Génesis 49:6 - Qheshwa Biblia DC

⁶ Mana jayk'ajpis kayta munanichu tantakuyninkupi! Phiñasqa kashaspa runata wañucherqanku; allin sonqonkupi kashaspataj torosta cojosta saqerqanku.

DIOSPA QHELQACHISQAN DEUTEROCANONICAL

⁶ Tantakojtinku, mana paykunawan khuska kayta munanichu, nitaj sutiy p'enqayta ruwasqankupi rikhurichunchu, imajtinchus phiñasqa kashaspa, runakunata wañucherqanku. Phiñasqa kasqankuwan apachikuspataj, torokunaj ankunkuta p'iterqanku.

DIOSPA QHELQACHISQ

⁶ Tantakojtinku, mana paykunawan khuska kayta munanichu, nitaj sutiy p'enqayta ruwasqankupi rikhurichunchu, imajtinchus phiñasqa kashaspa, runakunata wañucherqanku. Phiñasqa kasqankuwan apachikuspataj, torokunaj ankunkuta p'iterqanku.

Génesis 49:6 Referans Kwoze

Génesis 34:30

Jacobtaj Simeonman Levimanwan nerqa: Kunanqa qankuna mana allinman churaykuwankichej. Kaynejpi tukuy tiyakojkuna, cananeos, fereseos ima chejnikuwanqanku. Tantaykukuspataj noqaj contrayta muyuykamuwanqanku, pisi runasniyojta rikuwaspataj wañuchiwanqanku, jinallataj familiaytapis.

Salmos 26:9

Juchasapastawan khuskaqa ama wañuchiwaychu, runa wañuchistawan khuskapis ama jasut'iwaychu.

Salmos 16:9

Chayrayku, sonqoy ukhupi may kusisqa kani. Tukuy ukhuy qampi suyaspa samarikonqa.

2 Corintios 6:14

Ama yugopi jina tantakuychejchu ch'ulla ch'ulla, Diospi mana creejkunawan. Kunanqa, imata ruwanan tiyan cheqa kaj, sajra kajwanri? Chayrí, imaynatataj k'anchayqa laqhawan chajrukonqari?

San Lucas 12:19

Almaymantaj nisaj: Almáy, kunanqa ashkhaña tiyapusunki kapuyniyki, sumaj jallch'asqa unay wataspaj; samarikullayña, mikhuy, ujyay, kusikuytaj, nispa.

Jeremías 15:17

Mana khuskachakuyta aterqanichu, pikunachus kusikuyllawan yuyanku chaykunawanqa, qan noqata jap'ikapuwasqaykimantapacha, sapallaypuni kausakuni, imaraykuchus phiñakuyniykiwan junt'achiwarqanki.

Jeremías 4:19

Nanaywan q'ewiykachakuni; sonqoy aswan sinch'ita tiseqeyarin. Sonqoy t'impushan, mana ch'in kakuymanchu. Pututoj waqayninta uyarini, maqanakupi qhaparqachaytawan.

Salmos 64:2

Pakaykuway sajrakunamanta, pakayllapi wakichikusqasninkumanta. Libraway contraypi oqharikojkunamanta.

Salmos 57:8

Rijch'ariy ari, almáy, rijch'ariy arpa, guitarra. Sut'iyamuyta rijch'arisaj.

Proverbios 12:5

Cheqan runasqa cheqan imaspipuni yuyanku; sajra runastaj, ch'aukiyayllapi yuyanku.

Proverbios 1:11

Ichapis nisonqanku: Noqaykuwan jaku rinachej; tojllata churanachej mana juchayojta chaypi wañuchinapaj.

Salmos 139:19

Diosníy, sajra runaspa kausayninta qhechuy, noqamanta runa wañuchista karunchay.

Salmos 103:1

Tukuy sonqoywan Señorta yupaychasaj; tukuy kayniywan santo sutinta yupaychasaj.

Salmos 43:5

Imaraykutaj q'enaqakuymanri? Imaraykutaj t'ukuspalla kaymanri? Diosniypi suyayniyta churani. Diosta yupaychasajraj. Paymin Salvawajniy Diosneyqa.

Salmos 42:11

Imaraykutaj q'enaqakuymanri? Imaraykutaj t'uruspalla kaymanri? Suyayniyta Diospi churani. Diosta yupaychasajraj. Paymin Salvawajniy Diosneyqa.

Salmos 42:5

Imaraykutaj q'enaqakuymanri? Imaraykutaj t'ukuspalla kaymanri? Suyayniyta churani Diospi. Diosta yupaychasajraj. Paymin Salvawajniy Diosneyqa.

Salmos 30:12

Chayrayku, Señor Diosníy, mana ch'in kayta atiymanchu. Yupaychasuspa takisajpuni wiñaypaj wiñaynintinkama.

Salmos 28:3

Ama sajrastawan khuskataqa qhatatiwaychu, amataj millaykunata ruwajkunatawampis purichiwaychu. Uyapuraqa misk'i simis kanku, sonqonkupitaj sajras kanku.

Salmos 5:10

Diosníy, paykunata wanachiy ari: imatachus yuyasqankuta pantachiy: anchata juchallikusqankurayku, ñaupaqeykimanta qharqoy; imaraykuchus contraykipi oqharikorqanku.

Salmos 1:1

Kusikuyniyojmin runaqa sajra runaspa yuyaychasqankuta mana jap'ejqa, juchasapaspa ñanninkutapis mana qhatejqa, Diosmanta asikojkunawampis mana khuskachakojqa.

Jueces 5:21

Wayq'o, ñaupa wayq'o, Gisón nisqa wayq'o, tukuy paykunata picharparerqa. Kallpayojkunajpa kunkanta qan q'allpirparinki.

Deuteronomio 27:24

Maldicisqa kachun runa masinta pakayllamanta maqaspa wañuchejqa. Tukuy israelitastaj nenqanku: Ajina kachun, nispa.

Josué 11:9

Josueqa Señorpa kamachisqanman jina junt'arqa: Caballospa chakisninta p'akirarqa, jinallataj caballospa qhatatinan carrostapis ninawan kanaykorqa.

2 Samuel 8:4

Chaykunamanta Davidqa presocharqa waranqa qanchis pachajniyoj caballopi maqanakojkuna soldadosta, jinataj chakillapi purejkuna soldadosmantataj iskay chunka waranqasta, chay jawaqa carrosta qhatatasharqanku chay caballospa chakisninkuta p'akirpararqa, pachaj carrospaj jinalla caballosta puchorqa.

1 Crónicas 18:4

Davidqa paykunamanta maqanakupaj nisqa waranqa carretasta qhechorqa, presostataj jap'ikaporqa qanchis waranqata, caballospi soldadosmanta, chakipi rejkuna soldadosmantataj iskay chunka waranqasta; chay jawataj chay maqanakuman rina carretasta qhatataj caballosta chakisninta p'akirarqa. Pachaj carretasta qhatatinankupaj jinalla caballostaqa mana wañucherqachu.