Génesis 41:42 - Qheshwa Biblia DC

⁴² Chayta niytawantaj faraonqa makinmanta sortejanta orqhokuytawan, chaypi karqa chay sellontawan Josej makinman churaykorqa. Chaymantataj kamacherqa sumaj lino p'achasta churanankuta, jinaspataj kunkanman churaykorqanku qorimanta ruwasqa walqata.

DIOSPA QHELQACHISQAN DEUTEROCANONICAL

⁴² Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa.

DIOSPA QHELQACHISQ

⁴² Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa.

Génesis 41:42 Referans Kwoze

Daniel (hebreo) 5:29

Chaymanta rey Belsasar kamacherqa, Danielman puka p'achata churaykunankuta, kunkanmantaj qori cadenata churaykunankuta. Chanta willaracherqataj tukuyman, chay ratomantapacha Danielqa, kinsa kaj kamachej kananta reinompi.

Daniel (hebreo) 5:7

Chay rato qhapariyta qallarerqa, wajyacherqataj Babiloniamanta yatirikunata, yachayniyojkunata, k'anchaj qoyllurkunamanta yachajkunata, paykunamantaj nerqa: Jaqaypi qelqasqa kashan chayta leejqa, willawajtaj chay qelqasqaqa imatachus niyta munasqanta chayqa, p'achallichisqa kanqa sumaj puka p'achawan, kunkanmantaj qori cadenawan churaykusqa kanqa, chanta kinsa kaj kamachejtaj reinoypi kanqa.

Ester (hebreo) 3:10

Chaymantataj reyqa sortejanta makinmanta orqhokuspa Amedataj wawan judiospa enemigon Amanman jaywarqa. Nerqataj: Qosaj ninki chay qolqeqa qampaj kachun. Chay ninki chay runastataj qanña munasqaykiman jina ruway imachus allin rijch'asunki chayta.

Daniel (hebreo) 5:16

Chay tukuywampis uyarini qan sut'inchaj kasqaykita mana yachay atina imasta, mana allichay atina imastataj allichaj kasqaykita. Kunanqa, sichus qan atinki chay palabrasta leeyta chayqa, imatachus niyta munasqantataj willawanki chaypachaqa, sumaj puka p'achawan p'achallichisqayki, kunkaykimantaj qori cadenata churasuchunku, reinoypitaj kinsa kaj kamachej kanki.

Ester (hebreo) 8:2

Chanta reyqa Amanmanta qhechukapusqan sortejanta Mardoqueomanñataj qoporqa. Estertaj Mardoqueota mayordomomanta churarqa, Amampata karqa chay tukuy kapuyninmanta qhawanampaj.

Ester (hebreo) 8:15

Mardoqueoqa reypa ñaupaqenmanta reypa churakunan azulwan yurajwan color p'achasta churaykusqa, umampi jatun qori pillu churaykusqa, linomanta ruwasqa uj jatun puka mantawan qhataykusqataj. Chayta rikuspataj Susa llajtapi tukuy tiyakojkunaqa maytapuni kusikorqanku.

Ester (hebreo) 8:10

Chay qelqasqasqa rey Asueroj firmasninwan karqa, sortejanwan sellasqataj. Chaykunatataj chaskis aparqanku reypa aswan sumaj caballosnimpi lloq'aykuytawan.

Ezequiel 27:7

Buque llanthuchaykitaj Egiptomanta apamusqa sumajnin linomanta ruwasqa karqa wiphaylayki kanampaj. Toldoykiri, Elisá nisqa churumanta apamusqa puka kulli telasmanta ruwasqa karqa.

TAKIYKUNA 1:10

Uyitasniykeqa k'achitas kanku, ningriykimanta faluchos chaupipi; walqayoj kunkaykipis k'achitu.

Proverbios 31:24

Payqa linomanta p'achasta, chumpistawan ruwan, chaykunatataj qhatojkunaman venden.

Proverbios 31:22

Paypaj ruwakun sumaj phullusta, p'achasnimpis sumaj kaj lino nisqamanta, pukawan tiñisqataj.

Ester (hebreo) 8:8

Kunanqa qankuna imachus allin rijch'asusqaykichejta reypa sutimpi qelqaspa, reypa sortejanwan sellaspa tukuy judiosman apachiychej. Ima leypis reypa sutimpi ruwakojqa, reypa sortejanwan sellasqa kajtintaj, mana qhesachakuyta atinchu.

Ester (hebreo) 3:12

Chaymantaqa ñaupaj kaj killapi chunka kinsayoj p'unchaypi, reypa tukuy qelqerisninta tantacherqa. Paykunaqa Amán imatachus sapa uj kurajkunaman kamachisqanta qelqarqanku, reypa kamachisninman, sapa llajtapi kuraj kaj kamachejkunaman, sapa llajtaj qelqayninman jina, parlayninkupikamataj. Chayta qelqarqanku reypa sutimpi, reypa sortejanwantaj ñit'iykuspa.

San Lucas 15:22

Chantá tatanqa runasninta kamacherqa: Kunampacha orqhomuychej aswan sumaj p'achata, p'achallichiychejtaj. Anillotapis makisninman churaychej, zapatostataj chakisninman.

Proverbios 1:9

Chay yachayqa umaykipaj uj k'achanchay jina kapusonqa, uj walqa jina, chayri uj k'acha pillu jina.

Ester (hebreo) 10:3

Mardoqueo judío atiypeqa rey Asueroj qhepampi karqa. Mardoqueoqa chaypacha may mentasqa karqa tukuy judiospaj, jinallataj tukuy llajta masisnimpajpis. Payqa ayllumpa allinninta mask'arqa, ruwarqataj llajta masisnin allimpi k'achata tiyakunankupaj.

Génesis 38:18

Judaqa, imatataj saqesqaykiri?, nerqa. Warmitaj nerqa: Saqeway sortejaykita, chumpiykita, makiykipi kashan chay tojnuykitawan. Judaqa chay tukuyta jaywarqa, jinaytawantaj paywan puñorqa. Jinamanta Tamarqa Judapaj wijsayoj rikhurerqa.

Génesis 41:43

Chaymantataj Josetaqa ujnin sumaj kaj carroman wicharicherqa; ñaupaqentataj qhaparispa rerqanku: Pasota qoychej!, nispa. Ajinata Josetaqa ajllaspa churarqanku kamachej kanampaj tukuy Egipto jallp'api.

1 Samuel 18:4

Chay jawa Jonatanqa p'achan patapi qhatakunanta Davidman qoporqa, p'achantawan qollarqataj, espadanta, wach'ina arconta, qara chumpintawan.

Salmos 73:6

Chayrayku jatunchakuyninkoqa paykunapaj walqas jina; atiyninkuwan sajrata ruwasqankupis p'achanku jina.

TAKIYKUNA 4:9

Sonqoyta suwarpariwanki, hermanitáy, noviáy. Ujta qhawarispalla sonqoyta suwarpariwanki, kunkaykipi ujnin kaj walqaykiwan ima.

Jeremías 52:33

Ajinamanta Joaquemqa preso kanan p'achata lluch'ukuspa reywan khuska tukuy kausaynimpi mikhorqa.