Génesis 35:2 - Qheshwa Biblia DC

² Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

DIOSPA QHELQACHISQAN DEUTEROCANONICAL

² Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

DIOSPA QHELQACHISQ

² Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

Génesis 35:2 Referans Kwoze

Éxodo 19:14

Moisestaj orqomanta uraykamorqa runasta wakichimoj. Paykunataj mayllakorqanku, p'achasninkutapis tukuyninku t'ajsakorqanku.

Éxodo 19:10

Moisesman ujtawan Señorqa nerqa: Rispa israelitasman nimuy, kunan q'ayatawan llimphuchakunankuta, p'achasninkutapis t'ajsarakuchunku.

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

Ezequiel 18:31

Contraypi tukuy sajra ruwasqasniykichejmanta t'aqakuychej, mosoj sonqoyojman tukuychej, mosoj espirituyojmantaj. Israel ayllu, imaraykutaj wañuwajri?

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Josué 24:23

Jina kajtenqa chay waj dioskuna qankuna chaupipi kashan chaykunamanta wijch'uychej, tukuy sonqowan Israelpa Diosnin Señorman kutiriychej.

Josué 24:15

Sichus Señorpa nisqanta mana ruwayta munankichejchu chayqa, kunampacha ajllakuychej pitachus yupaychanaykichejta; ñaupa tatasniykichej mayu chimpapi kashaspa yupaycharqanku chay dioskunatachu, chayri tiyakushankichej chaypi tiyarqanku chay amorreospa dioskunasninkutachu. Noqarí, tukuy aylluywampis Señortapuni yupaychasqayku.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

1 Samuel 7:3

Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.

Deuteronomio 32:16

Waj dioskunata yupaychaspa Diosta mayta phiñacherqanku. Millay lantisninkuwan phiñakuyninta k'ajaricherqanku.

Génesis 31:34

Paytaj lantista jap'iytawan camelloj monturan uraman sat'iykorqa, jinaspataj patanman tiyaykorqa. Labanqa tukuy imas ukhuta mask'aspa manapuni tarikaporqachu lantisninta.

Génesis 31:19

Chaykamataj Labanqa ovejasnimpa millmasninta ruthusharqa. Raqueltaj tatampa lantisninta suwarqa.

Judas 1:23

Wakintarí salvaychej, ninamanta ayqechispa; wakintataj manchachikuywan khuyakuychej, chejniychejtaj aychampa ch'ichichasqan p'achatapis.

Gálatas 4:8

Cheqamanta ñaupajta manaraj Diosta rejsishaspa, yupaycharqankichej mana kaj dioskunata.

1 Corintios 10:7

Chayrayku qankunaqa ama lantikunata yupaychaychejchu, imaynatachus paykunamanta wakin yupaycharqanku jinataqa. Escribisqapi nishan: Chay runasqa tiyaykukorqanku mikhunankupaj, ujyanankupaj. Chaymantataj sayarerqanku pujllanankupaj.

Hechos 19:26

Qankunaqa rikushankichej, uyarishankichejtaj, imaynatachus Pablo tukuyman junt'achisqanta: Mana dioskunachu kanku runaj makinwan ruwasqasqa, nispa. Chay nisqanwantaj, ashkha runaj sonqonta tijrachishan mana kay Efeso llajtallapichu, astawanqa tukuy Asiantimpi.

Daniel (hebreo) 5:4

Tukuynin ujyarqanku vinota, chanta lantisninkutataj yupaycharqanku. Chay lantisninkoqa qorimanta, qolqemanta, broncemanta, fierromanta, k'aspimanta, rumimanta ima ruwasqas karqanku.

Ezequiel 20:7

Tukuy paykunata kamacherqani millay dioskunasninkuta saqenankuta, Egiptopi kaj lantiswan ama ch'ichichakunankuta, imaraykuchus noqa Señorman Diosninkoqa kani, nispa.

Jeremías 16:20

Runaqa dioskunata mana ruwayta atinmanchu. Chaypachaqa chay dioskunas manapuni cheqan dioskunachu kanku.

Jeremías 13:27

Qhenchachakuypi purisqasniykita rikuni, chay p'enqayta qhenchachakuypi purisqasniykita, chay millachikuna kajkunata ruwasqasniykita, chay orqospi, jinallataj campospipis. Ay, imachus kanqa qanmanta Jerusalén! Mayk'ajkamataj millay ch'ichi puriykunaspi callenkipuniri?

Jeremías 5:7

Señorqa nin: Imaynatataj kay tukuymanta perdonaykimanri? Wawasniyki saqerpariwanku, jurankutaj qhasi mana kaj dioskunasninkunejta. Ashkha mikhunawan atipacherqani, jinapis paykunaqa qhenchachakorqanku, tukuyninkutaj qhencharioman qokaporqanku.

Isaías 52:11

T'aqakuychej, llojsimuychej Babiloniamanta, ama ch'ichi imastaqa llankhaychejchu. Paykunaj chaupinkumanta llojsimuychej; llimphuchakuychej Diospa imasninta apajkuna.

Isaías 1:16

Llimphuchakuychej, mayllakuychejtaj. Ñawisniymanta chinkarichiychej sajra ruwayniykichejta. Saqeychej sajra ruwayta.

Eclesiastés 5:1

Diospa wasinman rispaqa as allinta puriy; astawan qayllakuy sumajta uyarinaykipaj, wampu runas jina uywa ñak'asqata jaywanaykimanta nisqaqa. Chaykunaqa mana yachankuchu mana allin kajta ruwashasqankuta.

