Génesis 47:9 - Qheshwa Biblia DC

⁹ Jacobtaj nerqa: Ujnejmantaj ujnejmantaj purisqaypi pachaj kinsa chunka watasniyojña kani. Chayqa pisillaraj, mana allin watastaqa manaraj rikunichu tukuy kausayniypi, ñaupa tatasniy rikusqanku chaytaqa manaraj rikunichu.

DIOSPA QHELQACHISQAN DEUTEROCANONICAL

⁹ Jacobtaj faraonta nerqa: Kayman jaqayman purispa kasqayqa ña 130 wataña kashan. Pisilla chaypis, kawsayneyqa llakiylla karqa. Chaywanpis ñawpa tataykuna mashkha unaytachus kawsasqankumanqa niraj chayanirajchu, nispa.

DIOSPA QHELQACHISQ

⁹ Jacobtaj faraonta nerqa: Kayman jaqayman purispa kasqayqa ña 130 wataña kashan. Pisilla chaypis, kawsayneyqa llakiylla karqa. Chaywanpis ñawpa tataykuna mashkha unaytachus kawsasqankumanqa niraj chayanirajchu, nispa.

Génesis 47:9 Referans Kwoze

Salmos 39:12

Señor, mañakusqasuyta uyariway. Waqaspa mañakusqasuyta uyariway. Waqasqayta rikuspa ama ch'inlla kaychu. Qampajqa waj llajtayoj jina kani, ripoj p'isqo jina, ñaupa tatasniy jinataj.

Génesis 35:28

Chaypacha Isaacqa pachaj chunkayoj watasniyoj karqa.

Salmos 39:5

Ancha pisi kausayllata qan qowanki. Kausayneyqa ñaupaqeykipi mana imachu. Tukuy runaspa kausaynin uj samay jinalla.

Job 14:1

Warmimanta nacesqa runaqa, pisillata kausan, imaymana llakiykunawan junt'a.

Josué 24:29

Chay qhepata Numpa wawan Señorpa kamachin Josueqa wañuporqa pachaj chunkayoj watasniyoj.

Deuteronomio 34:7

Payqa wañuporqa pachaj iskay chunka watayoj. Chaypacha payqa sumaj ñawisniyojraj, sumaj kallpayoj ima karqa.

Éxodo 7:7

Chaypacha Moisesqa karqa pusaj chunka watasniyoj; Aarontaj karqa pusaj chunka kinsayoj watasniyoj, faraonwan parlasharqanku chaypacha.

Éxodo 6:4

Chantapis paykunawan uj tratota ruwarqani, Canaán jallp'ata qonaypaj. Chay jallp'api paykunaqa karu llajtayoj jinalla karikorqanku pisi p'unchaykunata.

Génesis 50:26

Jinamanta Joseqa wañuporqa pachaj chunkayoj watasniyoj. Wauqesnintaj ayanta jawiykuspa, sumajta ch'akichispataj, cajonman churaykuspa waqaycharqanku Egiptopi.

1 Pedro 2:11

Munasqa hermanos, mañakuykichej, waj llajtayojkunata, chayri purikojkunata jina, ama aychaj munasqasninta qhatinaykichejta, imaraykuchus chaykunaqa almaj contrampi maqanakunku.

Salmos 119:54

Kamachisqasniykeqa misk'i takiykunasniy kanku, kay pachapi karu llajtayoj jina kashajtiy.

Salmos 119:19

Noqa kay pachapi purikoj runalla kani, kamachisqasniykitaqa ama pakawaychu.

Génesis 47:28

Jacob tiyakorqa chunka phishqayoj watasta Egiptopi, jinamanta payqa chayarqa pachaj tawa chunka qanchisniyoj watasniyojman.

Génesis 11:11

Chay qhepata Semqa phishqa pachaj watastawanraj kausarqa, wawasnintaj karqanku qharis chanta warmis ima.

Hebreos 13:14

Kay jallp'apeqa mana sayaj llajtayojchu kanchej, astawanqa chay jamoj llajtata mask'ashanchej.

1 Crónicas 29:15

Qampa rikuyniykipeqa mana llajtayoj ñan purejkuna jinalla kayku. Jinallataj ñaupa tatasniykupis karqanku, kaypachapi kausayniykoqa llanthu jina pasapullan, mana ima suyayniyoj.

Génesis 5:27

Tukuynimpi Matusalenqa kausarqa isq'on pachaj sojta chunka isq'onniyoj watasta. Chay chhika watasniyoj wañuporqa.

2 Corintios 5:6

Ajinapi kausanchej tukuy sonqo; yachanchejtaj cuerponchejpiraj kashaspaqa Señormanta ch'usasqas purishasqanchejta, imaraykuchus feninchejrayku purinchej, mana rikusqaraykuchu.

Génesis 47:8

Faraontaj payta taporqa: Mashkha watasniyojñataj kankiri?, nispa.

Salmos 39:13

Ama qhawawayñachu, uj chhikallantapis samarichiway, manaraj ripushajtiy, manaraj chinkapushajtiy.