Génesis 3:17 - Qheshwa Biblia DC

¹⁷ Qharimantaj nerqa: Warmiykita kasusqaykirayku, chay sach'aj poqoyninta amapuni mikhunkichu mikhuspa nerqani chayta, kunanqa jallp'a maldicisqa kanqa; ancha ñak'ariywantaj poqochinki mikhunaykipaj tukuy kausayniykipi.

DIOSPA QHELQACHISQAN DEUTEROCANONICAL

¹⁷ Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

DIOSPA QHELQACHISQ

¹⁷ Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Génesis 3:17 Referans Kwoze

Génesis 5:29

Chaytaj karqa Noé, imaraykuchus nerqa: Dios maldicin jallp'ata, llank'ananchej tiyan atiy mana atiyta, chaymanta kay wawa samarichiwasun.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Salmos 127:2

Qhasillata inti llojsimusqanmanta, yaykupunankama llank'asunman, jump'iywan ganasqa t'antatatajpis mikhusunman, imaraykuchus munakusqasninman kusiyta qon.

Eclesiastés 5:17

Chay jawa runaqa tukuy kausaynimpi laqhapi jinalla mikhonqa pata patallata purispa, llakiywan mana imayojtaj.

Job 14:1

Warmimanta nacesqa runaqa, pisillata kausan, imaymana llakiykunawan junt'a.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.

Job 21:17

Mayk'ajtaj sajra runaspa k'anchaynin wañuporqari? Mayk'ajtaj llakiyman urmarqankuri? Mayk'ajtaj Dios paykunapaj mayta phiñakuspa ñak'aricherqari?

San Lucas 19:22

Chay kajmantaj reyqa nerqa: Qanqa mana allin kamachichu kanki. Parlasqaykipi rejsiyki. Phiña kasqayta yacharqanki, mana noqajta kajllata jap'ikapusqayta, mana tarpusqayta oqharisqayta ima chayqa; imaraykutaj mana bancoman churaykapuwarqankichu chay qosusqay qolqeyta? Kutimuspataj miraynintawan orqhokapuyman karqa.

San Mateo 25:45

Señortaj paykunaman nenqa: Cheqamanta niykichej, kay juch'uy ujnin kaj wauqeypaj, mana imata ruwaporqankichejchu chayqa; nillataj noqapajpis ruwapuwarqankichejchu.

Eclesiastés 2:17

Chayrayku, kay pachapi kausayniywanqa mayta amichikorqani; tukuy ruwasqasniypis qhasi mana kajlla, wayra jap'ikuy jinalla.

Eclesiastés 2:11

Chaymantaqa, tukuy imata makiyniywan ruwasqasniyta qhawarini, imaynamantachus chaykunata ruwasqasniytawan. Chaytaj karqa noqapajqa qhasi mana kajlla, wayra jap'ikuy jinalla, kay pachapi mana imapaj allinniyoj.

Génesis 3:11

Diostaj taporqa: Pitaj nisunki q'alalla kasqaykitari? Kay sach'aj poqoyninta amapuni mikhunkichu, nisqaytachu mikhorqanki?, nispa.

Génesis 3:6

Warmitaj sach'ata qhawarerqa mikhunapaj jina moq'eyta. Jinallataj chayta mikhuykuspa imatapis yachanapaj jina. Ujnin poqoyninta p'itispataj mikhuykorqa; qosanmampis jaywarqa, paypis mikhuykullarqataj.

San Mateo 22:12

Nerqataj: Kausaqéy, imajtintaj kayman yaykumorqanki mana casamiento p'achayojri? Paytaj ch'inlla karqa.

Hebreos 6:8

Ima jallp'achus khishkasta, qhasi qhorasta poqojqa, qhesachasqaña, maldicisqa kanampajtaj qayllapiña, tukukuynimpitaj ruphachisqa kanqa.

Génesis 3:18

Jallp'aqa wiñachipusonqa khishkasta, tukuy sajra qhorastawan; qantaj qhasi qhoraspa poqoyninta mikhunki.

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.