Génesis 30:43 - Qheshwa Biblia DC

⁴³ Ajinamanta Jacobqa maytapuni qhapajyaykorqa: tiyaporqa ashkha ovejasnin, qhari kamachis, warmi kamachisnin, camellosnin, burrosnin, ima.

DIOSPA QHELQACHISQAN DEUTEROCANONICAL

⁴³ Ajinata Jacob maytapuni qhapajyaykorqa. Tiyaporqa may chhika ovejakuna, wata runakuna, camellokuna chantá burrokuna ima.

DIOSPA QHELQACHISQ

⁴³ Ajinata Jacob maytapuni qhapajyaykorqa. Tiyaporqa may chhika ovejakuna, wata runakuna, camellokuna chantá burrokuna ima.

Génesis 30:43 Referans Kwoze

Génesis 30:30

Manaraj kayman chayamushajteyqa pisilla tiyapusorqa, kunantaj ashkhaña tiyapusunki. Chayamusqaymantapacha Señorqa ashkhata qosunki. Kunanqa mayk'ajkamataj mana familiasniypaj llank'akusajchuri?

Génesis 24:35

Señorqa ashkhata bendicin patronniy Abrahamta, qhapajyachintaj. Payman qon ovejasta, wakasta, qolqeta, qorita, qhari kamachista, warmi kamachista, camellosta, burrosta ima.

Génesis 13:2

Abramqa may qhapaj karqa, tiyaporqa ashkha uywasnin, qolqen, qorin ima.

Eclesiastés 2:7

Qhari kamachista, jinataj warmi kamachistapis ranterqani, wakin kamachisniyrí kikin wasiypi nacerqanku. Tiyapullawarqataj ashkha wakasniy, ovejasniy ima, noqamanta ñaupajta Jerusalempi kajkunajmanta astawan.

Génesis 33:11

Jap'ikullayña kay uywasta, mana imaypis pisipuwanchu. Chay jinatapuni Jacob nejtenqa, ñak'aymanta Esauqa jap'erqa chay tukuy ima qosqanta.

Génesis 32:10

Mana cheqa kayniykiwan khuyanawaykipaj jinachu kani. Noqa Jordán mayuta chimpamorqani ni imawan, tojnuy oqharisqalla; kunanqa tiyapuwan iskay jaras.

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

Génesis 12:16

Sarairayku faraonqa Abramta munakorqa. Qortataj payman ovejasta, wakasta, qhari kamachista, warmi kamachista, burrosta, camellostawan.

Ezequiel 39:10

Chaywanqa manaña campomanta llant'ata pallamonqankuchu, ni montesmantapis ch'ejtamonqankuchu, manachayqa chay armasllata enqhakonqanku. Paykunamanta ñaupajpi imasninkutachus qhechurararqanku, chay runasmanta paykunañataj qhechuranqanku. Ñaupajpi paykunamanta kapuyninkuta suwarqanku, chaykunamantataj paykunañataj suwanqanku. Kaytaqa Señor nin.

Génesis 31:42

Jinaqa, sichus Abrahampa Diosnin, tatay Isaac yupaychan chay Dios mana noqawanchu kanman karqa chayqa, qanqa mana imayojta kacharpayamuwankiman karqa. Chayrayku Diosniy llakiyniyta rikuwan, imaynatachus llank'apususqayta. Chantamá á ch'iseqa k'amisunki.

Génesis 36:7

Imarayuchus iskayninku ashkha uywasniyoj karqanku, chayrayku manaña iskaynin aterqankuchu khuska tiyakuyta. Chaynejta chay jallp'aqa pisiparqa uywasninkuta michinankupaj.

San Lucas 12:45

Chay kamachichus sonqompi ninman, patronneyqa manaraj chayamonqachu, nispa; qallarinmantaj kamachista jasut'iyta; jinallatataj warmi kamachistapis; manchaytataj mikhunman, ujyanmantaj machanankama chayqa.

Génesis 30:42

Tukuy uywas tulluslla kajkunamanri mana chay k'aspista churajchu. Chay tulluslla kajkunaqa Labampaj karqa, allin wirasnin kajkunataj Jacobpaj karqa.

Génesis 31:1

Jacob uyarerqa Labampa wawasnin nisqankuta: Jacobqa tatanchejpa tukuy kapuyninta jap'ikapun, chaywan qhapajyaykun, nispa.

Génesis 32:5

Kunantaj tiyapuwan wakas, burros, ovejas, warmi kamachis, qhari kamachis ima. Kayta nichimuyki wiraqochíy, qampa ñaupaqeykipi khuyakuyta tariyta munaspa.