Génesis 34:27 - Qheshwa Biblia DC

²⁷ Jacobpa wakin wawasnintaj jamuspa wañusqaspa patasninta llajtaman yaykuspa sakeyarqanku, panankoj honranta t'akasqanmanta aynita kutichispa.

DIOSPA QHELQACHISQAN DEUTEROCANONICAL

²⁷ Chantá Jacobpa wakin churinkuna riytawan, wañusqakunaj patanta pasaspa, llajtaman yaykorqanku. Jinaspataj, tukuy imankuta apakaporqanku. Chayta ruwarqanku panankoj honranta Sichem t'akasqanmanta.

DIOSPA QHELQACHISQ

²⁷ Chantá Jacobpa wakin churinkuna riytawan, wañusqakunaj patanta pasaspa, llajtaman yaykorqanku. Jinaspataj, tukuy imankuta apakaporqanku. Chayta ruwarqanku panankoj honranta Sichem t'akasqanmanta.

Génesis 34:27 Referans Kwoze

1 Timoteo 6:10

Tukuy sajra kajpa saphenqa qolqeta munakuy. Chayta munapayaspa wakenqa Diosmanta t'aqakorqanku, ashkha imaymana llakiykunapitaj rikukorqanku.

Ester (hebreo) 9:16

Rey Asuero kamachisharqa chay llajtaspi tiyakojkuna judiosqa tantakullarqankutaj tukuy enemigosninkuwan maqanakunankupaj, atipaspataj qanchis chunka phishqayoj waranqa runasta wañuracherqanku. Chaywampis, imasninkuchus karqa chaykunataqa mana jap'ikaporqankuchu.

Ester (hebreo) 9:10

Chay chunka runasqa judiospa enemigosnin, Amampa wawasnin karqanku. Chaywampis imasninkuchus karqanku chaykunata judiosqa jap'ikaporqanku.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

Josué 7:13

Sayarispa israelitasta tantachimuy, llimphuchachimuytaj. Niy, q'aya ñaupaqeyman chimpamunankupaj wakichikunankuta; imaraykuchus noqa Señor, Israelpa Diosnin ajinata nini: Qankuna israelitas imachus phirikunan kajta mana phirichinkichejchu. Manachus tukuyninta phirinkichej, manatajchus qanmanta jawaman wijch'unki chayqa, manapuni enemigosniykichejta atipayta atinkichejchu.

Josué 7:1

Judáj ayllunmanta ujnintaj Acán sutiyoj, Carmej wawan Zabdej allchhin, Zaraj allchhimpa wawan, wakin imasta pakaykorqa Señorman jaywasqa phirikuman kasharqa chay imasmanta. Chaynejta tukuynin israelitas juchayoj rikhurerqanku Señorpa ñaupaqempi, phirikunan imasta oqharisqankumanta. Chayrayku Diospa phiñakuynenqa paykunaj contrankuta k'ajarerqa.

Éxodo 2:14

Chay runataj kuticherqa: Pitaj qanta churasunki noqaykuta kamachinawaykupaj, juezniyku kanaykipaj ajinata ninawaykupajri? Egipcio runata wañucherqanki jinatachu wañuchiyta munashawanki? Moisestaj chayta uyariytawan mancharikorqa, nerqataj: Cheqamanta egipcio runa wañuchisqayqa yachakunña, nispa.

Génesis 34:31

Paykunataj kuticherqanku: Chaypachaqa panaykuta uj sajra purej warmita jina imatapis ruwallanqankuchu?

Génesis 34:2

Chaypitaj payta rikorqa heveo Hamorpa wawan Siquem, chay llajtamanta kuraj kaj, pusaspataj mana munashajtin puñuykuspa honranta t'akarqa.

Génesis 34:26

Hamorta wawan Siquemtapis espadawan t'ojsispa wañuracherqanku; jinaspataj Dinata Siquempa wasinmanta orqhomuytawan pusarikuspa riporqanku.

Génesis 34:28

Aparqanku ovejasta, wakasta, burrosta ima llajtamanta campomantawan.

Ezequiel 39:10

Chaywanqa manaña campomanta llant'ata pallamonqankuchu, ni montesmantapis ch'ejtamonqankuchu, manachayqa chay armasllata enqhakonqanku. Paykunamanta ñaupajpi imasninkutachus qhechurararqanku, chay runasmanta paykunañataj qhechuranqanku. Ñaupajpi paykunamanta kapuyninkuta suwarqanku, chaykunamantataj paykunañataj suwanqanku. Kaytaqa Señor nin.

Amós 3:11

Chayrayku ajinata nin Señorqa: Uj enemigo muyuykonqa llajtata, urmachenqataj sinch'i perqasniykita, orqhosonqataj palaciosniykimanta.