Génesis 28:15 - Qheshwa Biblia DC

¹⁵ Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

DIOSPA QHELQACHISQAN DEUTEROCANONICAL

¹⁵ Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

DIOSPA QHELQACHISQ

¹⁵ Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 28:15 Referans Kwoze

Josué 1:5

Tukuy kausayniykipi mana pipis atipasonqachu. Noqa qanwan kasaj, imaynatachus Moiseswan karqani ajinata, manataj ni jayk'ajpis sapaykita saqesqaykichu.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Jeremías 1:19

Paykunaqa qanwan maqanakusonqanku, manataj atipasonqankuchu, imaraykuchus qanwan noqa kasaj jark'asunaypaj. Noqa Señor chayta nini.

Deuteronomio 31:6

Qankunaqa sumajta kallpachakuychej, sinch'itataj sayaychej. Qankunaqa ama manchachikunkichejchu chay runaswan tinkuytawan. Señor Diosniykichejqa qankunawan kashan. Payqa qhawasonqachejpuni, manataj saqerpayasonqachejchu.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 31:3

Chaymanta Señorqa Jacobman nerqa: Kutipuy jallp'aykiman, tatasniykej jallp'anman, maypichus ayllusniyki kashan chayman, noqataj qanwan kasaj.

Génesis 26:3

Kunanraykoqa kay jallp'allapiraj tiyakushay. Noqa qanwan kasaj, bendicisqaykitaj. Qanman, mirayniykimanwan kay jallp'asta qosqaykichej. Ajinamanta junt'asaj tatayki Abrahamman imatachus qosqayki nerqani chayta.

San Mateo 24:35

Cielo, kay mundopis tukukaponqanku, palabrasniytaj mana jayk'ajpis tukukonqankuchu.

San Mateo 18:20

Maypichá iskay, chayrí kinsa, noqaj sutiypi tantakunku chayqa, chaypi paykunaj chaupinkupi kani.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

1 Reyes 8:57

Señor Diosninchejqa noqanchejwampuni kachun, imaynatachus tatasninchejwan karqa ajinata, amataj saqerpariwasunchu, nitaj qhesachawasunchu.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

1 Timoteo 4:8

Cuerpota kallpachayqa pisillapaj, Diosta yupaychayrí sumaj tukuy imapaj; imaraykuchus allinmin kay kausaypi, jinallataj jamoj kausaypipis.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

Génesis 48:21

Chaymantataj Joseman nerqa: Qhaway, noqaqa wañupusajña, Dios qankunawan kanqa. Payllataj kutichisonqachej ñaupa tatasniykichejpa jallp'anman.

Isaías 8:10

Sumajtapis yachachinakuychej qhasi manakajpaj kanqa. Imatapis parlasqaykichejqa, manapuni junt'akonqanku, imaraykuchus Diosqa noqaykuwan kashan.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Jueces 6:16

Señortaj kuticherqa: Noqa qanwan kasqayrayku qanqa ruwayta atillanki. Madianitastaqa atipanki imaynatachus uj sapan runata atipanchej jinata.

Judas 1:1

Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Génesis 32:9

Chaymantataj Jacobqa Diosmanta mañakuyta qallarerqa: Señor, abueloy Abrahampa Diosnin, tatay Isaacpatawan Diosnin, qan niwarqanki ayllusniypaman, jallp'ayman kutipunayta, niwarqankitaj noqawan kanaykita allin rinawampaj.

Génesis 46:4

Noqa qanwan Egiptoman uraykusaj; noqallataj qhepaman mirayniykita orqhuspa kutichimusaj kayman. Chantapis wañojtiyki Joseyki qayllaykipi kanqa.

Génesis 21:20

Ajinata Dios yanaparqa Ismaelta, paytaj wiñarqa, tiyakorqataj ch'in pampapi; chantaqa sumajtataj flechayta yacharqa.

Génesis 31:5

Chayajtinkutaj nerqa: Noqa reparakuni, tataykichejqa manaña ñaupajta jinachu qhawawasqanta; chaywampis tataypa Diosnenqa noqawampuni kashan.

Génesis 31:13

Betelpi rikhurisorqa chay Dios noqa kani, maypichus qan niwarqanki imatachus ruwanaykita, uj rumita sayachispa chayman aceiteta jich'aspa. Kunanqa jaku, sayariy, ripuy kay jallp'amanta, kutipuy maypichus nacerqanki chayman, nispa niwarqa.

Génesis 35:3

Usqhayllata risunchej Betelman; chaypi ruwamunay tiyan uj altarta, llakisqa kashajtiy yanapawaj Diosman, Pay yanapawan tukuy puriyniypi.

Éxodo 13:11

Maypachachus Señor chayachisonqachej Canaán jallp'aman, mayqentachus juraspa nerqa qankunaman qonanta, jinallataj ñaupa tatasniykichejmampis, chayman chayaspa, Señorman jaywankichej tukuy kuraj kaj qhari wawasniykichejta, jinallataj tukuy uywasniykichejpa phiwi uñasintapis. Orqos kajkunaqa Señorpata kanqa.

Números 6:24

Señorqa bendicisuchun, waqaychasuchuntaj.

Deuteronomio 7:9

Chayrayku yachaychej ari, Señor Diosniykichejqa Pay sapallan Dios kasqanta. Yachallaychejtaj cheqan Dios kasqanta. Ima trato ruwasqantapis junt'asqanta may chhika miraykunaskama. Payta munakojkunaman, kamachiykunasnintataj junt'ajkunaman.

Deuteronomio 30:3

Chaypacha Señor Diosniykichejqa kutichimonqa karu llajtasman apasqasta, khuyakusonqachejtaj. Ujtawantaj tantamusonqachej chay tukuy nacionesmanta, maykunamanchus wijch'usorqachej chaykunamanta, kay mundoj cantonkamapis ch'eqerasqa kashajtiykichej. Chaykunamantapacha Señor Diosniykichejqa kutirichimusonqachej.

Deuteronomio 31:8

Señorqa ñaupaqeykita renqa, qanwantaj kanqa. Payqa qhawasonqapuni, manataj saqerpayasonqachejchu. Qanqa ama manchachikuychu, nitaj kharkatitiychu.

Génesis 30:25

Raquelqa Joseta nacechikusqanmanta qhepaman, Jacobqa Labanman nerqa: Saqeway llajtayman kutipojta.

Levítico 26:42

Chaymantaraj yuyarikusaj trato ruwasqaymanta Jacobwan, Isaacwan, Abrahamwan ima. Jinallataj yuyarikusaj ima jallp'atachus qosqaymantapis.

Levítico 26:45

Chantapis yuyarikullasajtaj, ima tratotachus Egiptomanta orqhomushaspa ruwasqayta, waj naciones rikushajtinku, Israelpa Diosnin kanaypaj. Noqamin Señorqa kani.

Salmos 91:11

Pay angelesninta kamachenqa, maymampis rejtiyki qhawasunankupaj.

Jeremías 16:15

Manachayqa ninkichej: Señorpa kausayninrayku, pichus israelitasta wichay jallp'amanta orqhomorqa, jinataj chay tukuy maymanchus ch'eqerachisqas karqankichej chay jallp'asmantapis. Noqa ruwasaj qankuna jallp'aykichejman kutimpunaykichejta, chay ñaupa tatasniykichejman qorqani chay jallp'asman.