Génesis 8:21 - Qheshwa Biblia DC

²¹ Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

DIOSPA QHELQACHISQAN DEUTEROCANONICAL

²¹ Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

DIOSPA QHELQACHISQ

²¹ Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Génesis 8:21 Referans Kwoze

2 Corintios 2:15

Noqaykoqa, Diospa Cristompata kayku, salvakojkunapaj, chinkajkunapajpis, Cristomanta sumaj q'aparishaj.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Jeremías 17:9

Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

Génesis 6:5

Señor rikorqa runaspa ashkha millay sajra ruwasqasninkuta, qhepamampis tukuy sajrallatapuni ruwayta yuyasqankuta.

Filipenses 4:18

Noqaqa tukuy imata jap'erqaniña. Ashkhaña kapuwan. Junt'asqa kani. Epafroditomanta jap'erqani apachimuwasqaykichejta, k'acha q'apayniyojta jina, allin rikuchikuta jinataj, Diospajtaj allin qhawasqata.

Romanos 3:23

Tukuy runas juchallikusqanrayku, Diospa janaj pacha k'anchayninmanta t'aqasqas kanku.

Ezequiel 20:41

Sumaj q'apaj inciensota jina jap'ikapusqaykichej ch'eqerasqa kashankichej chay jallp'asmanta, llajtasmantawan orqhomuspa tantaykusqaykichej, chantapis qankunanejta llimphu kasqayta, tukuy jallp'aspi kaj runasman rikuchisaj.

San Mateo 15:19

Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima.

Levítico 1:13

Chanta chay runa mayllanqa, uywaj ch'unchulasninta, chakisnintapis. Chaymantataj sacerdoteqa, tukuy chaykunata ruphachenqa altar patapi. Chay ruphachispa jaywasqampa q'apaynenqa Señorpaj allin kanqa.

Eclesiastés 7:20

Chaywampis kay jallp'a patapeqa mana uj runallapis cheqan runaqa kanchu, nitaj mana jayk'aj juchallikuspa cheqantapuni ruwaj kanchu.

Levítico 1:9

Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Génesis 3:17

Qharimantaj nerqa: Warmiykita kasusqaykirayku, chay sach'aj poqoyninta amapuni mikhunkichu mikhuspa nerqani chayta, kunanqa jallp'a maldicisqa kanqa; ancha ñak'ariywantaj poqochinki mikhunaykipaj tukuy kausayniykipi.

San Juan 3:6

Aychamanta nacejqa, aychamin; Espiritumanta nacejpis, espiritumin.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Salmos 58:3

Sajra runasqa mamankoj wijsanmantapacha sajrapuni kanku. Nacekusqankumantapacha runasqa llullata parlaspa, cheqan ñanmanta pantankuña.

Salmos 51:5

Paqarikusqaymantapacha sajra kani. Mamaypa wijsanmantapacha sajra kani.

1 Juan 5:19

Yachanchej Diosmanta kasqanchejta, mundontintaj supaypa atiynimpi kasqanta.

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

Jeremías 18:12

Paykunaqa nisonqanku: Ama tiempoykita usuchiychu. Noqaykoqa munasqaykuman jina kausakullasqayku, qhatillasqaykupunitaj rumi sonqoykupi sajra yuyasqasniykumanjina, nispa.

Proverbios 20:9

Ni pipis niyta atinchu: Noqaqa llimphu sonqoyoj kani, mana ima juchayojtaj nispaqa.

Job 14:4

Pitaj chay jina ch'ichimanta llimphuchanmanri? Ni pipis atinchu.

Levítico 1:17

Chay lijrayojtaqa khuskanninmanta p'akenqa mana iskayman t'aqaspa. Sacerdotetaj chay p'isqotaqa altarpi llant'a patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Éxodo 29:25

Makinmanta mañaytawantaj altarpi ruphachiy, rikuchikustawan khuska, Señorpa ñaupaqempi sumajta q'aparishajta. Chay ofrendaqa Señorpaj may sumajpuni kanqa.

