Habacuc 1:4 - Qheshwa Biblia DC

⁴ Mana leyman jinachu imapis ruwakun, nitaj respetopis wajpaj kanchu. Sajra kajqa allin kajta chinkachiyta munan, justiciapis q'ewisqa.

DIOSPA QHELQACHISQAN DEUTEROCANONICAL

⁴ Mana kamachisqaykiman jinachu imatapis ruwanku, nitaj pipajpis justicia kanchu. Millay runakunaqa cheqan runakunata qhatiykachanku, ajinamantataj justiciata q'ewinku.

DIOSPA QHELQACHISQ

⁴ Mana kamachisqaykiman jinachu imatapis ruwanku, nitaj pipajpis justicia kanchu. Millay runakunaqa cheqan runakunata qhatiykachanku, ajinamantataj justiciata q'ewinku.

Habacuc 1:4 Referans Kwoze

Salmos 119:126

Kunanqa ruwanayki tiempoña Señor, imaraykuchus kamachisqasniykita mana junt'ankuchu.

Job 21:7

Imaraykutaj juchasapas kausallankupuniri, machuyankutaj tukuy ima kapuyniyojri?

Jeremías 12:1

Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Amós 5:12

Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

Oseas 10:4

Paykunaqa parlanku, parlallankupuni, falsosta prometenku tratosninkumampis sutinkuta qelqaykunku; juicionqa wañuchikoj qhora jina kanqa chay campo chajras surk'usnejpi wiñarin jinata.

Isaías 5:20

Ay, qankunamanta, mana allin kajta allin ninkichej, allin kajtataj mana allinchu ninkichej; k'anchaytaqa laqhaman tukuchinkichej, laqhatataj k'anchayman; Jaya kajta, misk'i ninkichej, misk'i kajtataj jaya ninkichej.

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

Éxodo 23:6

Imachus cheqan kajtaqa, wajcha runa imaynachus kasqantaqa ama q'ewichinkichu qhasi mana kajmanta.

Éxodo 23:2

Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa.

Romanos 3:31

Chantá, feraykuchu leyta qhesachanchej? Mana imaynamantapis qhesachanchejchu, astawanqa leyta sinch'ita sayachinchej.

Hechos 7:59

Chanqashajtinkutaj Estebanqa mañakuspa nerqa: Señor Jesusníy, espirituyta jap'ikapuy, nispa.

Hechos 7:52

Mayqen profetatatajñaupa tatasniykichej, mana qhatiykacharqankuchu ñak'arichinankupaj? Paykuna ñaupajmantapacha, cheqan kaj jamunanta willashajtinku wañuracherqanku. Kunanrí, qankunañataj jap'ichispa payta wañucherqankichej.

Marcos 7:9

Nillarqataj: Diospa kamachisqanta qhesachallankichejtaj, ñaupa tatasniykichejpa yachachisqankuta ruwanaykichejpaj.

Salmos 94:3

Jayk'ajkamataj Señor, jayk'ajkamataj sajra kayniyoj runas kusikonqankuri?

Salmos 59:4

Señor, mana noqa contraykipi oqharikorqanichu, nitaj juchallikorqanichu. Mana ima sajratapis ruwanichu. Chaywampis maqanawankupaj wakichikunku. Rijch'ariy ari, jamuytaj yanapariwaj, qhawaytaj.

Salmos 59:2

Sajra runaspa makisninkumanta libraway. Runa wañuchismanta salvaway.

Amós 5:7

Ay qankunamanta cheqan kajta ajenjo jina jayaman tukuchejkuna. Allin ruwana kajtapis pampaman wijch'unkichej.

Jeremías 26:8

Señorpa kamachisqanmanta parlayta tukojtinkamataj, sacerdotes, profetas, tukuy llajtapi kaj runaspis, kay jinata nispa: Wañunaykipuni tiyan nispa, jap'iykorqanku.

Jeremías 12:6

Kikin wauqesniyki kajkunallamantataj wasanchasunku, qhepaykimantataj phiñasqas qhaparimusunku. Ama paykunapi chhikata atienekuychu, ni misk'i parlaywan parlasojtinkupis.

Salmos 22:16

Alqos jina, uj sajra runas tropa muyuykuwanku, chakisniyta makisniytataj jusk'urawanku.

Salmos 11:3

Rumi cimientos urmajtinri, imatataj cheqan sonqoyoj runa ruwayta atinmanri?

1 Reyes 21:13

Chantataj iskay sajra runas jamorqanku, Nabotpa ñaupaqempitaj tiyaykukuspa chay runasqa, tukuynin runaspa ñaupaqempi llullakuspa jurayta qallarerqanku Nabotpa contrampi, nispa: Payqa Diospa contranta parlan, reypa contrantawan. Llajtamanta jawaman pusaspataj chaypi rumiwan ch'anqaspa wañucherqanku.

Salmos 22:12

Contrariosniy ashkha phiña toros jina muyuykuwanku, Basán nisqamanta phiña toros jina.

Isaías 59:12

Juchasniykoqa ñaupaqeykipi ashkhaman tukun; juchasnillaykutaj mana allin kasqaykuta ch'ataykuwanku; noqallaykuwampuni juchasniykoqa kashan; yachakuykutaj juchayoj kasqaykuta.

Jeremías 8:7

Chay patata phawaj qewiñaspis yachanku, mayk'ajchus kutimpunankuta. Palomas, para p'isqos, chakisapa yaku p'isqospis yachanku mayk'ajchus wajnejman rinankuta. Qanrí, ayllúy, kamachisqasniyta mana yachankichu.