Génesis 41:8 - Qheshwa Biblia DC

⁸ Q'ayantin paqarenqa may llakisqa karqa; chayrayku wajyacherqa tukuy adivinosta, yachayniyojkunatawan tukuy Egiptomanta. Faraón chay mosqokusqanta willajtintaj ni mayqenninku sut'inchayta aterqankuchu imastachus niyta munasqanta chay mosqokusqan.

DIOSPA QHELQACHISQAN DEUTEROCANONICAL

⁸ Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.

DIOSPA QHELQACHISQ

⁸ Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.

Génesis 41:8 Referans Kwoze

Daniel (hebreo) 4:7

Tukuyninku yachayniyoj runakuna jamorqanku, yatirikuna, yachaysapa kajkuna, jinallataj qoyllurkunamanta yachajkunapis Babiloniamanta. Noqataj paykunaman willarqani mosqoyniyta, manataj sut'inchayta atiwarqankuchu, chay mosqoyneyqa imatachus niyta munasqanta.

Éxodo 7:22

Egiptomanta tukuy yatiris kikillantataj ruwarqanku imatachus yachasqankuwan. Faraompa sonqontaj astawan rumiyarqa, chayta rikushaspapis paykunata mana kasorqachu, Señorpa nisqanman jina.

San Mateo 2:1

Jesús nacikorqa Belempi; chaytaj karqa Judea jallp'api rey Herodes kamachishajtin. Chaypacha, inti llojsimuynejmanta yachaysapa runas Jerusalenman chayamorqanku.

Daniel (hebreo) 4:5

Uj ch'isipitaj, puñunaypiña kashaspa, uj mosqoyniy mancharichiwarqa, jinallataj yuyaykuna, rikuykunataj umayman junt'aspa musphachiwarqa.

Daniel (hebreo) 1:20

Tukuy ima yachaymanta, rejsiymantawan rey paykunata tapojtin, chunka kutiwan jina yachayniyoj paykuna karqanku, reinompi kaj chay tukuynin yachaysapa, runasninmanta, yatirisninmantawan ima.

Isaías 29:14

Chayrayku, kay runastaqa jatuchaj t'ukuna imasta ruwaspa t'ukushajta saqesaj. Yachayniyojkunasniyoj yachaynenqa chinkaponqa, yuyayniyojkunaj yuyayninkupis manaña kanqachu.

Éxodo 7:11

Faraontaj wajyacherqa yachajkunasninta, yatirisnintawan; paykunapis jamuspa kikillantataj ruwarqanku tukuy atiyninkuwan;

Daniel (hebreo) 4:19

Chantá Danielqa, pitachus suticharqanku Beltsasar nisqata, pay uj ratota t'ukurerqa, umanman yuyaykuna jamojtin may maycharisqa karqa. Noqa reytajrí, payta nerqani: Beltsasar, ama llakikuychu chay mosqoyniymantaqa, ni sut'inchayninmantapis. Beltsasartaj kutichispa nerqa: Way, mosqoyniykipi imatachus niyta munan chay tukoyqa urmachun pikunachus chejnisunku chaykunaj patanman!

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

Levítico 19:31

Ama wañusqasta tapojkunamanqa qayllaychejchu, nitaj layqasmampis. Ama chaykunaman tapukuspataj ch'ichichakuychejchu. Noqa Señor Diosniykichejqa kani.

Éxodo 8:7

Tukuy layqaspis kikillantataj ruwaspa k'aylankulasta junt'aykucherqanku Egipto llajtankuman.

Génesis 40:8

Paykunataj kuticherqanku: Sapa ujniyku mosqoyku, manataj pipis kanchu mosqokusqaykuta willarinawaykupaj imatachus niyta munasqanta. Josetaj nerqa: Manachu Dios chaykunataqa sut'inchan? Willariwaychej chay mosqokusqaykichejta.

Génesis 40:6

Tutamanta Joseqa presosta watukuspa rikorqa llakisqas kasqankuta.

1 Corintios 1:19

Escribisqamin kashan: Chinkachisaj yachayniyojkunaj yachayninkuta, qhesachasajtaj yuyayniyojkunaj yuyayninkuta.

Hechos 17:18

Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri? Wakintaj nerqanku: Kayqa waj mosoj dioskunamanta parlajman rijch'akun. Chayta nisharqanku imaraykuchus Pabloqa willasharqa Jesusmanta, kausarimuymantawan.

