Génesis 3:5 - Qheshwa Biblia DC

⁵ Dios yachan allinta, maypachachus chay sach'aj poqoyninta mikhojtiykichej sumaj yachayniyojman tukunaykichejta. Ajinamanta chaywan qankunaqa Dios jina kankichej, yachankichejtaj imachus allin kajta mana allin kajtapis.

DIOSPA QHELQACHISQAN DEUTEROCANONICAL

⁵ Dios allinta yachan kay sach'aj poqoyninta mikhojtiykichej, ñawiykichej kicharikunanta. Chantá yachallantaj allin kajta, jinataj mana allin kajta yachaspa, Dios jina kanaykichejta, nispa.

DIOSPA QHELQACHISQ

⁵ Dios allinta yachan kay sach'aj poqoyninta mikhojtiykichej, ñawiykichej kicharikunanta. Chantá yachallantaj allin kajta, jinataj mana allin kajta yachaspa, Dios jina kanaykichejta, nispa.

Génesis 3:5 Referans Kwoze

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Génesis 2:17

Allin kajta mana allin kajta rejsina yachay sach'aj poqoynillanta amapuni mikhunkichu; chay sach'aj poqoynintachus mikhunki chayqa, wañunki.

2 Corintios 11:3

Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

San Mateo 6:23

Ñawiykitajchus mana allin kanman chayqa, tukuy cuerpoyki laqhapi rikhurenqa. Chay qampi kashaj k'anchaytajchus laqhayapunman chayqa, imayna yana laqhapunitaj kanman chay laqhari!

Génesis 3:22

Nerqataj: Runaqa ujninchej jina kunanqa, yachan allin kajta, mana allin kajtapis. Kunanqa ama makinta oqharillachuntajchu, kausay sach'aj poqoyninta orqhospa mikhuykuspataj wiñaypaj kausanampaj.

Génesis 3:10

Qharitaj kuticherqa: Uyarerqayki huerta ukhupi purishajta, manchachikorqayki q'alalla kaspa, chayrayku pakaykukorqani.

Génesis 3:7

Kikimpachataj ñawisninku kicharikorqa, reparakorqankutaj q'alaslla kashasqankuta. Kikimpachataj higos laqhesmanta p'achasta sirakorqanku, chaywantaj mayt'ukorqanku.

Apocalipsis 13:14

Ñaupaj phiña animalpa ñaupaqempi, jatuchaj rikuchinasta ruwanampaj atiyta qorqanku. Chaykunawantaj kay pachapi tiyakojkunata ch'aukiyarqanku; kamacherqataj paykunaman ruwanankuta phiña animalpa lantinta, pichus espadawan k'irisqa karqa, kausarqataj.

Apocalipsis 13:4

Sierpetataj yupaycharqanku, mayqenchus phiña animalman atiyta qorqa. Phiña animaltapis yupaychallarqankutaj, nispa: Pitaj chay phiña animal jina, pitaj paywan maqanakuyta atenqari?

Isaías 14:14

Phuyus pataman wicharisaj, Patapi kaj Diosmantaj rijch'akusaj, nispa.

1 Reyes 22:6

Chanta Israelpa kamachejnin tukuynin profetasta tantaykorqa, tawa pachajta jina, chaykunamantaj nerqa: Galaadmanta Ramotpa contrampi risajchu maqanakoj manachu? Paykunataj nerqanku: Rillay, imaraykuchus Señorqa reypa makinman jaywanqa.

Éxodo 20:7

Ama qhasimanta oqharinkichu Señor Diosniykej sutinta. Diosqa jasut'enqapuni pischus sutinta qhasimanta oqharejtaqa.

Éxodo 5:2

Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

Daniel (hebreo) 6:7

Tukuynin kurajkuna, tukuynin kamachejkunataj tantakorqanku nacionnintinmanta, chaypitaj unanchakorqanku reymanta uj kamachiy llojsinanta, chanta tukuyman willarachisqa kananta. Chay kamachiytaj kay jina kachun: Kinsa chunka p'unchay junt'ata, ama pipis mañakuchunchu ni mayqen diosmanta, nitaj mayqen runamantapis, mana chayqa qanllamanta mañakuchun. Pichus mana kasukonqa chayqa, leonkunaj t'oqonman wijch'usqa kachun.

Ezequiel 28:9

Wañuchisojpa ñaupaqempeqa, noqa dios kani nispa parlarinkichu? Qanqa runalla kanki, manataj dioschu wañuchisojpa ñaupaqempeqa.

Ezequiel 13:22

Qankunaqa llullirioswan cheqa kausaypi kaj runasta manchachinkichej. Noqaqa mana munarqanichu chay jinata ruwaytaqa. Astawanqa, sonqochankichej sajra sonqoyoj runasta, umachankichejtaj ama t'aqakunankuta sajra puriyninkumanta, ajinamanta noqa paykunata ama kausachinaypaj.

Salmos 12:4

Chay nejkunata: Simillanchejwanqa tukuy imata tarisunman, allintachus parlasunman chayqa. Pitaj ch'inyachiwasunmanri?

2 Crónicas 32:15

Chayrayku ama ch'aukiyachikuychejchu, nitaj sonqoykichejta suwachikuychejchu, Ezequiastaqa amataj creeychejchu. Mana mayqen diospis chay nacionesmanta, reinonmantapis llajtankuta librayta aterqankuchu makiymanta, ñaupa tatasniypa makinmantapis. Astawanraj ari Diosniykichejqa mana atenqachu makiymanta qankunata kacharichiytaqa.

Ezequiel 29:3

Kunanqa kay jinata parlay: Señorqa kay jinata nin: Egipto llajtapi kamachej faraón, sierpe, mayusniyki chaupipi winkhuraj, nishankitaj: Nilo mayoqa noqajta, noqa ruwarqani, nispa. chayrayku noqaqa contraykipi sayarini.

Génesis 2:9

Chay huertapi Señor Dios wiñacherqa tukuy laya sumaj poqoj sach'asta mikhunapaj. Huerta chaupitaj karqa kausay sach'a, wiñachillarqataj allin kajta mana allin kajta rejsina sach'atapis.

Jueces 3:2

Señorpuni saqerqa israelitas maqanakuyta yachanankupaj chay pischus ni jayk'aj maqanakuman chayarqankuchu chaykunapaj.