Génesis 8:20 - Qheshwa Biblia DC

²⁰ Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

DIOSPA QHELQACHISQAN DEUTEROCANONICAL

²⁰ Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

DIOSPA QHELQACHISQ

²⁰ Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

Génesis 8:20 Referans Kwoze

Romanos 12:1

Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa.

Génesis 22:9

Maymanchus Dios nerqa Abraham rinanta, chayman chayaspataj Abrahamqa uj altarta ruwarqa Diospaj, chaymantaj llant'a apasqanta churarqa. Llant'a patamantaj Isaac wawanta wataykuspa winkuykucherqa altar patapi.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

Hebreos 13:10

Kapuwanchej uj altar, chaypi mana mikhuyta atinkuchu yupaychana tabernáculo rikuchikuta jaywajkunaqa.

Éxodo 10:25

Moisestaj kuticherqa: Qan kikiyki qonawayku tiyan uywasta rikuchikuta jaywaspa Señor Diosniykuman ruphachimunaykupaj.

Génesis 35:7

Chaypi ruwarqa uj altarta, suticharqataj Betelta chay cheqata. Imaraykuchus Dios rikhurerqa wauqen Esaumanta ayqekushajtin chay cheqapi.

Génesis 35:1

Dios nerqa Jacobman: Jatarikuy, Betelman tiyakoj ripuy. Chaypi uj altarta ruwanki, wauqeyki Esaumanta ayqeshajtiyki rikhurisorqa chay Diospaj.

Génesis 33:20

Jinaspataj uj altarta ruwarqa, suticharqataj El-Elohe-Israelta.

Génesis 26:25

Isaacqa jaqaypi uj altarta ruwarqa, chaypi mañakunampaj Señorpa sutimpi. Chaynejpi jarakuspa toldota sayachikorqa, kamachisnimpis uj yaku pujyuta allachillarqataj.

Génesis 13:18

Jinamanta Abramqa toldonta oqharispa riporqa Mamre runaj encinas sach'arara jallp'anman, Hebrón llajta qayllaman. Chaypi uj altarta Señorpaj ruwarqa.

Génesis 13:4

Chayqa karqa maypichus ñaupajta altarta ruwarqa chay. Chaypi Diosmanta mañakorqa, Señorpa sutinta oqharispa.

Génesis 7:2

Tukuy llimphupaj qhawasqa uywasmanta churay qanchis china orqosta. Mana llimphupaj qhawasqa kajkunamantarí uj china orqollata churanki.

Génesis 4:4

Abelpis apallarqataj Señorman jaywanata ovejasninmanta uj sumajnin kajta, kuraj kaj uñasmanta. Señortaj may kusisqa Abelta qhawarerqa, jinallatataj oveja apasqan jaywanantapis.

Génesis 22:2

Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

Génesis 8:19

Jinallataj llojserqanku tukuy uywas, monte animales, pampata qhatatakojkuna, tukuy lijrayoj animales ima.

Job 1:5

Chay fiestasta tukojtinkutaj Jobqa wawasninta wajyaspa, tutamanta jatariytawan uj uywata ñak'aspa Señorpaj q'olacherqa, sapa ujninku juchasninkumanta llimphuchakunankupaj. Chayta Jobqa ruwajpuni, ichapis wawasniy chay fiestankupi sonqosninkupi Diospa contranta juchallikunku, nispa.

Génesis 7:3

Jinallataj phawaykachajkunamantapis qanchis china orqostakama, sapa layamanta, jallp'a patamanta ama chinkanankupaj.

Éxodo 29:18

Jinaytawantaj tukuynin aychasninta altar patapi ruphachinki uj rikuchikuta jina sumaj q'apashajta Señorpa munasqanman jina, uj ofrendata Señorman jaywaspa.

Éxodo 29:25

Makinmanta mañaytawantaj altarpi ruphachiy, rikuchikustawan khuska, Señorpa ñaupaqempi sumajta q'aparishajta. Chay ofrendaqa Señorpaj may sumajpuni kanqa.

Números 7:21

Chanta qollarqataj uj waka uñata, uj carnerota uj watayoj corderota sumaj q'apashajta Señorman ofrendata jaywanampaj.