Éxodo 29:18

Jinaytawantaj tukuynin aychasninta altar patapi ruphachinki uj rikuchikuta jina sumaj q'apashajta Señorpa munasqanman jina, uj ofrendata Señorman jaywaspa.

Génesis 6:17

Noqa jatun parata parachimusaj yakoqa mundota p'ampanankama, mundopi tukuy kausajkunata chinkachinampaj. Jallp'a patapi tukuy ima kausajkuna wañonqanku.

Jeremías 8:6

Uyarishasqayman jinaqa mana pitapis, juchanmanta Diosman kutirikusqanta uyarinichu, manataj sut'ita ninchu, imata ruwasqaniri?, nispaqa. Tukuyninku ñanninta sinch'ita juyñarinku, maqanakupi jakiman kacharisqa caballos jina.

Isaías 65:6

Chaywampis uj qelqasqa noqaj ñaupaqeypi kashan, chaypitaj nishan, manapuni ch'enqa kasajchu, mana chayqa t'inkaykita qopusqayki, mashkhachus pagoyki kashan chayta, nispa.

Isaías 48:8

Arí, kay imasmantaqa mana jayk'ajpis uyarerqankichu, manataj yacharqankichu chay imasmantaqa. Cheqamanta ñaupajtaqa mana uyariyta munajchu kanki. Noqaqa yacharqanipuni qanqa wasanchanawaykita. Chaynejta nacesqaykimantapacha mana kasukojpaj rejserqayki.

Isaías 47:15

Ajina kanqa chay layqaswan, sipas kasqaykimantapacha kausakorqanki chaykunawan. Chay runasqa sapa ujninku munasqankuman jina millay ñanninkuta purerqanku. Kunanqa mana pipis salvasojqa kanchu.

Isaías 47:12

Kunanqa yatirisniykiwan layqasniykiwan, ima, kallaypuni. Chaykunata qanqa ruwachej kanki sipas kasqaykimantapacha. Ichapis allin risonqa, ichapis runaswan allimpi qhawachikuwaj ari.

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

Génesis 5:29

Chaytaj karqa Noé, imaraykuchus nerqa: Dios maldicin jallp'ata, llank'ananchej tiyan atiy mana atiyta, chaymanta kay wawa samarichiwasun.

Génesis 4:12

Kunanqa llank'ashajtiykipis jallp'aqa manaña poqosqanta jinachu poqonqa. Qanqa mundontimpi muyuskiri kanki, mana jayk'aj samarikuyta tarejtaj.

Génesis 6:7

Señorqa nerqa: Jallp'a patamanta q'alata chinkachisaj kay ruwasqasniy runasta; jinallataj uywasta, pampata qhatatakojkunata, p'isqostawan. Anchata pesachikuni kaykunata ruwasqaymanta.

Levítico 4:31

Chaymantaqa cabraj tukuy wirasninta wirachanqa, imaynatachus ruwanku allinyakuy rikuchiku wirawan ajinata. Sacerdoteqa ajinamanta chay rikuchikuta jaywanqa, chay runaj juchasninmanta. Juchasnintaj pampachasqa kanqa. Chay ruphachispa jaywasqampa q'apaynenqa Señorpaj allin kanqa.

Levítico 8:28

Chaymantataj Moisesqa makisninkumanta chaykunata jap'iytawan altarpi ruphacherqa, rikuchiku uywatawan khuska. Chayqa uj rikuchiku Señorpaj t'aqasqas kasqankumanta. Chay ruphachispa jaywasqampa q'apaynenqa Señorpaj allin karqa.

1 Samuel 26:19

Noqa mañayki qan reyniyta noqa kamachiykita uyarinawaykita. Señorchus noqaj contraypi kanaykita nisorqa chayqa, jap'ichun rikuchikuta jaywasqayta. Runasllamantachus kanman chayri, Señor paykunata maldicichun. Paykunaqa Señorpa llajtanmanta wijch'uwanku, chaywantaj waj dioskunata yupaychanayta munaspa jinanku.

Salmos 58:4

Kataris jina venenoyoj kanku. Joq'araman tukoj sierpe kataris jina kanku.