Génesis 49:8 - Qheshwa Biblia DC

⁸ Judá, wauqesniykeqa mayta alabasonqanku. Enemigosniykita much'usninmanta jap'inki. Kikin wauqesniyki qanman k'umuykusonqanku.

DIOSPA QHELQACHISQAN DEUTEROCANONICAL

⁸ Judá, wawqeykikuna mayta jatunchasonqanku. Qan awqaykikunata kunkankumanta jap'inki, wawqeykikunatajrí qanman k'umuykusonqanku.

DIOSPA QHELQACHISQ

⁸ Judá, wawqeykikuna mayta jatunchasonqanku. Qan awqaykikunata kunkankumanta jap'inki, wawqeykikunatajrí qanman k'umuykusonqanku.

Génesis 49:8 Referans Kwoze

Hebreos 7:14

Yachakun Señorninchejqa Judajpa ayllunmanta jamusqan. Chay ayllumantaqa mana imatapis Moisés, sacerdocio jawa parlarqachu.

Génesis 27:29

Ashkha runas kamachisniyki kachunku, naciones ñaupaqeykipi qonqorikuchunku. Wauqesniykita kamachiy; mamaykej wawasnin qonqorikusuchunku. Maldicisojkunaqa maldicisqas kachunku, bendicisojkunataj bendicisqas kanqanku.

Josué 10:24

Josuejpa ñaupaqenman pusamojtinkutaj, Josueqa israelitasmanta tukuy qharista wajyarqa; paywan jamorqanku chay kurajkunamantaj nerqa: Qayllamuychej, kay reyespa kunkanman chakisniykichejta churaychej, nispa. Paykunataj qayllaykuytawan chay reyespa kunkasninman chakisninkuta churarqanku.

Deuteronomio 33:7

Judamantataj nerqa; Señor, uyariy Judá parlasusqanta; waj Israel aylluswan tantachichiy. Atiyniykiwan tukuy sajramanta jark'ay. Enemigosninwan maqanakushajtin yanapay.

Génesis 29:35

Aswan qhepaman Leaqa wawayojllataj karqa, suticharqataj Judata. Chaymantataj nerqa: Kunanqa Señorta yupaychasaj, nispa. Chaymantaqa alqarqa wawayoj kayta.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 5:5

Kuraj runasmanta ujnintaj niwarqa: Ama waqaychu. Judaj ayllunmanta Leonqa, Davidpa saphin, atiparqa kicharinampaj librota, qanchis sellosnintawan.

Hebreos 10:13

Chaymantapacha suyashan enemigosnin chakisnin uraman churasqa kanankukama.

Ezequiel 21:29

Mosqoypi jina rikusqankoqa qhasilla kanku, willarasusqampis llullaslla kanku. Chay espadaqa sajra kaspa runasta wañuchinku chaykunaj kunkanman qholuranampaj urmanqa. Paykunata jasut'inapaj p'unchaynenqa chayamunña, sajra imasta ruwanasnin tukukunampaj.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Salmos 76:1

Diosninchejqa Judapi rejsisqa, sutintaj Israelpi may mentasqa.

2 Crónicas 30:11

Chaywampis wakin runas Aser ayllumanta kajkuna, Manasesmanta kajkuna, Zabulonmanta kajkunapis sonqonkuta llamp'ucharqanku, rerqankutaj Jerusalenman.

2 Crónicas 17:2

Judapi tukuynin jark'achisqa llajtaspi, soldadosta churarqa, tukuynin Judá jallp'api qhawanankupaj, Efraín llajtaspipis, tatan Asa qhechurasqa chaykunapi.

2 Crónicas 15:9

Chaymantataj tantacherqa tukuy Judamanta, Benjaminmanta kajkunatawan, jinataj Efrainmanta jamojkunata, Manasespamanta jamojkunatawan, Simeompamanta jamojkunatawan. Chaypacha ashkha israelitasmanta Asajman pasakapusqanku, yachaspa Señor Diosninku paywan kashasqanta.

2 Crónicas 14:8

Asajtaqa tiyaporqa Judamanta kajkuna sumaj armasqas kinsa pachaj waranqa soldados. Paykunaqa escudosta, lanzastawan jap'irisqas karqanku. Benjamimpa ayllunmantataj iskay pachaj pusaj chunkayoj waranqas soldados karqanku, paykunapis escudosta, arcostawan jap'irisqas karqanku. Tukuy paykunaqa may wapu soldados karqanku.

2 Samuel 24:9

Joabqa reyman jaywarqa mashkhachus runas chay yupasqankuman jina kasqanta, yachakorqataj Israel ayllupeqa tukuynimpi kasqankoqa pusaj pachaj waranqa qharis maqanakuman rinankupaj jina, Judá ayllupitaj phishqa pachaj waranqa qharis kasqanku.

2 Samuel 22:41

Qan enemigosniyta ñaupaqeymanta ayqecherqanki; ajinamanta chejnikuwajkunata tukucherqani.

2 Samuel 5:3

Chaypacha Israelmanta tukuy kurajkunas rerqanku parlarqankutaj Hebrompi rey Davidwan, paytaj uj tratota ruwarqa jamorqanku chay runasninwan, Señorpa ñaupaqempi. Chaypacha Davidta umanman aceitewan jawispa ajllarqanku tukuy Israel ukhupi rey kanampaj.

Jueces 20:18

Israelitasqa Betelman rerqanku, chaypitaj Diosta tapurerqanku ima aylluchus Benjaminwan ñaupajta maqanakoj rinanta. Señortaj kutichispa nerqa Judaraj ñaupajta rinanta.

Números 26:22

Tukuynimpi Judaj miraynenqa karqa qanchis chunka sojtayoj waranqa phishqa pachajniyoj qharis.

Números 10:14

Ñaupajta purirerqanku Judá ayllumanta kaj soldados wiphaylankuta oqharikuspa. Paykunatataj kamachejninku jina pusarqa Aminadabpa wawan Naasón.

Génesis 46:12

Judaj wawasnin karqanku: Er, Onán, Sela, Fares, Zara ima. Chaypacha Canaán jallp'api wañusqasña karqanku Erwan, Onanwan. Farespa wawasnin karqanku Hezronwan, Hamulwan.

Génesis 42:6

Chaypacha Joseqa Egiptopi kamachisharqa, trigotataj tukuynejmanta jamojkunaman vendesharqa. Wauqesnintaj chayaytawan ñaupaqenman qonqoriykukorqanku, pampaman umankuta chayachinankukama.

Números 26:20

Judaj familianmanta mirajkunaqa kaykuna karqanku: Salamanta, Faresmanta, Zaramantawan.

1 Crónicas 28:4

Chaywampis, Israelpa Señor Diosnenqa, tukuy aylluy ukhumanta ajllawarqa Israelpaj wiñaypaj reynin kanaypaj. Pay ajllarqa Judá aylluta kamachej ayllu kanampaj. Judá ayllumantataj noqaj wasi aylluyta ajllarqa, wauqesniy ukhumantataj noqata, tukuy Israel jallp'amanta rey kanaypaj ajllawarqa.

Josué 15:20

Kay jallp'as karqanku Judáj ayllumpa chayaqesninku mashkhachus kasqankuman jina.