Salmos 51:7

Hisopowan mayllaway, llimphu sonqoyojtaj kasaj. Mayllaway Señor, rit'imanta aswan yurajtaj kasaj.

Salmos 51:2

Sajra kayniyta mayllaway. Juchasniymanta llimphuchaway.

Job 1:5

Chay fiestasta tukojtinkutaj Jobqa wawasninta wajyaspa, tutamanta jatariytawan uj uywata ñak'aspa Señorpaj q'olacherqa, sapa ujninku juchasninkumanta llimphuchakunankupaj. Chayta Jobqa ruwajpuni, ichapis wawasniy chay fiestankupi sonqosninkupi Diospa contranta juchallikunku, nispa.

1 Crónicas 16:26

Waj ayllumanta runaspa dioskunasninkoqa mana imachu kanku. Señorqa tukuy janaj pachakunata ruwarqa.

2 Reyes 17:29

Chaywampis sapa nacionmanta kajkunaqa dioskunasninkuta ruwakorqanku, Samaria lomas patapi altares ruwasqa karqa chaykunaman churarqanku, maypichá tiyakorqanku chaynejpi sapa nación diosniyoj karqanku.

2 Reyes 5:10

Eliseotaj uj willajta kacharqa ninampaj: Jordán mayuman rispa qanchis kutita p'ultikamuy, ukhuykitaj thañichisqa kanqa, llimphutaj kanki.

2 Samuel 7:23

Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

Rut 1:15

Chaypacha Noemí nerqa: Qhaway qhachuni masiyki llajtanman dioskunasninmantaj kutipun. Qampis ripuy, wawáy.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.

Josué 24:20

Sichus qankuna Señorta saqenkichej, waj dioskunallata yupaychankichej chayqa, payqa qankunata mana allinta ruwasonqachej, jinamanta qankunataqa tukuchisonqachej, chay jina chhika allin imasta qankunapaj ruwashaspa.

Josué 24:2

Josuetaj tukuynin israelitasman nerqa: Kay jinata israelitaspa Señor Diosnenqa nimuwanchej: Unayqa ñaupa tatasniykichej Taré, chanta wawasnin Abraham, Nacor imaqa, Eufrates mayu cantopi tiyakorqanku; chaypitaj waj dioskunata yupaycharqanku.

Josué 23:7

Ajinamanta chaupiykichejpi waj runas tiyashankuraj chaykunawan amapuni chajrukunaykichejpaj, dioskunasninkuta ama yupaychanaykichejpaj, ama kasunaykichejpaj, ni chaykunamanta parlarillankichejpischu, nitaj qonqorikunkichejchu, nitaj chaykunaj sutimpi jurankichejchu.

Deuteronomio 11:28

Maldiciontaj kanqa, maypachachus qankuna mana rejsisqa dioskunata kasojtiykichej, Señormanta qonqapuspa, ima ñantachus rinaykichejta kunan yachachiykichej chaymanta t'aqakojtiykichej.

Deuteronomio 7:25

Dioskunasninkuta ninapi q'olachinkichej. Ama munapayankichejchu, nitaj apakapunkichejchu chay qolqenkuta, qorinkutapis paykunapi kajta. Chaykunatachus ruwankichej chayqa, juchaman urmankichej. Chaytaj Señorpa ñaupaqempeqa manamin allinchu millay jucha kasqanrayku.

Deuteronomio 6:14

Qayllaykichejpi llajtaspa lantisninkuta amapuni yupaychankichejchu.

Deuteronomio 5:7

Noqamanta astawan waj dioskunataqa ama yupaychankichu.

Números 31:24

Qanchis kaj p'unchaypi p'achasniykichejta t'ajsakunkichej, ajinamanta llimphupaj qhawasqas kankichej. Chaymantaraj jaramanta yaykunkichej.

Levítico 17:16

Sichus mana p'achasninta t'ajsakonqachu, nitaj ukhusnintapis mayllakonqachu chayqa, chay runa juchachasqa kanqa.

Levítico 15:5

Pillapis chay runaj puñunanta llankhanman chayqa, chay llankhaj runaqa p'achasninta t'ajsakunan tiyan, paypis yakuwan mayllakunan tiyan. Ch'isiyaykama mana llimphupajchu qhawasqa kanqa.

Éxodo 23:13

Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.

Génesis 35:22

Uj kutitaj chaynejpi Israel tiyakushajtin, kuraj wawan Rubén Bilhawan puñuykorqa, chaytaj tatan Jacobpa tanta warmin karqa. Paytaj chayta yachaytawan maytapuni phiñakorqa. Jacobpa wawasnenqa chunka iskayniyoj karqanku.

Génesis 34:2

Chaypitaj payta rikorqa heveo Hamorpa wawan Siquem, chay llajtamanta kuraj kaj, pusaspataj mana munashajtin puñuykuspa honranta t'akarqa.

Génesis 31:30

Sichus tataykej wasinmampuni kutiyta munanki, chayraykutaj kaykamapis jamunki chayqa, imaraykutaj lantisniyta suwampuwankiri?

1 Samuel 16:5

Samueltaj kuticherqa: Arí, nispa. Jamushani Señorman uj rikuchikuta jaywaj. Llimphuchakuychej, noqawan khuskataj Señorman jamuychej rikuchikuta jaywaj. Chaymantataj Samuelqa Isaita wawasnintawan llimphucharqa, wajyarqataj Señorpa rikuchikunman.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.