Génesis 43:23 - Qheshwa Biblia DC

²³ Paytaj kuticherqa chaymantaqa ama llakikuychejchu, amataj manchachikuychejchu. Diosniykichejchá á, tataykichejpa Diosnin chay qolqetaqa churaykorqa; noqa chay qosqaykichej qolqetaqa jap'erqani. Chaymantataj mayordomoqa Simeonta carcelmanta orqhomuspa paykunaman pusamorqa.

DIOSPA QHELQACHISQAN DEUTEROCANONICAL

²³ Mayordomotajrí kuticherqa: Ama manchachikuychejchu. Diosniykichej, tataykichejpa Diosninchari chay qolqeta costalniykichejman churaykorqa. Noqarí pagasqaykichej qolqetaqa jap'erqani, nispa. Chayta niytawantaj, mayordomoqa Simeonta carcelmanta orqhomuspa, paykunaman pusamorqa.

DIOSPA QHELQACHISQ

²³ Mayordomotajrí kuticherqa: Ama manchachikuychejchu. Diosniykichej, tataykichejpa Diosninchari chay qolqeta costalniykichejman churaykorqa. Noqarí pagasqaykichej qolqetaqa jap'erqani, nispa. Chayta niytawantaj, mayordomoqa Simeonta carcelmanta orqhomuspa, paykunaman pusamorqa.

Génesis 43:23 Referans Kwoze

Génesis 42:24

Qayllankumanta ithiriytawantaj Joseqa maytapuni waqarikorqa. Kutirimuspataj paykunaj chaupinkumanta Simeonta presocharparerqa.

San Juan 20:26

Pusaj p'unchayninman, yachachisqas ujtawan wasipi tantakorqanku, Tomaspis paykunawan kasharqa. Punkus wisq'asqa kashajtin, Jesús jamuspa chaupinkupi rikhurerqa, nerqataj: Sonqo tiyakuy qankunawan kachun, nispa.

San Juan 14:27

Sonqo samakuyta saqeykichej, sonqo samayniyta qoykichej; mana mundoj qosqanta jinachu qoykichej. Sonqoykichej ama phutikuchunchu, nitaj manchachikuchun chu.

San Juan 20:21

Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.

San Juan 20:19

Chay kikin semanaj ñaupaj kaj p'unchayninta, tutayaytaña, punkus wisq'asqaña kasharqa, maypichus yachachisqas tantakorqanku judiosta manchachikuspa. Chaypacha Jesús paykunaman jamorqa, chaupinkupi sayaykuspataj nerqa: Sonqo tiyakuy qankunawan kachun.

San Lucas 24:36

Paykuna kay imasmanta parlakunankukamataj, Jesusqa chaupinkupi sayaykuspa napaykorqa: Diospa sonqo tiyasqa kaynin qankunawan kachun, nispa.

San Lucas 10:5

Mayqen wasiman yaykuspapis, ñaupajta napaykuychej: Sonqo tiyasqa kay kachun kay wasipi, nispa.

Génesis 42:28

Wauqesninmantaj nerqa: Qhawariychej qolqeyta kutichipuwasqanku! Kayqa kaypi kashan!, nispa. Tukuyninkutaj chayta rikuspa mayta mancharikorqanku, paykunapurataj ninakorqanku: Imatataj Dios ruwashawanchejri?, nispa.

Esdras 4:17

Chaypacha rey Artajerjesqa, kutichispa qelqarqa kay jinata: Rahum kamachej, Simsai qelqaj, chanta, Samariapi tiyakunku chay wakin kamachej masisniykita, jinallataj Eufrates mayoj inti yaykuynimpi tiyakojkunatapis, napaykamuykichej.

1 Crónicas 12:18

Chaypacha chay kinsa chunka runaspa kamachejninku Amasaiman Espíritu jamorqa, paytaj qhaparerqa: Isaej wawan David qanwan sonqo tiyasqa kay kachun! Sonqo tiyasqa kay qampi kachun! Sonqo tiyasqa kay qanwan kachun, jinataj yanapasojkunawampis, qanta Dios yanapasusqanrayku! Davidtaj paykunata jap'erqa soldadosnimpa kamachejkunamantaj tukucherqa.

1 Samuel 25:6

Kay jinatataj nicherqa: Hermanóy, munani sumaj kusiyllapi qan kanaykita, chanta aylluyki, tukuy wasiykipi kajkuna ima.

Jueces 19:20

Chay machu runaqa kuticherqa: Walejta jamorqanki. Noqa tukuy necesitasqaykipi qhawarisqayki. Mana saqesqaykichu plazapi kay ch'isi puñunaykitaqa.

Jueces 6:23

Señortaj kuticherqa: Ama mancharikuychu, mana wañunkichu. Sonqo tiyasqa kay qanwan kachun.

Génesis 43:14

Tukuy Atiyniyoj Dios qankunamanta khuyakuchun, ama imapis qankunawan kanampaj, chay runa ujnin wauqeykichejta kacharimpunampaj, jinallataj kay Benjamintapis. Sichus Diospuni munan mana wawasniyoj kanayta chayqa, jina mana wawasniyoj qhepakusaj!

Génesis 42:36

Chaymanta Jacobqa paykunaman nerqa: Qankunaqa saqeshawankichej mana wawasniyojta. Joseqa manaña noqanchejwanchu, Simeompis manallañataj kaypichu. Kunanqa Benjamintañatajchu qhechuwankichej! Kay tukuy ima contraypi!

Génesis 43:22

Chantaqa apamullaykutaj waj qolqetawan trigota rantikunaykupaj. Kunantaj mana yachaykuchu pichus chay rantisqayku qolqeta costalesniykuman churaykorqapis.

1 Crónicas 12:19

Manasespa ayllunmanta wakinkuna Davidpa ladoman riporqanku, maypachachus filisteoswan Saulpa contranta maqanakunankupaj risharqa chaypacha. Chaywampis Davidqa filisteosta yanapayta mana aterqachu, filisteospa kamachejkunasninku parlanakuytawan kachaporqanku, kay jinata nispa: Davidqa noqanchejta wañurparichiytawankama wiraqochin Saulman riponqa!, nispa.