Hechos 7:22

Moisesqa yachachisqa karqa Egipto runaspa tukuy yachachiyninkupi. Chayraykutaj atiyniyoj karqa parlasqampi, ruwasqampi ima.

Habacuc 3:16

Kay tukuy imasta uyarispa manchachikorqani. Parlasqaypipis simiy kharkatiterqa; chakisniypis mana sayayta aterqachu chantá tukuy ukhuynintin llauchhuyaporqa. Chaywampis alliywan suyallasaj, maypachachus Dios chay ñak'arichiwajninchejpa soldadosninta ñak'ariyman churanqa chay p'unchayta.

Daniel (hebreo) 8:27

Noqa Danieltaj, reparakorqani kallpay pisiyawasqanta, ashkha p'unchaykunataj onqosqa tarikorqani. Chaymanta jatarikuspa uyarillarqanipuni nacionta kamachejpa ruwanasninmanta. Noqataj mayta t'ukusharqani chay jinata rikusqaymanta, mana unanchayta atispa.

Daniel (hebreo) 7:28

Kaypi tukukun chay parlawasqanqa. Noqa Danieltaj, may llakisqa tarikorqani, uyaypis waj jinaman tukorqa, manataj pimampis willarqanichu kay rikusqaytaqa.

Daniel (hebreo) 5:11

Reinoykipi tiyan uj runa, santo Diospa espiritunwan pusaykachasqan. Tatayki rey kashajtin, chay runaqa rejsisqa karqa sut'i yuyayniyoj kasqanta, sumaj yuyayniyoj dioskuna jina yachayniyojtaj kasqantawan. Chayrayku tatayki Nabucodonosorqa payta churarqa, naciompi tukuy yachaysapakunata, yatirikunata, sumaj yachayniyojkunata, k'anchaj qoyllurkunamanta yachajkunatawan kamachinampaj.

Isaías 19:3

Egiptoj yuyayninta mana kajman tukuchisaj. Imastachus ruwananku kajtapis alqachisaj; chantataj paykunaqa taponqanku lantisninkuta, layqasninkuta, wañusqaspa almasninkuta ima.

Salmos 25:14

Señorqa payta manchachikojkunawan khuska kausakun, tratontataj rejsichenqa.

Levítico 20:6

Sichus pipis wañusqasta tapojkunaman, layqasmanwan rinman, chayta qhatispataj ch'ichichakunman chayqa, noqa sayarisaj paypa contranta, chinkachisajtaj ayllun chaupimanta.

Éxodo 9:11

Layqa runaspis kayta mana imaynamanta ruwayta aterqankuchu Moisespa ñaupaqempi, imaraykuchus paykunajtapis tukuy ukhunkupi llejti onqoy karqa, jinallataj tukuy egipcio runaspipis.

Génesis 41:7

Chaykunataj chay qanchis sumachaj trigo espigasta mikhuykusqanku. Faraonqa rijch'ariytawan yuyarqa chayqa uj mosqoy kasqanta.

Génesis 41:15

Paytaj nerqa Joseman: Noqa mosqokuni, nitaj pipis kanchu sut'inchapuwaj; uyarinitaj qan mosqoykunata uyarispa sut'inchasqaykita.

1 Samuel 6:2

Chaypacha filisteosqa wajyacherqanku sacerdotesta, yatiristawan tapunankupaj: Imanasunchejtaj Diospa trato cajonninwanri? Niwayku imaynatachus llajtanman kutichipunata.

Daniel (hebreo) 4:6

Chantá kamacherqani Babiloniapi kaj tukuynin yachayniyoj runakuna watukoj jamunawankuta, sut'inchanawankutataj chay mosqoyniy imastachus niyta munasqanta.

Daniel (hebreo) 4:18

Kay jinata noqa rey Nabucodonosorqa, mosqoyniypi rikorqani. Kunanqa, Beltsasar, niway imatachus chay mosqoyneyqa niyta munasqanta, imaraykuchus mana mayqen yachayniyojpis reinoypi kajkunaqa yachayta atinchu. Qanrí atiwaj sut'inchayta, imaraykuchus Santo Diospa espíritun qampi kashan.

Génesis 41:24

Chay qanchis ch'aki ch'usu espigas mikhuykunku chay sumachaj k'acha trigo espigasta. Chayta willani yatirisman, nitaj ni mayqenninku willawankuchu imatachus niyta munasqanta.