Génesis 5:22 - Qheshwa Biblia DC

²² Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis.

DIOSPA QHELQACHISQAN DEUTEROCANONICAL

²² Enocqa Diospa munayninta ruwaspa kawsarqa. Matusalén paqarisqanmanta qhepata, Enocqa 300 watatawan kawsarqa, wawankunataj qharikuna, chantá warmikuna ima karqankuraj.

DIOSPA QHELQACHISQ

²² Enocqa Diospa munayninta ruwaspa kawsarqa. Matusalén paqarisqanmanta qhepata, Enocqa 300 watatawan kawsarqa, wawankunataj qharikuna, chantá warmikuna ima karqankuraj.

Génesis 5:22 Referans Kwoze

1 Tesalonicenses 2:12

Umachajtaj kayku, Diospa wawasnin jina purinaykichejta; payqa wajyasorqachej reinonman, k'anchayninmantaj.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

Malaquías 2:6

Leví yachacherqa cheqa kajta, simimpitaj mana sajra rimay karqachu. Pay kausakorqa noqawan uj sonqolla, cheqan kajpitaj; ashkha runastataj sajra ruwaymanta t'aqamorqa.

Génesis 6:9

Kay jina karqa Noepa kausaynin: Noeqa cheqan karqa, sumaj runataj chay tiempo runa mita ukhupi, Diosta kasuspapuni. Ajinaqa pay k'atalla Diospa munasqanta ruwarqa.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Salmos 116:9

Noqaqa Señorpa ñaupaqempi purisaj, kay pachapi kausaj runaspa chaupimpi.

Levítico 26:12

Noqa qankunaj chaupiykichejpi purisajpuni Diosniykichej kasaj, qankunataj noqaj aylluy kankichej.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

Efesios 5:15

Allinta qhawakuychej imaynatachus purisqaykichejta, amataj mana yuyayniyoj wampus jinaqa, manachayrí, yachayniyojkuna jina.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Génesis 24:40

Paytaj niwarqa: Noqa purini Señorpa ñannimpi, pay kachamusonqa uj angelninta, kay risqaykipi allin risunampaj. Uj warmita pusampuwanki aylluy ukhumanta, tataypa ayllunmanta.

Colosenses 4:5

Allin yachaywan puriychej mana creejkunawan, ama tiempota usuchispa.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Romanos 8:1

Kunanqa mana ima juchachaypis kanchu, Cristo Jesuspi kajkunapaj; [pikunachus mana purinkuchu aychaman jina, astawanqa Espirituman jina.]

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.

Miqueas 4:5

Waj llajtakunaqa kasunku kikin lantisnillankuta, jinapis noqanchejqa kasusunchejpuni Señor Diosninchejta.

Amós 3:3

Iskay khuskallapuni purinku chayqa, uj yuyaylla kasqankurayku purinku.

Oseas 14:9

Tukuy yachayniyojkuna, yuyayniyojkunapis kay willaymanta entiendechunku: Señorpa munakusqasnenqa cheqankunamin, justostaj chayta qhatinku; pero chay sajrata ruwajkunarí, paykunapi misk'akuspa urmanqanku.

TAKIYKUNA 1:4

Pusarikuway ari; iskayninchej khuska risunchej. Reyníy, wasiykiman pusakapuwan ari. Qanwan may kusiywan kusikusunchej; chaypitaj yuyarisunchej munakuwasqaykimanta, vinomantapis aswan misk'i chayta. Chayrayku qanta sipaskunaqa mayta munakusunku.

Salmos 128:1

Kusikuyniyojmin kanku tukuy runas Diosta kasojkunaqa, kamachisqasnintataj ruwajkunaqa.

Salmos 86:11

Señor ñanniykita yachachiway. Noqa chaynillantapuni purinaypaj, sonqoytaj sutiykita waqaychan.

Salmos 56:13

wañuymanta salvawasqaykirayku. Urmanaymanta librawarqanki, chaywan kausay k'anchaypi purinaypaj, Diospa ñaupaqempi.

Salmos 26:11

Chaywampis, kausayneyqa mana ch'ichiyoj kashan; libraway, khuyakuytaj noqamanta.

Salmos 16:8

Señorpipuni yuyani; pay pañaypi kajtin, mana imapis urmachiwanqachu.

1 Reyes 2:4

Señor junt'anampaj chay tukuy ima niwasqanta: Sichus wawasniyki ñankunasniypi allinta purinkuman chayqa, ñaupaqeypitaj cheqa kajta ruwaspa, tukuy sonqonkuwan tukuy yuyayninkuwantaj chayqa, ni jayk'aj faltanqachu Israelpa tronompi qampa uj qhari wawayki.

Deuteronomio 28:9

Sichus kamachisqasninta sumajta waqaychankichej, ñannintataj allinta purinkichej chayqa, Señor Diosniykichej ajllasqa ayllunta jina tukuy imapi sumajta qhawasonqachej, nisusqaykichejman jina.

Deuteronomio 13:4

Qankunaqa Señor Diosniykichejpa qhepantapuni puriychej. Payta manchachikuychej, kamachiykunasninta junt'aychej. Paypa parlasqanta uyariychej; Payta yupaychaychej; Paywampuni ujchasqas kaychej.

Deuteronomio 5:33

Qankunaqa rillaychejpuni ima ñantachus Señor Diosniykichej rikuchisunkichej chayta, allin rinasuykichejpaj, unay watastataj kausakunaykichejpaj ima jallp'atachus jap'ikunkichej chaypi.

Éxodo 16:4

Chaymanta Señorqa Moisesman nerqa: Noqa t'antata parachimusaj patamanta. Israelitasqa sapa paqarin jatariytawan pallakonqanku, mashkhatachus uj día mikhunanku chaypaj jinalla. Chaypi yachasaj piskunachus kamachisqasniyta kasuwanku, manachus chayta.

Génesis 5:24

Enoc Diospa munayninman jinapuni kausasqanrayku uj p'unchay chinkaporqa, imaraykuchus Dios pusakaporqa.

1 Corintios 7:17

Imaynatachus sapa ujman Señor qosqanman jina, sapa ujtataj Dios imaynatachus wajyarqa, ajinata ruwachun. Kayta kamachini tukuy iglesiasman.

Génesis 5:21

Enoc sojta chunka phishqayoj watasniyoj karqa Matusalén wawan naceshajtin.

Génesis 5:23

Tukuynimpi Enocqa kausarqa kinsa pachaj sojta chunka phishqayoj watasta.