Génesis 29:32 - Qheshwa Biblia DC

³² Leaqa wijsayoj rikhurerqa Jacobpaj, nacejtintaj suticharqa Rubenta, Señor rikuwan llakisqa kasqayta. Chayrayku qosayqa kunan munakuwanqapuni, nispa.

DIOSPA QHELQACHISQAN DEUTEROCANONICAL

³² Ajinaqa Lea Jacobpaj onqoj rikhurerqa, paqarichikuspataj, wawanta “Rubén” sutiwan suticharqa. Pay nerqa: Tata Dios llakisqa kasqayta rikuwan. Chayrayku qosay munakuwanqa paypaj wawata rejsisqayrayku, nispa.

DIOSPA QHELQACHISQ

³² Ajinaqa Lea Jacobpaj onqoj rikhurerqa, paqarichikuspataj, wawanta “Rubén” sutiwan suticharqa. Pay nerqa: Tata Dios llakisqa kasqayta rikuwan. Chayrayku qosay munakuwanqa paypaj wawata rejsisqayrayku, nispa.

Génesis 29:32 Referans Kwoze

Deuteronomio 26:7

Chaypacha mañakorqanchej ñaupa tatasninchejta Señor Diosninmanta yanapanawanchejta. Paytaj uyariwarqanchej mañakusqanchejta, rikorqataj llakiyninchejta, ñak'ariyninchejtapis.

Éxodo 4:31

Israelitastaj creerqanku chay nisqanta. Yachaspa Señorqa Israelpa wawasninmanta yuyarikusqanta llakiyninkuta rikusqanta. Jinaspataj tukuyninku qonqoriykukuspa Señorta yupaycharqanku.

Éxodo 3:7

Señortaj nillarqapuni: Cheqamanta noqa rikuni imaynatachus aylluy Egiptopi ñak'arisqanta. Uyarini mayta qhaparikusqankuta capatazkuna jasut'isqankurayku; allinta yachani ñak'arisqankuta.

Salmos 106:44

Chay tukuywampis, payqa llakiyninkuta rikuspa, waqasqankuta uyarerqa.

Salmos 25:18

Llakiykunas mayta ruwawasqankumantawan qhawariway, juchasniytataj pampachapuway.

2 Samuel 16:12

Ichapis Señorqa uyariwanqa kay llakiyniyta rikuspa, bendicionesninta apachimuwanman chay maldicionespa cuentanmantaqa.

1 Samuel 1:20

Ajinamanta Anaqa wijsallisqa rikhurerqa. Nacechikunan tiempo chayamojtinñataj, uj qhari wawata nacechikorqa, suticharqataj Samuelta, nerqataj: Kaytaqa Señormanta mañakorqani, nispa.

1 Samuel 1:11

Señorman kayta nerqa: Tukuy Atiyniyoj Señor: Sichus qan qhawariwaj kay kamachiykej llakiyninta chayqa, noqamanta yuyarikuspa uj wawata qowankiman chayqa, noqa qopusqayki tukuy kausaynimpi qampa kamachiyki kanampaj, manataj jayk'ajpis chujchasnin k'utusqaschu kanqanku.

Génesis 42:27

Chay ch'isitaj uj cheqaman chayaspa, ujnin kajqa costalninta phaskarasqa burroman trigota qorinampaj, paytaj chaypi qolqenta tarikapusqa costalampa simimpi.

Génesis 42:22

Chaymanta Rubén paykunaman nerqa: Chayrayku noqaqa nerqaykichej ama ima sajratapis Joseta ruwanachu, nispa: qankunataj mana kasuwarqankichejchu, kunanqa yachaychej á llakiyninman chayanchej, wañuyninman chayanchej.

Génesis 31:42

Jinaqa, sichus Abrahampa Diosnin, tatay Isaac yupaychan chay Dios mana noqawanchu kanman karqa chayqa, qanqa mana imayojta kacharpayamuwankiman karqa. Chayrayku Diosniy llakiyniyta rikuwan, imaynatachus llank'apususqayta. Chantamá á ch'iseqa k'amisunki.

1 Crónicas 5:1

Israelpa kuraj kaj wawan Rubempa wawasnin karqanku: Hanoc, Falú, Hezrón, Carmi ima. Rubenqa kuraj kaj wawa karqa. Chaywampis tatampa warminwan puñuykusqanrayku kuraj wawaj chayaqentaqa, Israelpa wawan Josej wawasninman qosqa karqa. Chayrayku Rubenqa manaña kuraj wawa jinachu yupasqa karqa. Chanta aswan qhepaman Judaqa hermanosninmanta aswan atiyniyojman tukorqa, paymantataj llojserqa uj kuraj kamachejqa. Jinapis, kuraj wawa kajpa chayaqenqa Josejpatapuni karqa.

Génesis 16:11

Qanqa onqoj kashanki, uj qhari wawa tiyapusonqa, sutichankitaj Ismaelta; imaraykuchus Señor uyarisunki llakiyniykita.

Génesis 37:29

Rubentaj kutimuspa pujyuta qhawaykuytawan mana tarerqachu Josetaqa, llakiywantaj p'achasninta llik'ikorqa llakisqa kasqanta rikuchinampaj.

Génesis 35:22

Uj kutitaj chaynejpi Israel tiyakushajtin, kuraj wawan Rubén Bilhawan puñuykorqa, chaytaj tatan Jacobpa tanta warmin karqa. Paytaj chayta yachaytawan maytapuni phiñakorqa. Jacobpa wawasnenqa chunka iskayniyoj karqanku.

Génesis 29:31

Señor rikorqa Jacobqa Leata mana munakusqanta, chayrayku nerqa Lea wawasniyoj kananta, Raqueltaj mana wawasniyoj.

Números 1:5

Yanapajkuna qharispa sutisninkoqa kaykuna kanku: Rubén ayllumanta: Sedeurpa wawan Elisur.

Génesis 35:23

Leapi Jacobpa kuraj kaj wawanqa karqa Rubén; sullk'astaj Simeón, Leví, Judá, Isacar, Zabulón ima.

Deuteronomio 27:13

Israelitasta maldicinankupajtaj Ebal orqoman wicharenqanku kay ayllus: Rubén ayllu, Gad ayllu, Aser ayllu, Zabulón ayllu, Dan ayllu, Neftalí ayllu ima.

Ezequiel 48:6

Efraimpa jallp'ampa ladompitaj, inti llojsimuymantapacha mar qochakama Rubempa chayaqen kanqa.