akun. Paykunamantaqa mana imapis ayqekunchu!