Génesis 37:4 - Qheshwa Biblia DC

⁴ Chaymanta wauqesnenqa reparakorqanku payllata astawan munakusqanta paykunamanta nisqaqa, ajinamanta chejnikuyta qallarerqanku, ni napaykullajpischu kanku.

DIOSPA QHELQACHISQAN DEUTEROCANONICAL

⁴ Josejpa wawqenkunarí tatanku Joseta paykunamanta nisqa astawan munakusqanta rikuspa, Joseta chejnikuyta qallarerqanku, nitaj allinta parlapayajchu kanku.

DIOSPA QHELQACHISQ

⁴ Josejpa wawqenkunarí tatanku Joseta paykunamanta nisqa astawan munakusqanta rikuspa, Joseta chejnikuyta qallarerqanku, nitaj allinta parlapayajchu kanku.

Génesis 37:4 Referans Kwoze

Génesis 27:41

Chaymantapacha Esauqa Jacobta manchayta chejnikorqa, tatanwan bendicionta qochikusqanmanta: Tatayqa ñapis wañuponqaña, chaymanta wañurparichisaj Jacobta, nispa.

1 Juan 4:20

Pillapis Diosta munakuni ninman, wauqentataj chejninman chayqa, llulla runa. Pichus wauqenta rikushaspa, mana munakunchu chayqa, manallataj Diostapis munakuyta atinchu, mayqentachus mana rikunchu.

1 Juan 3:12

Mana Caín jinachu kananchej; payqa supaypata kaspa, wauqenta wañucherqa. Imaraykutaj payta wañucherqari? Caimpa ruwasqasnin sajras karqanku, wauqempatataj allin karqanku.

1 Juan 2:11

Wauqenta chejnikojrí, laqhapi kashan, laqhallapitaj purishan; manataj yachanchu maymanchus rishasqanta; imaraykuchus laqhaqa ñawisninta tutayachin.

Salmos 69:4

Ashkha kanku qhasillamanta chejnikuwajkunaqa, umaypi chujchasniymantapis astawan. Yanqhallamanta chejnikuwaj runasqa, aswan atiyniyojman tukunku. Mañawankutaj mana suwasqayta qopunayta.

1 Samuel 17:28

Eliabqa Davidpa kuraj kaj wauqenqa phiñarikorqa chay waj soldadoswan parlasqanta uyarispa, nerqataj: Imamantaj kayman jamorqankiri? Pimantaj chay pisi ovejasta ch'in pampapi saqerqankiri? Noqa rejsiyki wapuykachajpuni kasqaykita, sajra yuyasqasniykitapis. Qanqa jamorqanki maqanakuta qhawakunaykiraykulla, nispa.

Génesis 37:5

Uj kuti Joseqa imaynatachus mosqokusqanta wauqesninman willarqa, chaymanta paykunaqa astawan chejnikorqanku; imaraykuchus nerqa: Uyariwaychej imaynatachus mosqokusqayta willasqaykichej.

Génesis 4:5

Caintari mana jinatachu qhawarerqa, nillataj jaywanantapis. Chaymanta Caenqa maytapuni phiñarikorqa, uyampis uj jinayarqa.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

Salmos 38:19

Enemigosniy yapakunku. Ashkhas mana imallamanta chejnikuwanku.

Génesis 49:23

Arcoswan flechaspa wañuchejkuna sapa kuti toreallankupuni.

Génesis 37:11

Wauqesnenqa chaymanta astawan chhoqonakorqanku, tatantaj anchata chay mosqokusqampi yuyasharqa.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

Jeremías 12:6

Kikin wauqesniyki kajkunallamantataj wasanchasunku, qhepaykimantataj phiñasqas qhaparimusunku. Ama paykunapi chhikata atienekuychu, ni misk'i parlaywan parlasojtinkupis.

Marcos 3:25

Sichus uj wasipi, familiantin t'aqanasqa kankuman chayqa; chay wasipi kajkunaqa, manallataj kayta atinkumanchu.