Génesis 28:1 - Qheshwa Biblia DC

¹ Chaymanta Isaacqa Jacobta wajyachispa bendicerqa, kamacherqataj: Qanqa amapuni pusarikunkichu kay Canaán llajtayoj warmista.

DIOSPA QHELQACHISQAN DEUTEROCANONICAL

¹ Chaymanta Isaacqa Jacobta wajyacherqa. Chantá saminchaykuspataj, payta kamacherqa: Qanqa amapuni Canaán llajtayoj warmiwan warmichakunkichu.

DIOSPA QHELQACHISQ

¹ Chaymanta Isaacqa Jacobta wajyacherqa. Chantá saminchaykuspataj, payta kamacherqa: Qanqa amapuni Canaán llajtayoj warmiwan warmichakunkichu.

Génesis 28:1 Referans Kwoze

Génesis 24:3

Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

Génesis 27:46

Chaymanta Rebecaqa Isaacmanñataj qayllaykuspa nerqa: Anchataña umayta nanachiwanku Esaupa warmisnin Hetpa wawasnin. Sichus Jacobpis kay Canaán llajtayoj Hetpa ujnin kaj ususinwan, kaykuna jinallawantaj casaranqa chayqa, wañupuyllataña munani, imapaj kasajri?, nispa.

Génesis 24:37

Patronniy Abrahamtaj jurachiwarqa: Ama casarachinkichu churiyta kay Canaán llajtayoj warmiswan, maypichus noqa tiyakuni chaypi, nispa.

Génesis 6:2

Diospa wawasnintaj paykunawan casarakorqanku sumaj warmista rikuspa, ajllakuspataj munasqankuman jina.

Josué 22:7

Manasespa khuskan ayllunmantaj Moisesqa jallp'ata qosqa Basán nisqa chaynejpi. Manasespa wakin khuskan ayllumantaj Josué jallp'ata qorqa Jordán mayoj inti chinkaykuyninnejpi, israelita wauqesnimpa chaupimpi. Paykunatapis Josueqa, allillanta ripuychej, nispa, toldosninkuman kachapullarqataj.

Deuteronomio 33:1

Manaraj wañupushaspa Diospa ajllasqan runa Moisesqa, israelitasta bendicerqa kay jinata:

Génesis 49:28

Kaykuna kanku chunka iskayniyoj Israel ayllus. Kaytataj tatanku sapa uj wawasninman bendicishaspa nerqa.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Génesis 34:16

Chaymantaraj ususisniykuwan casarayta atinkichej; jinallataj noqaykupis ususisniykichejwan casarayta atisqayku. Jinaspataj khuska tiyasunchej, uj llajtallatataj ruwasunchej.

Génesis 34:9

Qankuna kaychej ari noqaykoj ayllusniyku; ajinamanta noqayku ususisniykichejwan casarasqayku, jinallataj qankunapis ususisniykuwan casarakunkichej.

Génesis 27:4

Jinaspataj sumaj aycha mikhuyta wayk'upuwanki munasqayman jina; apamuwankitaj mikhunaypaj, amaraj wañushaspa kuraj wawa kaspa jap'inayki bendicionniykita qopusqayki.

Génesis 24:4

Manachayqa riy ari llajtayman, aylluy ukhumanta mask'amunki uj warmita waway Isaacpaj.

Génesis 28:6

Esaú yacharqa tatan Isaac Jacobta bendicisqanta, Padanaranman kachasqanta chaypi casaramunampaj. Chanta reparallarqataj bendicishaspa Jacobman nisqanta Canaanmanta kaj warmiswan casarananta.

Génesis 38:2

Chaypi Judaqa rejsinakorqa uj cananeo Suaj nisqa runaj ususinwan. Chantá chay sipaswan casararqa.

Jeremías 29:6

Casarakuychej, qhari wawasniyoj warmi wawasniyojtaj kaychej. Paykunapis casarakuchunku, wawasniyojtaj kachunku, astawan miraychej ama pisiyanaykichejpaj.