Génesis 39:9 - Qheshwa Biblia DC

⁹ Kay wasipeqa mana pipis imata ruwananchu tiyan, manachayqa noqalla cuentayoj kani. Chayrayku patronneyqa niwan tukuy imasninmanta dueño jina kanayta, qanllamanta mana ima ruwanaychu tiyan, imaraykuchus qanqa warmin kanki, chayrayku. Ajinaqa, imaynatataj noqa ruwasaj kasqa chay millaytari, juchallikusajtaj Diospa contrantari?

DIOSPA QHELQACHISQAN DEUTEROCANONICAL

⁹ Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

DIOSPA QHELQACHISQ

⁹ Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

Génesis 39:9 Referans Kwoze

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

Génesis 42:18

Chay kinsa diamantataj nerqa: Noqaqa Diosta manchachikuni. Qankunataj kayta ruwaychej, chacharipusqaykichajtaj.

Génesis 20:6

Diostaj nerqa chay mosqoynimpi: Noqaqa yachani qan allin sonqoykiwan kayta ruwasqaykita, chayrayku mana saqerqaykichu payman qayllanaykita ama juchallikunaykipaj contraypi.

1 Juan 3:9

Diospa wawan kajqa mana juchapi kausanchu; paypeqa Diospa kausaynin kashan. Diospa wawan kasqanraykutaj manaña juchapi kausanmanchu.

San Lucas 12:48

Pichus mana yachaspalla juchachakunman chayqa, pisi jasut'isqa kanqa. Chantá ashkhata jap'ikojmantapis, ashkhallatataj mañasqa kanqa; pimanchus ashkha qosqa karqa, chaymantapis ashkhallatataj mañasqa kanqa.

Salmos 51:4

Contraykipi juchallikorqani, ñaupaqeykita mana allin kajta ruwaspa. Chayrayku nisqaykeqa cheqan. Cheqanchaspaqa mana pantankichu.

1 Corintios 4:2

Kunanqa sapa uj mayordomo junt'achun ruwananta.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

Jeremías 28:16

Chayrayku Señorqa nin: Kay jallp'amanta chinkachisqayki. Kay watapi qanqa wañunki, imaraykuchus parlasqasniykiwan noqaj contraypi tukuy runasta oqharichinki.

Job 31:23

Imaraykuchus Diospa jasut'iyninta mayta manchachikoj kani, chay jina atiynimpa contrampajqa mana atiyniy kanchu.

2 Samuel 11:27

Chay llakiy pasajtinñari, Davidqa kamacherqa palacionman pusamunankuta, chaypitaj casarakorqa, chanta uj qhari wawata nacechikorqa. Chaywampis Davidpa chay jinata ruwasqanqa, Señorman mana walejchu rijch'arqa.

Números 32:23

Sichus mana ajinata nisqaykichejman jinachu ruwankichej chayqa, uj jatun juchata ruwankichej Señorpa contranta, Señorpa jasut'iynintaj ima ratollapis chayamusonqachej chay juchasniykichejrayku.

Proverbios 6:32

Chaywampis, casada warmiwan qhechachakojqa sinch'i wampupuni, jinata ruwajqa pay kikin chinkayman rishan.

Nehemías 5:15

Noqamanta aswan ñaupaj kaj kamachejkunaqa tukuy aylluta llakicherqanku. Paykunaqa tawa chunka qolqesta sapa día pagachikoj kanku mikhunankupaj jinataj vinopajpis. Paykunata, ayllumanta kajkuna yanapajkunasninkuta munasqankuman jina llakiyta ruwaj kanku. Noqarí mana chayta ruwarqanichu Diosta manchachikusqayrayku.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Tito 2:10

Yachachillaytaj ama suwas kanankuta, tukuy imapi allin junt'aj kanankuta; ajinamanta tukuy imapi Dios Salvadorninchejpa yachachiyninta allimpi rikuchinankupaj.

Proverbios 6:29

Ajina kanqa kausaqempa warminwan puñuykojpajqa, mana llusp'iyta atenqachu.

Nehemías 6:11

Noqataj kuticherqani: Noqa jina runasqa mana ayqenkuchu, nitaj Diosta yupaychana wasiman ayqeykunkuchu kausayninkuta salvakunankuraykullaqa. Noqaqa mana pakakusajchu, nispa.

Levítico 20:10

Sichus pipis runa masimpa warminwan puñuykapunman chayqa, chay qhenchachakoj qhari, jinallataj chay qhenchachakoj warmipis wañuchisqaspuni kanqanku.

Génesis 41:40

Qan palacioypi kamachiy ari, tukuy runastaj qampa kamachisqaykita kasusonqanku. Noqalla qanmanta astawan kuraj kasaj, imaraykuchus noqaqa rey kani.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Génesis 24:2

Uj kuti kamachisninmanta aswan allin machuña kajta wajyarqa, mayqenchus Abrahampa ima ninmanta allinta imatapis yacharqa chayta. Nerqataj: Makiykita piernayman churay.

Génesis 20:3

Chay ch'isipacha Abimelecqa mosqokorqa, Diostaj chay mosqoynimpi nerqa: Qanqa wañunki, pi warmitachus warmiykipaj pusachimunki chayqa qosayoj.

Génesis 20:9

Chaymanta Abimelecqa Abrahamtañataj wajyacherqa, nerqataj: Imatataj kayta ruwawaykurí, imachus mana allin kajtari? Ima sajratataj qampa ruwarqaniri, imapajtaj chay chhikan jatun juchata apamuwankiri, jinallataj runasniypajpisri? Kayta qan ruwawanki imatachus mana ruwanaykita.

Génesis 39:10

Ajinata chay warmeqa sapa p'unchay parlapayaj paywan puñunanta yuyaspa, payllawan ima ratopis kananta munaspa; Josetaj mana uyarejllapis tukojchu.

Éxodo 20:14

Ama qhenchachakunkichu.

Eclesiastés 7:26

Noqa rikuni warmeqa wañuymantapis aswan mana allin kasqanta: Uj warmej sonqonta uj lazo jina, ch'ipa jinataj, makisnimpis jap'ispa mana kacharinchu. Diosta munakoj runaqa chay warmimanta ayqekonqa; uj juchasapa runarí chay warmiwampuni jap'ichikonqa.