Génesis 36:6 - Qheshwa Biblia DC

⁶ Esauqa wauqen Jacobmanta tumpata karunchakunampaj riporqa waj cheqaman, warmisninta, churisninta, ususisninta, pikunachus paywan tiyakorqanku chaykunatawan pusarikuspa. Jinallataj tukuy uywasninta, imasninchus Canaampi tiyakushajtin tiyaporqa chaykunatawan.

DIOSPA QHELQACHISQAN DEUTEROCANONICAL

⁶ Esauqa warminkunata, churinkunata, ususinkunata, pikunachus paywan tiyakorqanku, chaykunatawan pusariykukuspa, wawqen Jacobmanta karunchakunanpaj waj cheqaman riporqa. Jinallataj tukuy uywankunata, Canaanpi tiyakushaspa imatachus tarisqanta, tukuyninta apakaporqa.

DIOSPA QHELQACHISQ

⁶ Esauqa warminkunata, churinkunata, ususinkunata, pikunachus paywan tiyakorqanku, chaykunatawan pusariykukuspa, wawqen Jacobmanta karunchakunanpaj waj cheqaman riporqa. Jinallataj tukuy uywankunata, Canaanpi tiyakushaspa imatachus tarisqanta, tukuyninta apakaporqa.

Génesis 36:6 Referans Kwoze

Génesis 32:3

Chaynejmanta Jacob kacharqa kachasta Seirman, Edom chaynejman; willamunankupaj wauqen Esauman pay chayapushasqanta, ajinata nichispa: Niychej wauqey Esauman: Wauqeyki kamachiyki Jacob nichimusunki: Labanwan kamorqayku, chayrayku mana usqhayta jamunichu.

Apocalipsis 18:13

Chaymantataj karqa canela, q'apaykuna, incienso, mirra, q'apaj jawina, vino, aceite, suysusqa jak'u, trigo, wakas, ovejas, caballos, carrostaj, kamachistaj, runaspa almasnin ima.

Génesis 28:4

Qanman mirayniykimanwan bendicionninta qosuchun, imatachus Abrahamman qosqayki nerqa chayta, kay jallp'ata jap'ikapunaykichejta, mayqempichus kunan tiyakushanchej karu llajtayojpis kasunman jina. Kay jallp'ataqa Dios qorqa Abrahamman.

Génesis 25:23

Señortaj nerqa: Wijsaykipi iskay naciones kashan, iskay ayllus maqanakushanku manaraj naceshaspa. Ujnin kaj aswan atiyniyoj kanqa ujninmanta. Kuraj kajqa sullk'a kajpa nisqampi kanqa.

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Génesis 13:11

Lotqa chaymanta ajllakorqa Jordán valleta. Riporqataj inti llojsimuynejman, maypichus kasharqanku chaymanta. Ajinata Abramwan Lotwan t'aqanakorqanku.

Génesis 13:6

Maypichus kasharqanku chay cheqaqa pisi karqa chay chhika uywasninkupaj. Chayrayku mana tiyakuyta aterqankuchu khuskallapuni.

Génesis 12:5

Pay riporqa warmin Saraita, sobrinon Lottawan pusariykukuspa. Jinallataj Harampi kashaspa mashkha runastachus jap'erqa chaytawan, tukuy imasnintawan apariykukuspa; Canaán jallp'amantaj chayarqanku. Chaymanta Abramqa rillarqapuni Siquem jallp'aman chayanankama, More vallepi maypichus encina sach'a karqa chayman. Chay jallp'aspitaj cananeos tiyakusharqanku.

Ezequiel 27:13

Greciamanta kajkuna, Tubalmanta kajkuna, Mesecmanta kajkuna ima qanwan ranqheyallarqankutaj runasta, broncemanta ruwasqa imaswan pagasoj kanku.

Génesis 36:5

Aholibamatpitaj karqa Jeús, Jaalam, Corewan. Kaykuna karqanku Esauj wawasnin Canaampi tiyashajtin kajkuna.