Génesis 32:28 - Qheshwa Biblia DC

²⁸ Chanta chay qhareqa nerqa: Kunanmanta manaña Jacobchu sutiyki kanqa. Kaymanta qhepaman Israel kanqa sutiykeqa; imaraykuchus Dioswan maqanakunki, runaswan ima, atipankitaj.

DIOSPA QHELQACHISQAN DEUTEROCANONICAL

²⁸ 28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

DIOSPA QHELQACHISQ

²⁸ 28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Génesis 32:28 Referans Kwoze

Apocalipsis 2:17

Ningriyoj kajqa uyarichun imatachus Espíritu iglesiasman nisqanta. Atipajmanqa pakasqa mana nisqata mikhuchisaj, juch'uy yuraj rumitataj qosaj. Chay juch'uy rumipitaj uj mosoj suti escribisqa. Chaytaqa mana pipis rejsinchu, astawanqa pichus chayta jap'ejlla rejsin.

Génesis 17:5

Sutiykipis manaña Abramchu kanqa, kunanmantaqa Abraham kanki; imaraykuchus churasqayki ashkha runaspa tatan kanaykipaj.

Génesis 17:15

Dios nillarqataj Abrahamman: Warmiyki Saraiqa manaña ajina sutiyojchu kanqa, kunanmanta ñaupajmanqa Sara sutin kanqa.

Isaías 65:15

Sutisniykichejta ajllasqasniyman saqenkichej chay sutista sajrapaj qhawanankupaj. Señorqa qankunata wañurachisonqachej, kamachisniytataj waj mosoj sutiwan sutichasaj.

Proverbios 16:7

Maypachachus uj runaj purisqan Señorta kusichin chaypachaqa, chejnejkunasnintinta paywan allinyakunata ruwan.

Génesis 33:4

Esautaj corrispa Jacobta kunkanmanta ojllaykuspa much'aykorqa. Jinaytawantaj iskayninku waqarikorqanku.

San Juan 1:42

Chaymantá, Jesuspaman Simonta pusarqa. Jesusrí, allinta qhawarispa payman nerqa: Qan kanki Simón, Jonaspa churin; kunanmanta sutiykeqa Cefas kanqa. Chaytaj, Pedro niyta munan.

Génesis 25:31

Jacobtaj nerqa: Kuraj wawa kaspa jap'inaykita vendeway.

2 Reyes 17:34

Unay ruwaj kanku jinata ruwashallankupuni kunankamapis. Señorta mana yupaychankuchu, nitaj waqaychankuchu nisqasninta, kamachisqasninta, nitaj leyesninman jinachu, nitaj yachachisqasninman jinachu. Chaykunata Señorqa Jacobpa mirayninman qoporqa; paytataj Israel nispa suticharqa.

2 Samuel 12:25

Chaytaqa profeta Natannejta Señorqa Davidman willacherqa. Señorta munakusqanraykutaj, Davidqa chay wawata Jedidiasta suticharqa.

1 Samuel 26:25

Saulqa chaypacha qhaparerqa: Dios bendicisuchun qan David wawayta! Qanqa may jatuchaj ruwanasman churakunki, tukuy imapitaj allimpuni risonqa! Chaymantataj Saulqa wasinman kutiporqa, Davidtaj maymanchus ripunanta ripullarqapuni.

Génesis 32:24

Chaypitaj Jacobqa sapallan qhepakorqa. Jinallaman uj qhari rikhurimorqa, chaytaj Jacobwan maqanakorqa sut'iyamunankama.

Génesis 31:24

Chay ch'isitaj arameo Labanman Dios mosqoypi nerqa: Uyariway, Jacobta ama phiñasqa parlapayankichu, nispa.

Números 13:16

Kay runastaqa Moisesqa Canaán jallp'ata qhawamunankupaj kacharqa. Numpa wawan Oseasta suticharqa Josueta.

1 Reyes 18:31

Eliastaj chunka iskayniyoj rumista oqharerqa Jacobpa wawasnin mashkha aylluchus karqanku chayman jina, Jacobta Señorqa nerqa Israel sutiyki kanqa nispa, chay rumiswantaj uj altarta ruwarqa Señorpa sutimpi; chay jawataj uj lark'ata ruwarqa altarpa muyuynimpi, chaymantaj kinsa chunka litros yaku jina yaykoj.

Génesis 33:20

Jinaspataj uj altarta ruwarqa, suticharqataj El-Elohe-Israelta.

Génesis 32:27

Chay qharitaj taporqa: Imataj sutiyki?, nispa. Paytaj nerqa: Jacob kani, nispa.

1 Crónicas 1:34

Abrahamqa Isaacpa tatan karqa. Isaacpa wawasnintaj karqanku: Esauwan, Israelwan.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.