Génesis 37:8 - Qheshwa Biblia DC

⁸ Chaymanta wauqesnenqa kuticherqanku: Já, kaywanqa niytachu munashawayku qan reyniyku kanaykita, qanchu noqaykuta kamachiwasqayku?, nispa. Chaymanta astawanqa chejnerqanku imaynatachus willasqanmantawan.

DIOSPA QHELQACHISQAN DEUTEROCANONICAL

⁸ Chantá wawqenkuna, nerqanku: Ajá, kaywanqa niytachu munashawayku qan kamachejniyku kanaykita? Qanchu noqaykuta kamachiwasqayku? nispa. Chayrayku mosqokusqanmanta chantá imaynatachus willasqanmanta astawan payta chejnikorqanku.

DIOSPA QHELQACHISQ

⁸ Chantá wawqenkuna, nerqanku: Ajá, kaywanqa niytachu munashawayku qan kamachejniyku kanaykita? Qanchu noqaykuta kamachiwasqayku? nispa. Chayrayku mosqokusqanmanta chantá imaynatachus willasqanmanta astawan payta chejnikorqanku.

Génesis 37:8 Referans Kwoze

Hechos 7:35

Kaymin chay Moisesqa pitachus israelitakuna qhesachaspa nerqanku: Pitaj qanta churasorqa, kamachejniyku, juezniykutaj kanaykipajri? Paytataj Dios kacharqa, paykunaj kamachejnin kanampaj, kacharichejnintaj; chay larwashaj zarzapi ángel rikhurejnejta.

1 Samuel 10:27

Wakin sajra runas parlarerqanku: Kaychu noqanchejta salvayta atiwasunman?, nispa. Qhesacharqankutaj mana ni ima t'inkata qospa. Chaywampis Saulqa paykunata mana rikojman tukorqa.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

San Lucas 20:17

Jesustaj qhawarispa nerqa: Ima niytataj munan kay escribisqari: Wasi ruwajkunaj qhesachasqanku rumeqa, wasi esquina rumi kapun, nispari?

San Lucas 19:14

Llajta masisnintaj chejnej kanku, chaynejta, kachasta qhepanta kachamorqanku, ninankupaj: Mana payta munaykuchu reyniykupaj, nispa.

Salmos 118:22

Wasichajkunaj wijch'usqanku rumeqa, esquina rumi kapun.

1 Samuel 17:28

Eliabqa Davidpa kuraj kaj wauqenqa phiñarikorqa chay waj soldadoswan parlasqanta uyarispa, nerqataj: Imamantaj kayman jamorqankiri? Pimantaj chay pisi ovejasta ch'in pampapi saqerqankiri? Noqa rejsiyki wapuykachajpuni kasqaykita, sajra yuyasqasniykitapis. Qanqa jamorqanki maqanakuta qhawakunaykiraykulla, nispa.

Éxodo 2:14

Chay runataj kuticherqa: Pitaj qanta churasunki noqaykuta kamachinawaykupaj, juezniyku kanaykipaj ajinata ninawaykupajri? Egipcio runata wañucherqanki jinatachu wañuchiyta munashawanki? Moisestaj chayta uyariytawan mancharikorqa, nerqataj: Cheqamanta egipcio runa wañuchisqayqa yachakunña, nispa.

Génesis 49:26

Qanta astawan tatayki bendicisonqa, tataypa bendiciwasqanmanta. Mana tukukuy atej orqoskama kanqa kay bendicionesqa, Josej uman patapi, pay ajllasqa karqa wauqesnin chaupimanta.

Génesis 37:4

Chaymanta wauqesnenqa reparakorqanku payllata astawan munakusqanta paykunamanta nisqaqa, ajinamanta chejnikuyta qallarerqanku, ni napaykullajpischu kanku.

Génesis 27:41

Chaymantapacha Esauqa Jacobta manchayta chejnikorqa, tatanwan bendicionta qochikusqanmanta: Tatayqa ñapis wañuponqaña, chaymanta wañurparichisaj Jacobta, nispa.

Génesis 37:9

Chaymanta Joseqa astawan mosqokullarqataj, chaymantataj wauqesninman willallarqataj, nispa: Uyariwaychej kay jinata mosqokuni: Intiwan killawan, chunka ujniyoj qoyllurkunapiwan noqaman k'umuykamushawasqanku.

Génesis 42:10

Paykunataj nerqanku: Manapuni wiraqochíy! Noqayku kamachisniykeqa trigota rantikojlla jamuyku.

Génesis 44:18

Judaqa Joseman qayllaykuspa nerqa: Wiraqochíy, ujta mañarikuyki, saqeriway ari sapallaykipi qanwan parlarejta. Ama ari phiñakuwaychu, qanqa kanki kikin faraompis kawaj jina.

Génesis 50:18

Chaymantataj kikin wauqesnin jamorqanku; k'umuykuspataj ñaupaqenman qonqoriykukorqanku pampaman umankuta chayachinankukama, jinata nispa: Kamachisniyki kayku imanawaykupis ari.

Deuteronomio 33:16

Jallp'anqa aswan sumaj kajwan junt'a kashan. Laurashaj zarza ukhumanta parlaj Diosqa payta bendicichun. Kay tukuy imas jamuchun Josej ayllunman. Joseqa wauqesnin chaupimanta ajllasqa karqa.

1 Samuel 18:8

Chaywan Saulqa sinch'ita phiñakorqa, mayta phiñakuywantaj nerqa: Davidtaqa ninku chunka waranqa runasta wañuchisqanta; noqatarí niwanku waranqa runasllata wañuchisqayta. Reyninkupaj churaykunallankupajña qhawashanku, nispa.