Génesis 48:21 - Qheshwa Biblia DC

²¹ Chaymantataj Joseman nerqa: Qhaway, noqaqa wañupusajña, Dios qankunawan kanqa. Payllataj kutichisonqachej ñaupa tatasniykichejpa jallp'anman.

DIOSPA QHELQACHISQAN DEUTEROCANONICAL

²¹ Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

DIOSPA QHELQACHISQ

²¹ Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

Génesis 48:21 Referans Kwoze

Génesis 50:24

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

Génesis 46:4

Noqa qanwan Egiptoman uraykusaj; noqallataj qhepaman mirayniykita orqhuspa kutichimusaj kayman. Chantapis wañojtiyki Joseyki qayllaykipi kanqa.

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

Génesis 26:3

Kunanraykoqa kay jallp'allapiraj tiyakushay. Noqa qanwan kasaj, bendicisqaykitaj. Qanman, mirayniykimanwan kay jallp'asta qosqaykichej. Ajinamanta junt'asaj tatayki Abrahamman imatachus qosqayki nerqani chayta.

Hebreos 7:3

Mana tatayoj, mana mamayoj, mana aylluyoj kaspa, p'unchayninmantapis mana qallariynin kanchu, nitaj kausayninmantapis tukukuynin, Diospa Churinman rijch'akuspa, sacerdote churasqa wiñaypaj.

2 Pedro 1:14

Yachakuniña pisi p'unchaymantawan kay aycha cuerpoyta saqepunayta. Señorninchej Jesucristopuni jinata sut'inchawan.

Hebreos 7:8

Cheqamanta, kaypi diezmota jap'ejkunaqa, wañoj runas kanku. Jaqaypirí yachakun diezmota jap'ej Melquisedecqa, kausashallasqantapuni.

2 Timoteo 4:6

Noqaqa rikuchiku jina Diosman jaywasqa kanay tiyan. Wañuyniy qayllapiña kashan.

Hechos 13:36

Davidqa, kausanankama Diospa munayninman jina runa masisninta yanaparqa. Wañojtintaj, ñaupa tatasnimpa qayllampi p'amparqanku, ismorqataj.

Salmos 18:46

Kausachun Señorqa; waqaychawaj bendicisqa kachun. Salvawajniy Diosneyqa jatunchasqa kachun.

Josué 23:14

Noqaqa wañuy patapiña kani, amaraj wañupushaspataj yachanaykichejta munani tukuy sonqo, tukuy alma ima allin imastachus Señorqa nerqa qonasuykichejta, chaykuna junt'akusqanta. Ni ima palabrasnimpis qhepakunchu mana junt'akuspaqa.

Josué 3:7

Señortaj Josueman nerqa: Kunan p'unchaymantapacha may sumaj runata ruwasqayki israelitaspa ñaupaqempi. Ajinapi paykuna yachanqanku noqa qanwampuni kasqayta, imaynatachus Moiseswan karqani jinata.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Josué 1:5

Tukuy kausayniykipi mana pipis atipasonqachu. Noqa qanwan kasaj, imaynatachus Moiseswan karqani ajinata, manataj ni jayk'ajpis sapaykita saqesqaykichu.

Deuteronomio 31:8

Señorqa ñaupaqeykita renqa, qanwantaj kanqa. Payqa qhawasonqapuni, manataj saqerpayasonqachejchu. Qanqa ama manchachikuychu, nitaj kharkatitiychu.

Génesis 37:1

Jacobtaj tiyakorqa Canaán jallp'api, maypichus tatan tiyakorqa chaypi.

Génesis 15:14

Pichus chay jinata ruwaj llajtata jasut'isaj, mirayniykitaj ashkha imas aparisqa llojsenqa.

Génesis 12:5

Pay riporqa warmin Saraita, sobrinon Lottawan pusariykukuspa. Jinallataj Harampi kashaspa mashkha runastachus jap'erqa chaytawan, tukuy imasnintawan apariykukuspa; Canaán jallp'amantaj chayarqanku. Chaymanta Abramqa rillarqapuni Siquem jallp'aman chayanankama, More vallepi maypichus encina sach'a karqa chayman. Chay jallp'aspitaj cananeos tiyakusharqanku.

Deuteronomio 30:3

Chaypacha Señor Diosniykichejqa kutichimonqa karu llajtasman apasqasta, khuyakusonqachejtaj. Ujtawantaj tantamusonqachej chay tukuy nacionesmanta, maykunamanchus wijch'usorqachej chaykunamanta, kay mundoj cantonkamapis ch'eqerasqa kashajtiykichej. Chaykunamantapacha Señor Diosniykichejqa kutirichimusonqachej.

Génesis 15:16

Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.

Génesis 47:29

Uj día Israelqa wañupoj jina kaspa, José wawanta wajyachimorqa ninampaj: Sichus qan cheqamanta noqata khuyayta munawanki chayqa, makiykita ukhuyman churaspa juray ari, imatachus nisusqayta ruwanaykipaj. Qanqa wawáy, ama ari kay Egiptopi p'ampawankichu.

Génesis 50:6

Faraontaj nerqa: Riy ari, tataykita p'ampaykakampuy, imaynatachus pay kamachisusqanman jina.